২ শমূয়েল 23:15 - Chakma Bible

¹⁵ এন্‌ সময়োত্‌ দায়ূদোর অমকদ পানি তিরেজে পেলঅ, সেনত্তেই তে কলদে, “আহ্‌, যুনি কনজনে বৈৎলেহমর গেদো কায়-কুরে কূয়োবোত্তুন্‌ মরে এক্কানা হেবার্‌ পানি আনি দিদাক্‌!”

২ শমূয়েল 23:15 Iomraidhean Croise

পত্থম 35:19

রাহেলে মুরি যানার পরেদি ইফ্রাথত্‌, অত্তাৎ বৈৎলেহমত্‌ যেবার পদথ্‌ তারে গোর্ দিয়্যে অলঅ।

২ শমূয়েল 23:16

এ কধাগান শুনিনে সে তিন্নো বোলী মান্‌জ্যে পলেষ্টীয় সৈন্যগুনো ভিদিরেন্দি যেইনে বৈৎলেহমর গেদো কায়-কুরে কূয়োবোত্তুন্‌ পানি তুলিনে দায়ূদো ইদু নেযেলাক্। মাত্তর্‌ দায়ূদে সিয়েন ন-হেলঅ; সিয়েনর বদলে তে সে পানিগান লগেপ্রভুর নাঙে মাদিত্‌ ঢালি দিলো।

১ বংশধর 11:17

এন্‌ সময়োত্‌ দায়ূদর অমকদ পানি তিরেস্‌ পেলঅ, সেনত্তে তে কলঅ, “আহ্‌, যুনি কনজনে বৈৎলেহম গেদো কায়কুরে কূয়োবোত্তুন্‌ মরে এক্কানা হেবার্‌ পানি আনি দিদাক্‌!”

গীতসংহিতা 119:81

তুই মরে রোক্ক্যে গুরিবে সিয়েন বাজ্জেই থাগদে থাগদে মর্ বলান কুমি যার্; মুই তর্ কধানিত্ আজা রাগেয়োং।

গীতসংহিতা 63:1

ও গোজেন, তুই মর্ গোজেন, মুই আওজ্ গুরিনে তরে ডাগঙর্; এ শুগুনো পানিনেইয়্যে দেজত্, যিবের খেত-খেত্তি দিবার বলঅ ফুরেই যেইয়্যে, সিয়েনত তত্তেই মর্ পরাণান আওজ্ গরের্, তত্তেই মর্ কিয়্যেগান থিদেবর্ নেইয়্যে ওইয়্যে।

যিশাইয় 41:17

“দুঘি আর অভাবীগুনে পানি তগান্, মাত্তর্ পানি নেই; পানি তিরেজে তারার্ জিলানি শুগেই যেইয়্যে। মাত্তর্ মুই লগেপ্রভু তারারে জোব্ দিম; মুই ইস্রায়েলর গোজেন তারারে ছাড়ি ন-যেম্।

যিশাইয় 44:3

কিত্তে মুই মাদি ফাদি যেইয়্যে ভূইয়ো উগুরে পানি ঢালিম আর শুগুনো জাগা উগুরেদি পানি গঙার্ বুয়োই দিম। মুই তঅ পুয়ো-ছাগুনো উগুরে মঅ আত্মাগান ঢালি দিম আর তঅ বংশর মানুচ্চুনোরে বর্ দিম।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

যোহন 4:14

মাত্তর্ মুই যে পানিগান্ দিম্, যে সিয়েন্ হেবঅ তার্ আর কনদিন্অ তিরেচ্‌ ন-পেবঅ। সে পানিগান্ তা মন ভিদিরে ঊদুরি উদিনে পয়নালা ধোক্ক্যেন্ ওইনে উমর জিংকানি দান্ গুরিবো।”

যোহন 7:37

পরব শেজ্ দিন্নো এলঅ আজল্ দিন। সেদিন্ন্যে যীশু থিয়্যেইনে রঅ ছাড়িনে কলঅ, “কারর্ যুনি পানি তিরেচ্‌ পায় সালে তে মইধু এইনে পানি হেই যোক্।