২ শমূয়েল 22:3 - Chakma Bible

³ মঅ গোজেনে মর্‌ অজল্ মুড়োবো, সিবে ভিদিরে মুই আশ্রয় নেযাং। তেয়ই মর্‌ ঢাল, মর্‌ রোক্ষেগুরিয়্যে শিং, মর্‌ অজল্ চিগোন্‌ ঘরান, মর্‌ থেবার্‌-জাগায়ান। অত্যেচারী মানুচ্চুনোর আঢত্তুন্‌ তুই মরে রোক্ষ্যে গর্‌।

২ শমূয়েল 22:3 Iomraidhean Croise

পত্থম 15:1

ইয়ান পরেদি লগেপ্রভু অব্রামরে দেগা দিইনে কলঅ, “অব্রাম, তুই ন দোরেচ্‌। গাজ বাগল ধোক্ক্যেন গুরি মুয়ই তরে রোক্ষ্যে গুরিম, আর তঅ বক্‌শিজ্‌চান্‌ অবদে দাঙর্‌।”

২ শমূয়েল 22:31

গোজেনর্ পধেন্দি কনঅ বেজাল্ নেই; লগেপ্রভুর কধানি খাটি বিলিনে প্রমাণ ওইয়্যে। তেয়ই তা ভিদিরে আশ্রয় লোইয়্যে বেক্কুনোর ঢাল।

২ শমূয়েল 22:47

লগেপ্রভু জেদা। মর্‌ আশ্রয়-মুড়োবোর বাঈনী ওক্। মঅ গোজেন, যিবে মর্‌ রোক্ষ্যেগুরিয়্যে মুড়ো, তার সর্মানান বাড়োক্‌।

২ শমূয়েল 22:49

তে শত্রুগুনোর আঢত্তুন্ মরে রোক্ষ্যে গোজ্যে। ও গোজেন, তুই মরে শত্রুগুনোর উগুরে তুল্যচ্‌, অত্যেচারী মানুচ্চুনোর আঢত্তুন্ তুয়ই মরে রোক্ষ্যে গোজ্যস্‌।

২ শমূয়েল 22:51

লগেপ্রভু তা রাজাবোরে ভালোক্‌বার্ দাঙর্ জিদেনাগান্ দান গোজ্যে; অয়, তার অভিষেগ্ গোজ্যে মানুচ্চুনো উগুরে, দায়ূদ আর তা গুট্টিগুনো উগুরে, তে জিংকানিবর্‌ তার ন-পুরেইয়্যে কোচ্‌পানা দেগায়।

২ শমূয়েল 23:3

ইস্রায়েলর গোজেনে কোইয়্যেদে, ইস্রায়েলর আশ্রয়-মুড়ো মরে কোইয়্যেদে, ‘যে মানুচ্চো গমেডালে মানুচ্চুনোরে শাজন্ গরে আর গোজেনরে দরায়,

গীতসংহিতা 14:6

তুমি যিগুনে বজং কাম্ গোজ্য, তুমি দুঘি মানুচ্চুনোর্ কামানি বর্‌বাদ লাগেইনে তারারে লাজত্ ফেলেয়ো, মাত্তর্ লগেপ্রভু তারার্ আশ্রয়।

গীতসংহিতা 140:1

ও লগেপ্রভু, পাজি মানুচ্চুনোর্ আঢত্তুন্ তুই মরে রোক্ক্যে গর্; অত্যেচারি মানুচ্চুনোর্ আঢত্তুন্ মরে রোক্ক্যে গর্।

গীতসংহিতা 140:11

ইংসে-নিন্দে গুরিয়্যেগুনে যেনে দেশ ভিদিরে অধিকার ন-পান; অত্যেচার্ গুরিয়্যেগুনোর্ পিজে পিজে দজাগান্ আমিঝে থেবঅ।

গীতসংহিতা 140:4

ও লগেপ্রভু, পাজিগুনো আঢত্তুন্ মরে রোক্ক্যে গর্। অত্যেচারি মানুচ্চুনো আঢত্তুন্ মরে রোক্ক্যে গর্; মঅ টেঙান্ যেন বিজিদি যায় সেনত্তে তারা ফন্দি গোজ্যন্।

