২ শমূয়েল 23:9 - Chakma Bible

⁹ সে পরেন্দি মানুচ্চো অলদে ইলিয়াসর। তে এলদে অহোহীয়র বংশর দোদার পূঅ। যেক্কে পলেষ্টীয়গুনে যুদ্ধোত্তে এগত্তর্‌ ওইয়োন সেক্কে তারারে ঈচ্ গুরিবাত্তে যে তিন্নো বোলী মানুচ্‌ দায়ূদো লগে এলাক্ ইলিয়াসর অলদে তারাত্তুন্‌ এক্কো বোলী। ইস্রায়েলীয়গুনে পিজেন্দি উদি গেলাক্,

২ শমূয়েল 23:9 Iomraidhean Croise

১ বংশধর 27:4

দ্বিমাসত্তে সৈন্যদল ভারান্‌ এলঅ অহোহীয় দোদাইয়র উগুরে। তা অধীনোত্‌ দলনেতা এলঅ মিক্লোৎ। তা দলত্‌ চোব্বিশ আজার্ সৈন্য এলাক্‌।

১ বংশধর 8:4

অবীশূয়, নামান, আহোহ,

উপদেশক 4:12

মানুচ্ গায় গায় অলে সহজে উদিই যেই পারন্, মাত্তর্ দ্বিজন্ অলে নিজোরে রোক্ষ্যে গুরি পারন্। তিনেন্ দুড়ি একসমারে পাগেয়্যে অলে যাদিমাদি ন-ছিনে।

যিশাইয় 63:3

“মুই গায় গায় আংগুর মাজ্যং; জাদ্‌তুনো ভিদিরে কনজনে মঅ সমারে ন-এলঅ। মুই অমকদ বেজার্ ওইনে তারা টেঙানিলোই দোল্যং আর রাগে তারা টেঙানিলোই মাজ্যং; তারার লো ফুদোগুন মঅ কাবড়ানিত্ পোজ্যে আর বেক্ কাবড়ানিত্ দাগ্ লাক্যে।‌

যিশাইয় 63:5

মুই রিনি চেলুং, মাত্তর্ সাহায্যগুরিয়্যে কাররে ন-পেলুং; মুই আমক্ অলুং, কনজনে মরে সাহায্য ন-গুরিলো। সেনত্তে মুই নিজো খেমতালোই উদ্ধোরর্ কামানি গুরিলুং, আর মঅ রাগ্‌কানে মরে উচ্চোমি দিলো। ‌‍

মার্ক 14:50

সে অক্তত্ শিচ্চ্যগুনে বেক্কুনে তারে ফেলেইনে ধেই গেলাক্।

১ শমূয়েল 17:10

সেই পলেষ্টীয়বো আরঅ কলঅ, “মুই এচ্চ্যে ইস্রায়েলর সৈন্যদলুনোরে ঘিনেইনে কঙর্‌, মর্‌ লগে যুদ্ধো গুরিবাত্তে তুমি এক্কো মানুচ্‌ দুয়ো।”

১ শমূয়েল 17:26

যে মানুচ্চুনে কায়-কুরে থিয়্যেইয়োন্‌ দায়ূদে তারারে পুযোর্ গুরিলো, “যে এই পলেষ্টীয়বোরে মারে ফেলেইনে ইস্রায়েলীয়গুনো উগুরেত্তুন্‌ এই অসর্মানান্‌ কাদেই দিবো সিয়েন উগুরে কি গরা অবঅ? এই চুনুগুলোবোর মাদাগান তনা ন-গোজ্যে পলেষ্টীয়বো কন্না, যে জেদা গোজেনর্‌ সৈন্যদলুনোরে ঈচ্ গরে?”

১ শমূয়েল 17:36

সিংহ, ভালুক দ্বিবে তর্‌ এই চাগর্‌‌বো আঢত্‌ মারা পোজ্যন, আর এই চুনুগুলোবোর মাদাগান তনা ন-গোজ্যে পলেষ্টীয়বোর দযাগান্অ সিগুনো ধোক্ক্যেন অবঅ, কিত্যে তে জেদা গোজেনর সৈন্যদল্লোরে ঈচ্ গোজ্যে।”