২ শমূয়েল 23:1 - Chakma Bible

¹ যিশয়র পূঅ দায়ূদোর শেজ্‌ কধাগান ইয়েন: “যিবেরে তুলি ধরা ওইয়্যে, যাকোবর্ গোজেনে যিবেরে অভিষেগ্ গোজ্যে, যিবে ইস্রায়েলর ভিদিরে দোল্‌ গানগেইয়্যে, তে কোইয়্যেদে,

২ শমূয়েল 23:1 Iomraidhean Croise

পত্থম 49:1

পরেদি যাকোবে তা পুয়োগুনোরে ডাগিনে কলঅ, তুমি বেক্কুনে মঅ কায়-কুরে এজঅ। আগাম্ তমা জীংকানিত্‌ যিয়েনি ঘুদিবো সিয়েনি মুই তমারে কোই দোঙর্‌।

২ শমূয়েল 22:34

তে মরে উরিঙো ধোক্ক্যেন্‌ গুরি লাফ্‌ দিইনে আঢিবার্‌ বলান্‌ দিয়্যে; বেক্‌ উজু জাগানিত্‌ তেয়ই মরে থিয়্যেবাত্তে দিয়্যে।

২ শমূয়েল 22:51

লগেপ্রভু তা রাজাবোরে ভালোক্‌বার্ দাঙর্ জিদেনাগান্ দান গোজ্যে; অয়, তার অভিষেগ্ গোজ্যে মানুচ্চুনো উগুরে, দায়ূদ আর তা গুট্টিগুনো উগুরে, তে জিংকানিবর্‌ তার ন-পুরেইয়্যে কোচ্‌পানা দেগায়।

১ বংশধর 16:7

সেদিন্যে দায়ূদে পত্তমে লগেপ্রভুর নাঙে ভালেদি জানেবার এ গান্নো গেবার্‌ ভারান্‌ আসফ আর তা মানুচ্চুনো উগুরে দিলো:

১ বংশধর 16:9

তা নাঙে গান গঅ, তারে নাঙ্‌ গিনেদে গান্‌ গঅ; তার্‌ বেক্‌ আমক্‌ অবার্‌ কামানি কধা কঅ।

গীতসংহিতা 2:6

লগেপ্রভু কবদে, “মুই যিবেরে রাজা বানেয়োং তারে মর্ সুদ্ধো-সাংগ সিয়োন মুড়োবোত্ বোজেয়োং।”

গীতসংহিতা 72:20

যিশয়র পূঅ দায়ূদোর বেক তবনাগানি ইয়োত্ থুম্।

গীতসংহিতা 89:20

মর্ চাগর দায়ূদোরে মুই তোগেইনে পেয়োং; মর্ সুদ্ধো-সাংগ তেল্‌লোই তারে অভিষেগ্ গোজ্যং।

গীতসংহিতা 89:21

মর্ বল্ আঢ্‌তান তা সমারে থেবঅ; মঅ আঢ্‌তানে তারে বল্ দান গুরিবো।

আমোষ 6:5

তুমি বীণা বাজেইনে গান গঅ আর দায়ূদো ধোক্ক্যেন নানান্ বাবোত্যে বাজনা বানেই থাগঅ।

লূকে লেখ্যে গম্ হবর্ 20:42

পবিত্র গীতসংহিতা নাঙে বোইবোত্ দায়ূদে দঅ নিজে এ কধাগান্ কোইয়্যে, প্রভু মঅ প্রভুরে কলঅ, যেদক্কন্ সং মুই তঅ শত্রুগুনোরে তঅ টেঙত্ তলে ন-থং, সেদক্কন্ সং তুই মঅ ডেন্ ধাগেদি বচ্।

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

দ্বি’লম্বর বিররণ 33:1

গোজেনর মানুচ্‌ মোশি মরাণার আগেন্দি ইস্রায়েলীয়গুনোরে ইয়েন কোইনে আশিদ্‌বাদ গুরিলো,

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

যাকোব 5:13

তমাত্তুন্ কি কেঅ দুঘোত্ ভুগোর্? তে তবনা গোরোক্। কেঅ কি সুগী?

১ শমূয়েল 17:12

দায়ূদোর বাপ্পো যিশয় যিহূদা চাগালাত্‌ ইফ্রাথ, অত্তাদ্‌ বৈৎলেহম আদামত্‌ বজত্তি গুরিদো। তার আস্‌তোবো পূঅ এলাক্। শৌলর রাজাগিরি গুরিবার অক্তত্‌ তে বুড়ো ওই যেইয়্যে।

১ শমূয়েল 18:7

তারা নাজদে নাজদে এই গান্‌‌নো গেইয়োন, “শৌল মারিলোদে আজার আজার, আর দায়ূদে মারিলোদে অযুত অযুত।”

১ শমূয়েল 2:10

লগেপ্রভুর শত্রুগুনে ভস্ত ওই যেবাক্, তে আগাজত্‌ তারার বিরুদ্ধে গুজুরিবো; পিত্‌থিমীর থুম দুঝি সং তে মানুচ্চুনোর বিচের্‌ গুরিবো। তে তার রাজাবোরে বল্‌ দিবো আর তার বর্‌ দিয়্যে মানুচ্চুনোরে ঝিদেই দিবো।”