গীতসংহিতা 142:4

মঅ ডেনেন্দি রিনি চাহ্, মরে চিনোন্ এবাবোত্যে কনজন নেই। মর্ ধেই যেবার কনঅ জাগা নেই; কনজনে মঅ পরাণানত্তে চিদে ন-গরন্।

গীতসংহিতা 144:2

তেয়ই মর্ বিশ্বেজ্ গুরিবার সাহায্যগুরিয়্যে, মর্ ঘর, মর্ অজল্ আশ্রয় জাগা আর উদ্ধোরগুরিয়্যে; তেয়ই মর্ ঢাল্, মুই তাইদু আশ্রয় নেযাং; তেয়ই মঅ মানুচ্চুনোরে মঅ অধীনোত্ আনে।

গীতসংহিতা 18:2

লগেপ্রভু মর্ অজল্ মুড়ো, মর্ ঘর আর মর্ উদ্ধোর্ গুরিয়্যে; মর্ গোজেন মর্ অজল্ মুড়ো, তাইদু মুই আশ্রয় নেযাং। তেয়ই মর্ ঢাল, মর্ রোক্ষ্যেগুরিয়্যে শিং, মর্ অজল্ আশ্রয়-জাগা।

গীতসংহিতা 27:5

কিত্যে দযার্ দিনোত্ তার্ সেই আশ্রয়লোই তে মরে গমেডালে রাগেব, তার্ সে তাম্বুলানত্ মরে লুগেই রাগেব, আর মুড়ো উগুরে মরে তুলি রাগেব।

গীতসংহিতা 28:7

লগেপ্রভু মর্ বল্ আর মর্ ঢাল ধোক্ক্যেন্; মর্ মনানে তা উগুরে বিশ্বেজ্ গরে, সেনত্তে মুই এজাল্ পেইয়োং; সেনত্তে মঅ মনান্ হুজিয়ে ভুরি উঠ্যে, আর মুই গান্‌দোই তারে ভালেদি জানেম।

গীতসংহিতা 3:3

মাত্তর্ ও লগেপ্রভু, তুই মর্ চেরোকিত্তে ঢাল্ ওই আগজ্। তুয়ই মর্ বাঈনী গুরিবার গোজেন; মর্ নিগিজ্যে মাঢাবো তুয়ই অজল্ গোজ্যস্।

গীতসংহিতা 32:7

তুয়ই মর্ পৌল্যেই থেবার জাগা। তুই মরে দুঘোত্তুন্ রোক্ষ্যে গোজ্যস্। উদ্ধোরর হুজিয়ে-গানে তুয়ই মরে ঘিরি রাগেয়োচ্।

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

গীতসংহিতা 46:11

বেগত্তুন খেমতাবলা গিরোজ্ লগেপ্রভু আমা সমারে আঘে; যাকোবর গোজেনে আমা ঘর্।

গীতসংহিতা 46:2

যুনিয়ো পিত্‌থিমীগান গির্‌গিরে উদে, মুড়ো-মুড়িগুন সাগরর্ সংমোধ্যে যেইনে পড়ন্দোই, যুনিয়ো বা পানিগান গুজুরি উদে আর ফেনালোই ভুরি উদে আর তার তুবলানর্ ঠেলালোই মুড়ো-মুড়িগুন জাগা লড়ন্, তো আমি ন-দোরেবং।

গীতসংহিতা 46:7

বেগত্তুন খেমতাবান গিরোজ্ লগেপ্রভু আমা সমারে আঘে; যাকোবর গোজেনে আমা ঘর।

গীতসংহিতা 5:12

ও লগেপ্রভু, যিগুনে তর্ ভক্ত তারা উগুরে হামাক্কাই তর্ আশিদ্‌বাদ আঘে; তঅ দোয়্যেলোই তুই তারারে ঢাল ধোক্ক্যেন্ গুরি ঘিরি রাগেয়োচ্।

