২ শমূয়েল 22:39 - Chakma Bible

³⁹ মুই তারারে শেজ্‌ গোজ্যং, তারারে নিগুজ্ গোজ্যং, যেনে তারা আর উদি ন-পারন্‌; তারা মঅ টেঙত্‌ তলে পোজ্যন্‌।

২ শমূয়েল 22:39 Iomraidhean Croise

২ শমূয়েল 22:40

তুয়ই মঅ কমরত্‌ যুদ্ধো গুরিবার্‌ বলান্‌ দুয়োচ্‌, মর্‌ বিপক্ষগুনোরে মঅ টেঙত্‌ তলে গোজ্যস্‌।

১ রাজাবলী 5:17

তবনা-ঘরর ঘরাগান্‌ দরঅ গুরিবাত্তে তারা রাজার উগুমে ছড়াত্তুন্‌ দাঙর্‌ দাঙর্‌ পাত্তর্‌ কাবিনে তুলি আনিদাক্।

গীতসংহিতা 110:1

লগেপ্রভু মঅ গিরোজ্‌সোরে কোইয়্যেদে, “যেদক্কন সং মুই তঅ শত্রুগুনোরে তঅ টেঙত্ তলে ন-রাগাং, সেদক্কন্ সং তুই মঅ ডেনেন্দি বস।”

গীতসংহিতা 18:37

মর্ শত্রুগুনোরে লোড়েইনে মুই ধুরি ফেলেয়োং; তারা ভস্ত ন-অনা সং মুই পিজেদি ন-ফিরোং।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

মালাখি 4:3

সে পরেদি তুমি পাজিগুনোরে টেঙোই মাড়িবা, কিত্যেই যেদিন্যে মুই এই বেক্ কামানি গুরিম সেদিন্যে তারা তমা টেঙত্ তলে পোজ্যে ছেইয়ো ধোক্ক্যেন্ অবা। মুই বেগত্তুন খেমতাবলা লগেপ্রভু এ কধাগান কঙর্।

যিহোশূয় 10:24

তারা যেক্কে সে রাজাগুনোরে যিহোশূয় ইদু আনিলাক সেক্কে তে বেক্‌ ইস্রায়েলীয়গুনোরে ডাগিলো আর তা লগে যে সেনাপতিগুনে যুদ্ধোত্‌ যেইয়োন তারারে কলঅ‌, “তুমি ইদু এইনে সে রাজাগুনোর গত্তনাত্‌ তমা টেঙানি রাগঅ।” সেক্কে তারা উজেই যেইনে সে রাজাগুনোর গত্তনা উগুরে তারার টেঙানি রাগেলাক্‌।