২ শমূয়েল 23:10 - Chakma Bible

¹⁰ মাত্তর্‌ ইলিয়াসরে যুদ্ধোর জাগানত্‌ থিয়্যেনেই পলেষ্টীয়গুনোরে আঘাত্‌ গরা ধুরিলো। যেরেন্দি তা আত্তান্‌ বল্‌পোজ্যে ওইনে লাম্বা ছুরিগানর্‌ লগে বাজেয়্যে এলঅ। সেদিন্যে লগেপ্রভু দাঙর্ জিদেনাগান্ দান গুরিলো। সৈন্যগুনে ইলিয়াসর ইদু যেক্কে ফিরি এলাক্ সেক্কে মরামানুচ্চুনো ইত্তুন্‌ লুদোনা বাদে তারার্‌ আর কিচ্ছু গুরিবার ন-এলঅ।

২ শমূয়েল 23:10 Iomraidhean Croise

২ শমূয়েল 23:12

মাত্তর্‌ শম্ম সে ক্ষেদ ভিদিরে থিয়্যেইনে সে ক্ষেত্‌তান রোক্ষে গুরিলো আর পলেষ্টীয়গুনোরে শেজ্‌ গুরিলো। লগেপ্রভু সেদিন্যে তারারে জদবদে জিদেই দিলো।

২ রাজাবলী 5:1

নামানে এলদে অরামর রাজার সৈন্যদলর সেনাপতি। তা গিরোজ্‌সোর্‌ চোগোত্‌ তে এলদে এক্কো দাঙর্‌ আর সর্মানিত মানুচ্‌, কিত্তে তারে দিইনে লগেপ্রভু অরামরে জিদেই দিয়্যে। তে এলদে এক্কো বীর যোদ্ধা, মাত্তর্‌ তা কিয়্যেত্‌ এলদে ফারাঙিরুগ্‌।

১ বংশধর 11:13

পলেষ্টীয়গুনে যেক্কে যুদ্ধোত্তে পস্‌-দম্মীমোত্‌ এগত্তর্‌ ওইয়োন্‌ সেক্কে ইলিয়াসরে দায়ূদ সমারে এলঅ। এক্কান্‌ জাগাত্‌ ধান্‌দোই ভোজ্যে এক্কান্‌ ক্ষেদত্‌ ইস্রায়েলীয় সৈন্যগুনে পলেষ্টীয়গুনো মুজুঙোত্তুন্‌ ধেই গেলাক্‌।

গীতসংহিতা 108:13

গোজেনর বলে আমি জিদিবোং; আমা শত্রুগুনোরে তেয়ই টেঙন্দি উড়িবো।

গীতসংহিতা 144:10

তুই দঅ রাজাগুনোরে জিদেই দি থাচ্; তঅ চাগর দায়ূদোরে ফাড়া দজা তলোয়ার আঢত্তুন্ রোক্ক্যে গুরি থাচ্।

গীতসংহিতা 68:12

সেই মিলেগুনে কন্দে, “সৈন্যদলর রাজাগুনে ধেই যাদন, ধেই যাদন, আর ঘরত্ থেইয়্যে মিলেগুনে লুদেয়্যে পযাপিরানি ভাগাভাগি গত্তন্।

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

রোমীয় 15:18

খ্রীষ্ট মঅ মাধ্যমে যিয়েনি গোজ্জ্যে সিয়েনির বারেদি কনঅ কধা কবার্ সাহস মুই ন-গুরিম। তে মর্ কধা আর কামর্ মাধ্যমে, আমক্ অবার্ কাম আহ্ চিহ্নো কামর্ মাধ্যমে আর পবিত্র আত্মার খেমতালোই অযিহূদীগুনোরে গোজেনর্ বাধ্য গোজ্জ্যে। সিয়েনর্ কারনে মুই যিরূশালেমত্তুন্ আরাম্ভ গুরিনে ইল্লুরিকা সং বেক্ জাগানিত্ খ্রীষ্ট পৌইদ্যেনে গম্ হবর্ পুরোপুরি গুরিনে প্রচার গোজ্জ্যং।

২ করিন্হীয় 4:5

আমি দঅ নিজো পৌইদ্যেনে প্রচার ন-গুরির্, বরং প্রচার গুরির্, যীশু খ্রীষ্টই প্রভু আর যীশুত্যে আমি তমার্ চাগর্ ওইয়্যেই।