গীতসংহিতা 55:9

ও প্রভু, তুই তারা উগুরে ভস্তগান্ আন্, তারার্ কধা বাত্তাত্ যাগুলুক্ বাজেই দে; মুই শঅরত্ মারামারি আর কোল্-কোজ্যে দেগঙর্।

গীতসংহিতা 59:16

মাত্তর্ মুই তর্ বল পৌইদ্যেনে গান গেম্, আর বেন্যেমাদান হুজিয়্যে তর্ অমকদ কোচ্‌পানার গান গেম; কিত্তেই তুই মর্ ঘর, দযাত্ আশ্রয়র-জাগা।

গীতসংহিতা 61:3

তুই দঅ মর্ আশ্রয় ওই আগচ্; শত্রুর বিরুদ্ধে তুই মর্ দরমর ঘর।

গীতসংহিতা 71:7

মরে চেইনে ভালোক্‌জনে আহ্ গুরি চেই থান্, মাত্তর্ তুই মর্ গভিন আশ্রয়।

গীতসংহিতা 72:14

অত্যেচার আর আক্রমণ আঢত্তুন্ তে তারার পরাণানি রোক্ক্যে গুরিবো; তা চোগেন্দি তারার লুওর দাম বোউত্।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গীতসংহিতা 84:9

ও গোজেন, আমা ঢালানরে চাহ্; তর্ এ অভিষেগ গোজ্যে মানুচ্চো উগুরে তর্ দোয়্যের চোখ্‌কুন রাগা।

গীতসংহিতা 86:14

ও গোজেন, বার্‌বো গুরিয়্যেগুনে মঅ বিরুদ্ধে লাক্ক্যন্; অত্যেচারির দলুনে মঅ পরাণান্ নিবাত্তে চেট্ট্যা গত্তন্। তঅ উগুরে সেই মানুচ্চুনোর কনঅ ভোক্তি নেই।

গীতসংহিতা 9:10

যিগুনে তরে হবর্ পান তারা যেনে তঅ উগুরে বিশ্বেজ্ গরন্, কিয়া ও লগেপ্রভু, যিগুনে তরে গভিন্ গুরিনে জানিবাত্তে চান্ তারারে তুই কনদিন্‌‌অ ছাড়ি ন-যাজ্।

গীতসংহিতা 9:9

যিগুনে অত্যেচারত্ পড়ি আগন্ লগেপ্রভু যেন তারার্ আশ্রয় অয় আর দুঘোত্ ঘর ধোক্ক্যেন অয়।

যাত্রা 15:2

লগেপ্রভুই মর্‌ বল্‌, তেয়ই মর্‌ গীদ্; মর্‌ উদ্ধোরান্ তা ভিদিরে আঘে। লগেপ্রভুই‌ মর্‌ গোজেন; মুই‌ তাঁরই‌ বাঈনী গরেদে-গীদ্ গেইম্। তে মর্‌ বাবার্‌ গোজেন; মুই তাঁর মহিমার্ গীদ্ গেইম্‌।

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

গম্ উপদেজ্ 30:5

গোজেনর বেক্ কধানি খাটি বিলিনে প্রমান্ ওইয়্যে; যিগুনে তাইদু আশ্রয় নেযান্ তে তারার ঢাল্ অয়।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 32:2

তারাত্তুন্ পত্তি জনে অবাক্কে যেন বোইয়্যেরত্তুন্ পোল্যেয়্যে জাগা আর ঝড়ত্তুন্ আশ্রয়জাগা, যেন ধূল্যেচরত্ গঙার পানি আর রোদ্ পোজ্যে ভূইয়োত্ দাঙর্ পাত্তর ছাবা।

