২ শমূয়েল 22:48 - Chakma Bible

⁴⁸ তেয়ই অন্য জাদ্‌তুনোরে মঅ অধীনোত্‌ আনে আর মর্‌ ওইনে তারারে পাওনা সাজা দে।

২ শমূয়েল 22:48 Iomraidhean Croise

২ শমূয়েল 18:19

যেরেন্দি সাদোকর পূঅ অহীমাসে কলঅ, “মুই ধাবা যেইনে রাজারে এ হবরান্‌ দুয়োংগে, লগেপ্রভু তারে শত্রুগুনোর আঢত্তুন্‌ উদ্ধোর্ গোজ্যে।”

২ শমূয়েল 18:31

পরেন্দি সে কূশীয় সিয়েনত্‌ লুমিনে কলঅ, মঅ গিরোজ মহারাজ, গম্‌ হবর্‌ আন্যং। যিগুনে তঅ বিরুদ্ধে উঠ্যন্‌ তারা বেক্কুনো উগুরে লগেপ্রভু এচ্যে তরে জিদেই দিয়্যে।

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 144:2

তেয়ই মর্ বিশ্বেজ্ গুরিবার সাহায্যগুরিয়্যে, মর্ ঘর, মর্ অজল্ আশ্রয় জাগা আর উদ্ধোরগুরিয়্যে; তেয়ই মর্ ঢাল্, মুই তাইদু আশ্রয় নেযাং; তেয়ই মঅ মানুচ্চুনোরে মঅ অধীনোত্ আনে।

গীতসংহিতা 94:1

ও লগেপ্রভু, অন্যেয়র্ সাজা দিবার অধিকারী গোজেন, ও অন্যেয়র্ সাজা দিবার অধিকারী গোজেন, তর্‌ পহ্‌রান ফগদাং ওক্।

১ করিন্হীয় 15:25

গোজেনে যেদক্ বিলোন সং খ্রীষ্টর্ বেক্‌ শত্রুগুনোরে তার্ টেঙ তলাত্ ন থবঅ সেদক্ বিলোন সং খ্রীষ্টর্ রাজাগিরি গরা পরিবো।

দ্বি’লম্বর বিররণ 32:35

অন্যেয়র সাজা দিবার অধিকার মর্; যার যিয়েন পাওনা মুই তারে সিয়েনই দিম্‌। অক্ত অলেই শত্রুগুনোর টেঙানি বিঝিদি যেবঅ; তারার ভস্তর্ দিনুন্‌ তারা ইদু এই যেইয়্যে। তারাত্তে যিয়েনি ঠিগ্ গুরি রাগা ওইয়্যে, সিয়েনি যাদিগুরি তারা উগুরে এই যেবঅ।”

১ শমূয়েল 24:12

লগেপ্রভুই যেনে মর্‌ আর তর্‌ বিচের্‌ গরে আর মঅ উগুরে তুই যে অন্যেয় গোজ্যচ্‌ সিয়েনর ফল দে; তো মুই তঅ বিরুদ্ধে আঢ্ ন-তুলিম।

১ শমূয়েল 25:30

লগেপ্রভু মর্‌ গিরোজ্‌সোরে ভালেদি গুরিবার্‌ এগেমানি পূরোণ গুরিবো আর তারে ইস্রায়েলীয়গুনোর নেতা ইজেবে থিদেবর্ গুরিবো।

১ শমূয়েল 25:39

নাবলর্ মরাণার হবর্‌ পেইনে দায়ূদে কলঅ, “লগেপ্রভুর বাঈনী ওক্‌। তে নাবলর্ বিরুদ্ধে মর্‌ পক্ষেন্দি থিয়েইয়্যে, কিত্যে নাবলে মরে অগমান গোজ্যে, আর নাবলর্ অন্যেয়ানরে নাবল উগুরে ফিরেই দিয়্যে।” পরেন্দি দায়ূদে অবীমেলকরে লবার্‌ সল্লাগান্ তাইদু মানুচ্‌ পাধেই দিলো।