২ শমূয়েল 23:34 - Chakma Bible

³⁴ মাখাথীয় অহস্‌বয়ের পূঅ ইলীফেলট, গীলোনীয় অহীথোফলর পূঅ ইলীয়াম,

২ শমূয়েল 23:34 Iomraidhean Croise

২ শমূয়েল 10:6

অম্মোনীয়গুনে বুঝি পারিলাক্, তারা দায়ূদোর ঘিনাইদে মানুচ্‌ ওইয়োন। সেনত্তেই তারা বৈৎ-রহোব আর সোবাত্তুন্‌ কুড়ি আজার অরামীয় সৈন্য, এক আজার সৈন্যসুমুত্তো মাখার রাজারে আর টোবত্তুন্‌ বার আজার মান্‌জ্যরে ভাড়া গুরিলাক্।

২ শমূয়েল 10:8

সেক্কে অম্মোনীয়গুনে নিগিলিনে তারার্‌ শঅরর্‌ গেট্টোত্‌ সোমেবার্‌ পথ্‌তানত্‌ যুদ্ধো গুরিবাত্তে সৈন্য সাজেলাক্। ইন্দি সোবা আর রহোবর অরামীয়গুনে আহ্ টোব আর মাখার্‌ সৈন্যগুনে হোলা মাদত্‌ রলাক্।

২ শমূয়েল 11:3

দায়ূদে মিলেবোর হবর্‌ নিবাত্তে মানুচ্‌ পাধেই দিলো। এক্কো মান্‌জ্যে কলঅ, “তে দঅ ইলিয়ামর ঝি হিত্তীয় ঊরিয়োর্‌ মোক্‌ বৎশেবা।”

২ শমূয়েল 15:12

উৎসর্ব গুরিবার্‌ অক্তত্‌ অবশালোমে দায়ূদোর গীলোনীয় মন্ত্রী অহীথোফলরে তা আদাম গীলোত্তুন্‌ ডাগিনে আনিলো। কুজুরোমিগান বেশ্ দাঙর্‌ ওই উদিলো, কিত্যে অবশালোম পক্ষেন্দি মানুচ্চুন্‌ বেজত্তুন বেশ্‌ বাড়া ধুরিলাক্।

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

২ শমূয়েল 20:14

শেবঃ ইস্রায়েলর বেক্‌ গুট্টিগুনোর চাগালা ভিদিরেন্দি আর বেরীয়গুনোর পুরো চাগালান্দি আবেল-বৈৎমাখা সং গেলঅ। সিদু মানুচ্চুনে এগত্তর্‌ ওইনে শেবের পিজে পিজে শঅরত্‌ সোমেলাক্।

দ্বি’লম্বর বিররণ 3:14

যায়ীর নাঙে মনঃশির এক্কো বংশধর গশূরীয় আর মাখাথীয়গুনোর দুঝি সং পুরো অর্গোব চাগালাগান্‌ কারি লোইনে নিজোর্‌ নাঙ্‌ মজিম সিয়েনর্‌ নাঙান্‌ রাগেয়্যে। সেনত্তেই ইক্কিনে বাশনরে হব্বোৎ-যায়ীর বিলিনে কুয়ো অদঅ।

১ শমূয়েল 26:6

দায়ূদে যেক্কে হিত্তীয় অহীলেমক আর সরূয়ার পূঅ যোয়াবর ভেই অবীশয়রে কলঅ, “সেই তাম্বুলো ভিদিরে শৌলর ইদু তুমি কন্না মঅ লগে যেবা?” অবীশয় কলঅ, “মুই যেম্‌।”