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

যিরমিয় 16:19

ও লগেপ্রভু, মর্ খেমতা, মর্ ঘর, মর্ দুঘো সময়োর আশ্রয়, পিথ্‌তিমীর শেজ্ দুযিত্তুন অন্য জাদ্‌‌তুনে তইধু এইনে কবাক্, “আমা পুরোণি মানুচ্চুনে এমন মিজে দেব-দেবেদা আর অপদাত্ত মূত্তির্ গিরোজ্ এলাক্ যিয়েনিলোই তারার কনঅ লাভ ন-অয়।‍‍‍

যিরমিয় 16:9

কিত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, মুই এ জাগানর্ মানুচ্চুনোর চোগো মুজুঙোত্ আর তারার জিংকানিত্ ফুত্তি আর হুজির রঅ আর নূয়ো বৌ-নূয়ো জামের্ মুয়োর্ কধানি বন্ধ গুরি দিম।

লূকে লেখ্যে গম্ হবর্ 1:47

মর্ উদ্ধোরগুরিয়্যে গোজেনরে নিইনে মঅ পরাণান্ হুজিয়ে ভুরি উঠ্যে,

লূকে লেখ্যে গম্ হবর্ 1:69

তে আমাত্তে তা চাগর্ দায়ূদো গুট্টিত্তুন্ এক্কো খেমতাবলা উদ্ধোর্ গুরিয়্যে তুল্যে।

লূকে লেখ্যে গম্ হবর্ 1:71

তে শত্রুগুনো আঢত্তুন্ আর যিগুনে ঈচ্ গরন্ তারার বেক্কুনো আঢত্তুন্ আমারে রোক্ষ্যে গোজ্যে।

দ্বি’লম্বর বিররণ 32:37

তে সেক্কে কবঅ, “কুদু ইক্কিনে তারার দেব-দেবেদাগুন? কুদু তারার সে মুড়োবো যিবে ইদু তারা জিরেয়োন?

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।

দ্বি’লম্বর বিররণ 33:29

ও ইস্রায়েল, তুই বর্ পেইয়্যে! তুয়ই লগেপ্রভুর উদ্বোর-গোজ্যে জাদ্, তঅ ধোক্ক্যেন আর কনঅ জাদ্ নেই। তেয়ই তর্‌ সাহায্যর ঢাল, তর্ বাঈনী গুরিবার্ তলোয়ার। শত্রুগুনে তঅ মুজুঙোত্‌ গির্‌‌গিরে উদিবাক, আর তুই তারার পিঠ্‌থানন্দি উদিনে যেবেগোই।”

তীত 3:4

মাত্তর্ যেক্কে আমার উদ্ধোর্ গুরিয়্যে গোজেনর্ দোয়্যে আর কোচ্‌পানা ফগদাং অলঅ সেক্কে তে আমারে পাপত্তুন্ উদ্ধোর্ গুরিলো।

তীত 3:6

আমা উদ্ধোর্ গুরিয়্যে যীশু খ্রীষ্টর্ মাধ্যমে তে খুলো আঢে পবিত্র আত্মাগানরে আমারে দিলো,

ইব্রীয় 2:13

যীশু আরঅ কত্তে, “মুই গোজেন উগুরে নির্ভর গুরিম।” আর এক জাগাত্ তে কত্তে, “এইয়্যে চঅ, মুই আর সেই পুয়োগুনে যিগুনোরে গোজেনে মরে দিয়্যে।”

১ শমূয়েল 2:1

সে পরেন্দি হান্না তবনা গুরিনে কলঅ, “লগেপ্রভুরে নেযেইনে মুই হুজি গরং; লগেপ্রভুই মরে জিদেনাগান্ দান গোজ্যে। মর্‌ শত্রুগুনো মুজুঙোদোই মুই মুয়োন খুলিনে হুজির্-গীত্ গাঙর্‌; তুই মরে শত্রুগুনো আঢত্তুন উদ্ধোর গোজ্যচ্‌ বিলি মুই হুজি।

১ শমূয়েল 2:2

লগেপ্রভু ধোক্ক্যেন পবিত্র আর কনজন নেই, কিত্যে তুই বাদে আর কনঅ গোজেন নেই; আমা গোজেন ধোক্ক্যেন ঝিরেবার-মুড়ো আর নেই।