যিহোশূয় 10:10

লগেপ্রভু ইস্রায়েলীয়গুনো মুজুঙোত্‌ তারারে এক্কান যাগুলুক্‌ অবস্থাত্‌ ফেলেই দিলো। সেক্কে লগেপ্রভু গিবিয়োনত্‌ ইস্রায়েলীয়গুনোরে দিইনে তারারে বোউত জনরে মারে ফেলেয়্যে। বৈৎ-হোরোণত্‌ উদিবার পথ্‌তান ধুরিনে লগেপ্রভু ইস্রায়েলীয়গুনোরে দিইনে তারারে লোড়েল আর অসেকা আর মক্কেদা সং গোদা পথ্‌তান তারারে মাত্তে মাত্তে নেগেল‌।

যিহোশূয় 10:42

এধোক্ক্যেনগুরি একবার যুদ্ধো গুরিবাত্তে নিগিলিলে যিহোশূয় এ বেক্‌ রাজাগুনোরে আর তারার দেজ্‌চানি জিদি নিলো, কিত্যে ইস্রায়েলীয়গুনোর গোজেন লগেপ্রভু তারার্‌ ওইনে যুদ্ধো গোজ্যে।

যিহোশূয় 11:8

লগেপ্রভু ইস্রায়েলীয়গুনোর আদত্‌ তারারে তুলি দিলো। ইস্রায়েলীয়গুনে তারারে মাত্তে মাত্তে মহাসীদোন, মিষ্রফোৎ-ময়িম আর পূগেন্দি মিস্পী কিজিঙোত্‌ সং লোড়েই নেযেলাক্‌। শেজন্দি আর কনজনে বাঁজি ন-রলাক্‌।

বিচের গুরিয়্যেগুন 15:14

তে যেক্কে লিহীর ইদু লুমিলো সেক্কে পলেষ্টীয়গুনে জয়-জগার গুরি গুরিনে তাইন্দি এজা ধুরিলাক্‌। সেক্কে লগেপ্রভুর আত্মাগান পুরো বলান্দোই তা উগুরে এলঅ। সেক্কে তার আঢঅ দুড়িগানি পুড়ি যেইয়্যে শনঅ ধোক্ক্যেন্‌ অলঅ আর তা আঢত্‌ বান্যেগান খুলো গেলঅ।

বিচের গুরিয়্যেগুন 15:18

ইয়েনর্ পরেন্দি শিম্‌শোনর অমহদ পানি তিরেচ্‌ পেলঅ। তে লগেপ্রভুর ইদু তবনা গুরিনে কলঅ, “তুই তঅ চাগরবোরে দাঙর্‌ যচ্‌ দান গোজ্যচ্‌। ইক্কিনে কি মত্তুন্‌ পানি তিরেচে মুড়িনে এ সুন্নত ন-গোজ্যে মানুচ্চুনোর আঢত্‌ পড়া পুরিবো?”

১ শমূয়েল 11:13

মাত্তর্‌ শৌল কলদে, “এচ্চ্যে কাররে মারে ফেলানা ন-চলিবো, কিত্যে এচ্চ্যের দিন্নোত্‌ লগেপ্রভু ইস্রায়েলীয়গুনোরে উদ্ধোর গোজ্যে।”

১ শমূয়েল 14:23

এধোক্ক্যেনগুরি লগেপ্রভু সেদিন্যে ইস্রায়েলীয়গুনোরে উদ্ধোর্ গুরিলো, আর বৈৎ-আবন পার ওইনেয়ো যুদ্ধো গরা ধুরিলাক্।

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”

১ শমূয়েল 17:53

পরেন্দি ইস্রায়েলীয়গুনে পলেষ্টীয়গুনোর পিজেন্দি লড়ানা বন্ধ গুরিনে ফিরি এইনে তারার কেম্পগানি লুদেলাক।

১ শমূয়েল 19:5

তে তার পরাণানরে নেযেইনে সেই পলেষ্টীয়গুনোরে মারে ফেলেয়্যে, আর লগেপ্রভু বেক্‌ ইস্রায়েলীয়গুনোরে জদবদে জিদেনাগান্ দান গোজ্যে; তুই দঅ সিয়েনি দেগিনে হুজি ওইয়োচ্‌। সালে ইক্কিনে তুই এনেবাদে দায়ূদোরে মারে ফেলেইনে কিত্তে একজন দুষ নেইয়্যে মান্‌জ্যর্‌ লো ঝোরেইনে তার বিরুদ্ধে পাপ গুরিবে?”