২ শমূয়েল 24:1 - Chakma Bible

¹ লগেপ্রভু আরঅ ইস্রায়েলীয়গুনো উগুরে রাগে জুলি উদিলো। তে দায়ূদোরে তারার বিরুদ্ধে রাগ তুলি দিইনে কলদে, “তুই যেইনে ইস্রায়েল আর যিহূদা মানুচ্চুনোরে গুণিই লঅ।”

২ শমূয়েল 24:1 Iomraidhean Croise

পত্থম 45:5

মাত্তর্‌ তুমি মরে বিজি দুয়ো বিলিনে ইক্কিনে দুঃখো ন-পেয়ো বা নিজো উগুরে রাগ ন-গোজ্য। মান্‌জ্য পরাণ রোক্ষ্যে গুরিবাত্যে গোজেনে তমা আগেদি মরে ইধু পাদেয়্যে।

পত্থম 50:20

তুমি মর্ অমংগল চেইয়ো, মাত্তর্‌ গোজেনে সিয়েনর্ ভিদিরেদি মংগল গুরিবার সল্লা গোজ্যে যেন ভালোক্কুন মান্‌জোর্ পরাণ রোক্ষ্যে পায়; আর এচ্চ্যে সিয়েনোই অর্‌।

২ শমূয়েল 12:11

লগেপ্রভু আরঅ কলঅ, মুই তঅ গিরিত্তুন্‌ তত্তেই দযাগান টানি আনিম। তঅ চোগো মুজুঙোত্‌ মুই তঅ মোক্কুনোরে নেযেইনে তঅ নিজো মানুচ্চুনোরে দিম্। তে বেক্কুনোর্‌ চোগো মুজুঙোত্‌ তারারে নেযেইনে ঘুম যেবঅ।

২ শমূয়েল 16:10

রাজা কলঅ, “ও সরূয়ার পূঅগুন, এ পৌইদ্যেনে তমা লগে মর্‌ কি সম্পর্ক? লগেপ্রভু যুনি তারে কোই থায় ‘দায়ূদোরে গেইল্ দে’ আর সেনত্তেই তে গেইল্ দে, সালে কন্না তারে পুযোর্‌ গুরি পারিবো, ‘কিত্তেই তুই এ কামান্‌ গোজ্যস্?’”

২ রাজাবলী 3:6

সেনত্তে রাজা যোরামে সেক্কে শমরিয়াত্তুন্‌ নিগিলি এইনে বেক্‌ ইস্রায়েলীয় সৈন্যগুন্‌ এগত্তর্‌ গুরিলো।

১ বংশধর 21:1

শতান্‌নো এবেরা ইস্রায়েল বিরুদ্ধে লাগিলো। ইস্রায়েল জাদ মানুচ্চুনোরে গুণিবাত্তে তে দায়ূদো মনত্‌ আওজ্ জাগেল।

১ বংশধর 7:2

তোলয় পুয়োগুন অলঅ উষি, রফায়, যিরীয়েল, যহময়, যিব্‌সম আর শমূয়েল। ইগুনে নিজোর্‌ নিজোর্‌ বংশর নেতা এলাক্। দায়ূদ রাজাগিরি সময়োত্‌ তোলয় বংশর যিদুক্কুন্‌ মান্‌জ্যরে যোদ্ধা ইজেবে বংশ-নাঙানিত্ নাঙ্‌ লেগা ওইয়্যে তারা জনেদি এলাক্‌ বেইশ্‌ আজার্ ছয়শ জন।

১ বংশধর 7:40

আশের-গুট্টির এ মানুচ্চুনে এলাক্‌ নিজোর্‌ নিজোর্‌ বংশর নেতা। ইগুনে পত্তিজনে এলাক্‌ বেই লোইয়্যে বোলী যোদ্ধা আর আজল্‌ নেতা। আশের বংশ-নাঙানিত্ লেখ্যে মানুচ্চুনো ভিদিরে যুদ্ধোত্‌ যেবাত্তে যুক্কোল্‌ ওইয়্যে মানুচ্চুন্‌ অলাক্‌ ছাব্বিশ আজার্।

২ বংশধর 32:25

মাত্তর্‌ হিষ্কিয়ো মনত্‌ বাড়্‌বো গরানাগান্ দেগা দিলো। তা উগুরে যে বাবোত্যে বর্‌ দিয়্যে ওইয়্যে সেই মজিম্ তে কাম্‌ ন-গরে; সেক্কে তা উগুরে আর যিহূদা আর যিরূশালেম উগুরে লগেপ্রভুর রাগ্‌ অলঅ।

