২ শমূয়েল 22:44 - Chakma Bible

⁴⁴ ও লগেপ্রভু, মঅ মানুচ্চুনোর উল্লোমিত্তুন তুই মরে উদ্ধোর্ গোজ্যস, অন্য জাদ্‌তুনো উগুরে মরে নেতা ইজেবে রাগেয়োচ্‌; মুই যিগুনোরে ন-চিনিদুং তারায়ো মঅ অধীন্‌ ওইয়োন।

২ শমূয়েল 22:44 Iomraidhean Croise

২ শমূয়েল 19:14

এধোক্ক্যেনগুরি দায়ূদে যিহূদার বেক্‌ মানুচ্চুনোর মনানি বানা এক্কো মান্‌জ্যর মন ধোক্ক্যেন্ জিদি নিলো। তারা রাজারে এ কধাগান কোই পাদেলাক্, “তুই আর তর্‌ বেক্‌ মানুচ্চুনে ফিরি এলাক্।”

২ শমূয়েল 19:9

ইস্রায়েলর পুরো গুট্টিগুনো ভিদিরে মানুচ্চুনে তর্কাতর্কি গুরিনে কুয়ো ধুরিলাক্, “রাজা শত্রুগুনোর আঢত্তুন্‌ আমারে রোক্ষ্যে গোজ্যে; পলেষ্টীয়গুনো আঢত্তুন্‌ তেয়ই আমারে উদ্ধোর্ গোজ্যে। মাত্তর্‌ ইক্কিনে তে অবশালোমত্তেই দেজত্তুন্‌ ধেই গেলঅ।

২ শমূয়েল 20:22

সে পরেন্দি সে মিলেবো বেক্‌ মানুচ্চুনো ইদু যেইনে জ্ঞানর্‌ উপদেশ দিলো। মানুচ্চুনে বিখ্রির পূঅ শেবের মাধাবো কাবি নেযেইনে যোয়াব ইদু দলা মারিনে ফেলেই দিলাক্। যোয়াবে সেক্কে শিংগা বাজেই দিলো আর তা মানুচ্চুনে শঅরত্তুন্‌ যেইনে পত্তিজনে যে যার্‌ ঘরত্‌ আঢি গেলাক্। যোয়াবে যিরূশালেমত্‌ রাজার ইদু ফিরি গেলঅ।

২ শমূয়েল 3:1

শৌল আর দায়ূদো সৈন্যদল ভিদিরে ভালোক্‌ দিন সং যুদ্ধো অলঅ। দায়ূদে বোলী ওই উদিলো আর শৌল সৈন্যদলুনে বল্‌পোজ্যে ওই পোজ্যন্‌।

২ শমূয়েল 5:1

ইস্রায়েলর বেক্‌ গুট্টিগুনে হিব্রোণত্‌ দায়ূদো ইদু এইনে কলাক্, “তর্‌ আর আমা কিয়্যেত্ একই লো অাঘে ।

গীতসংহিতা 110:6

তে নানান্ জাদর্ বিচের গুরিনে রায় দিবো; তে পিত্‌থিমীগানরে মরা মান্‌জ্যলোই ভরেই দিবো; তে পিত্‌থিমীর বেক শত্রুগুনোর মাধাগুন গুড়ি গুরিবো।

গীতসংহিতা 18:43

ও লগেপ্রভু, মানুচ্চুনোর উল্লোমিত্তুন্ তুই মরে উদ্ধোর্ গোজ্যস্, অন্য জাদ্‌‌তুনো উগুরে মরে নেতা বানেয়োচ্; মুই যিগুনোরে ন-চিনিদুং তারায়ো মঅ তলেদি ওইয়োন।

গীতসংহিতা 2:8

তুই মইদু চাহ্, সেক্কে সোম্বোত্তি ইজেবে মুই তঅ আঢত্ অযিহূদী জাদ্‌তোরে দিম; পুরো পিত্‌থিমীগান তঅ গজগত্ এবঅ।

যিশাইয় 55:4

চাহ্, মুই তারে জাদ্‌তুনো ইদু এক্কো সাক্ষী, এক্কো নেতা আর তারার্ সেনাপতি ইজেবে নেযেয়োং। ‍‌‌‍‍‍

যিশাইয় 55:5

ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

যিশাইয় 60:12

যে জাদ্‌তো বা রেজ্যগানে তরে সেবা ন-গুরিবো সিয়েন ভস্ত অবঅ, ‌‌‌‌‌ সিয়েন পুরোপুরি ভস্ত ওই যেবঅ।

যিশাইয় 65:1

লগেপ্রভু কোইয়্যেদে, মুই এ মানুচ্চুনোরে মইদু কোজোলী গুরিবার সুযোগ দুয়োং, মাত্তর্ তারা মইদু কনঅ কোজোলী ন-জানান্; মুই তারা ইদু এলুং, মাত্তর্ তারা কনঅ সাহায্যত্তে মইদু ন-এজন্। মুই এ জাদর্ মানুচ্চুনোরে কোইয়োং, এইয়্যে দঅ মুই, এইয়্যে দঅ মুই, মাত্তর্ তারা মইদু তবনা ন-গরন্।

দানিয়েল 7:14

সেই মান্‌‌‌‌‌‌‌জ্যপুয়োবোরে শাজন্, সর্মান আর রাজাগিরি গুরিবার খেমতা দিয়্যে অলঅ যেন বেক্ জাদ্‌তুনোর, দেজর্ আর ভাযার মানুচ্চুনে তারে সেবা গরন্। তার রাজাগিরি উমরর্; সিয়েন থুম্ ন-অবঅ আর তার রেজ্যগান কনদিন্‌অ ভস্ত ন-অবঅ।‌‌‌‌‌‌‌

হোশেয় 2:23

মত্তেই মুই তারে দেজত্ বিজ ধোক্ক্যেন গুরি গেজেম্; মুই যিবেরে কোইয়োং, ‘মঅ দোয়্যের মানুচ্ নয়,’ তারে মুই দোয়্যে গুরিম। মুই যিগুনোরে কোইয়োং, ‘মঅ মানুচ্ নয়,’ তারারে মুই কোম, ‘তুমি মঅ মানুচ্’; আর তারা কবাক্, ‘তুয়ই আমা গোজেন।’ ”

রোমীয় 15:12

আরঅ যিশাইয় কোইয়্যেদে, যিবে যিশয়র গড়াগান্ তে এবঅ, বেক্ জাদ্‌তুনোরে শাসন গুরিবাত্তে তে থিয়্যেব। তা উগুরে বেক্ জাদর্ মানুচ্চুনোরে আজা রাগেব।

রোমীয় 9:25

ভাববাদী হোশেয় বোইয়োত্ গোজেনে কোইয়্যেদে, “যিগুন্ মঅ মানুচ্ নয় তারারে মুই মর্ মানুচ্ বিলিনে ডাগিম, আর যিবেরে মুই কোচ্ ন পাং তারে মুই মর্ পরাণী বিলি ডাগিম।

দ্বি’লম্বর বিররণ 28:13

লগেপ্রভু এমন গুরিবো যেনে তুমি বেক্কুনো মাদা উগুরে থাগঅ, টেঙর্‌ তলে নয়। তমার গোজেন লগেপ্রভুর যেদক্কানি উগুম এচ্চ্যে মুই তমারে দুয়োঙর্ সিয়েনত্ যুনি তুমি শুনো আর দোলেডালে সিয়েনি পালঅ, সালে আমিঝে তমার জাগায়ান্‌ থেবঅ উগুরে, তলেন্দি নয়।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।