২ শমূয়েল 22:18 - Chakma Bible

¹⁸ মঅ বোলী শত্রুগুনোর আঢত্তুন্‌ তে মরে বাজেল; বাজেল বিপক্ষগুনোর আঢত্তুন্ যিগুনোর বলানি আমাত্তুনো বেশ্।

২ শমূয়েল 22:18 Iomraidhean Croise

২ শমূয়েল 22:1

লগেপ্রভু যেক্কে দায়ূদোরে শৌল আর তার অন্য শত্রুগুনোর্‌ আঢত্তুন্‌ উদ্ধোর্ গুরিলো সেক্কে তে লগেপ্রভুর নাঙে এ গান্নো গেইয়্যে:

২ শমূয়েল 22:17

তে উগুরেত্তুন্‌ আঢ্ বাড়েইনে মরে ধুরিলো, গভীন্‌ পানি ভিদিরেত্তুন্‌ মরে টানি তুলিলো।

২ শমূয়েল 22:19

দযার্‌ দিনোত্‌ তারা মঅ উগুরে ঝাবেই পড়িলাক্, মাত্তর্‌ লগেপ্রভু মরে ধুরি রাগেল।

গীতসংহিতা 3:7

ও লগেপ্রভু, আয়; ও মর্ গোজেন, মরে উদ্ধোর্ গর্। তুই মঅ শত্রুগুনোর দাদ মাড়িগানিত্ চুয়োড়্ মারিনে সেই পাজি মানুচ্চুনোর্ দাদ্‌তুন্ ভাঙি দুয়োচ্।

গীতসংহিতা 35:10

মর্ কিয়্যেগানে সেক্কেনে কবদে, “ও লগেপ্রভু, আর কন্না আগে তঅ ধোক্ক্যেন্? তুয়ই দঅ দুখি মানুচ্চুনোরে উদ্ধোর গরচ্ তারার্ শত্রুগুনোর্ আঢত্তুন্ যিগুনে তারাত্তুনো বেশ্ বোলী; যিগুনে লুদোন্ তারা আঢত্তুন্ তুই দুখি আর নেইয়্যে মানুচ্চুনোরে উদ্ধোর্ গুরি থাচ্।”

গীতসংহিতা 56:9

যেদিন্যে মুই তরে ডাগিম, সেদিন্যে মর্ শত্রুগুনে ধেই যেবাক্; মুই হবর্ পাং গোজেনে মঅ সমারে আঘে।

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

২ তীমথিয় 4:17

মাত্তর্ প্রভু মঅ সমারে এলঅ আর মরে খেমতা দান গোজ্জ্যে। সিয়েনর্ ফলে মুই পুরোপুরি গুরিনে গম হবর্ প্রচার গুরি পাজ্জ্যং আর অযিহূদীগুনে বেক্কুনে সিয়েন শুন্ন্যন্।