যাত্রা 7:3

মাত্তর্‌ মুই ফরৌণ মনান্‌ একবাবোত্যে গুরি দিম যেনে মুই মিসর দেজত্‌ ভালক্কানি চিহ্নো দেগেই পারঙ্‌ আর আমক্‌ অবার কাম্‌ গুরি পারঙ্‌। তে কনবাবদে তমা কধা ন-শুনিবো। সেনত্যে মুই মিসর্‌ দেজ উগুরে আঢ্ দিম আর অমকদ সাজা-দিইনে মুই মঅ সৈন্যগুনোরে, অত্তাৎ মঅ মানুচ্ ইস্রায়েলীয়গুনোরে সে দেজত্তুন্‌ নিগিলেই আনিম।

যিহিষ্কেল 14:9

“‘যুনি সেই ভাববাদীবো তারে কনঅ জোব্ দে সালে হবর্ পেবাদে যে, মুই লগেপ্রভু জোব্ দিবাত্তে তারে ভুলেয়োং। সে পরেদি সেই ভাববাদীবোর বিরুদ্ধে মুই আঢ্ বাবেম্ আর মঅ মানুচ্চো ইস্রায়েলীয়গুনো ভিদিরেত্তুন্ তারে ভস্ত গুরিম।

যিহিষ্কেল 20:25

সেনত্তে যেদক্কানি সুদোম গম্ নয় আর যে রীদি-সুদোমর্ মাধ্যমে তারা জিংকানি ন-পেবাক্ সেই বেক্কুনো আদত্ মুই তারারে ইরি দিলুং।

লেবীয় 10:6

মোশি যেরেন্দি হারোণ আর তার্‌ দ্বিবে পূঅ ইলীয়াসর্‌ আর ঈথামররে কলঅ, “দুঘে তমার্ চুলানি বান্যেগান্‌ খুলি ন-দুয়ো আর কাবড় ফাদি ন-দুয়ো। সিয়েন্‌ গুরিলে তুমি মুরি যেবা আর গোদা ইস্রায়েল্‌ জাদ উগুরে লগেপ্রভু বেজার্ অবঅ। মাত্তর্‌ লগেপ্রভু যিগুনোরে আগুন্দোই মারে ফেলেয়্যে তারাত্তে তমার্ কুদুম্মোগুনে, অত্তাৎ অন্য ইস্রায়েলীয়গুনে আবিলেচ্ গুরি পারিবাক্।”

গণাণা 1:19

সিনাই ধূল্যেচর চাগালাত্‌‌ মোশি লগেপ্রভুর উগুম্‌ মজিম মানুচ্চুনোরে গুণি নেযেল।

প্রেরিত্‌ 4:28

তর্ খেমতালোই আর আওজ্‌সোই যিয়েনি ঘুদিবো বিলি তুই আগে ঠিগ্ গুরি থোইয়োচ্ তারা সিয়েনই গোজ্যন্।

২ থিষলনীকীয় 2:11

ইয়েনত্যে গোজেনে তারা ইধু এমন্‌ এক খেমতা পাদেব যিয়েনে তারারে ভুল্ পধেদি নেযেব, যেন তারা মিজে মিজে বিশ্বেজ্ গরন।

বিচের গুরিয়্যেগুন 2:14

সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।

বিচের গুরিয়্যেগুন 2:20

সেনত্তেই লগেপ্রভু ইস্রায়েলীয়গুনো উগুরে রাগে ফুলি উদিনে কলঅ‌, “এ জাদর্‌ পূরোণি মানুচ্চুনোর্‌ সময়োত্‌ মুই যে সুদোমান্‌ থিদে গোজ্যং সিয়েন ইগুনে ন-পালান্‌ আর মঅ কধানিয়ো ন-শুনোন্‌।

১ শমূয়েল 26:19

মর্‌ মহারাজ, মর্‌ প্রভু, ইক্কিনে দোয়্যে গুরিনে তর্‌ চাগরবোর্‌ কধানি শুন্‌। যুনি লগেপ্রভুই তরে মর্‌ বিরুদ্ধে থিয়্যেই রাগায় সালে মর্‌ গোজ্যে উৎসর্ব তাইদু গুঝি নেযাইদে ধোক্ক্যেন্‌ ওক্। মাত্তর্‌ যুনি মান্‌জ্যে সিয়েন্‌ গুরি থান্‌ সালে তারা উগুরে যেনে লগেপ্রভুর অভিশাব লামি এজে, কিত্যে তারা এচ্চ্যে লগেপ্রভুর দিয়্যে সোম্বোত্তিত্‌ মর্‌ যে ভাক্‌কো আঘে সিয়োত্তুন্‌ মরে ধাবেই দিবার্‌ চেট্ট্যা গত্তন্‌। তারা কদন্দে, ‘আদি যঅ, দেব-দেবেদার পূজো যেইনে গরঅ।’