২ শমূয়েল 22:11 - Chakma Bible

¹¹ তে করূবোত্‌ চড়িনে উড়ি এলঅ, দেগা দিলো বোইয়্যেরর্‌ ডুয়োলোই ভর্‌ গুরিনে।

২ শমূয়েল 22:11 Iomraidhean Croise

পত্থম 3:24

এধোক্ক্যেন গুরি তে তারারে ধাবেই দিলো। সে পরেদি তে জীংকানি-গাজ্‌চো ইধু যেবার পথ্‌তান্ চুগি দিবাত্তে এদন বাগান পূগেদি করূব্‌পুনোরে রাগেল, আর সে সমারে সিয়োত্‌ এক্কান জোল্‌জোল্যা খড়্‌গঅ রাগেল যিয়েনে নিত্য ঘুরোনাত্‌ থেলঅ।

২ শমূয়েল 6:2

দায়ূদ আহ্‌ তার বেক্‌ মানুচ্চুনে গোজেনর সুন্দুক্কো বালি-যিহূদাত্তুন্‌ যিরূশালেমত্‌ নেযেবাত্তে বালি-যিহূদাত্তুন্‌ আঢা মারিলাক্। এ সুন্দুক্কো বেক্কুনোত্তুন্‌ খেমতাবান লগেপ্রভুর নাঙে বেক্কুনে চিনোন্, কিত্যে লগেপ্রভু সে সুন্দুক্কো উগুরে দ্বিবে করূবোর্‌ সংমধ্যে থায়।

গীতসংহিতা 104:3

তর্ স্বর্গর থেবার জাগানর গড়াগান্ তুই দেবাবো পানিগান উগুরে থিদেবর্ গোজ্যস্; তুই মেঘ্‌কানরে গোজ্যস্ তর্ রথ; তুই বোইয়্যের ডুয়োগানিলোই ভর্ গুরিনে আঢাউদো গরচ্।

গীতসংহিতা 139:9

যুনি বেন্যেমাদান্ পেগো ধোক্ক্যেন ডুয়োনি মিলিনে উদি এজং, যুনি ভূমধ্য সাগর উপারত্ যেইনে বজত্তি গরং,

গীতসংহিতা 18:10

তে করূবোত্ চড়িনে উড়ি এলঅ, উড়ি এলদে বোইয়্যের ডুয়োলোই ভর্ গুরিনে।

গীতসংহিতা 68:17

গোজেনর্ রথ আজার আজার, লাখ্ লাখ্; প্রভু সিয়েনির ভিদিরে পবিত্র জাগানত্ আঘে, যেধোক্ক্যেন তে সিনাই মুড়োবোত্ এলঅ।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

যাত্রা 25:19

করূব দ্বিবে সুন্দুগোর্‌ দ্বিডাগেদি থেবঅ‌। সেই করূব দ্বিবে এমন্‌গুরি ঢাগনিত্তুন্‌ ধুরি বানা পড়িবো যেনে বেক্কানে মিলিনেই বানা এক্কান জিনিস অয়্‌।

যিহিষ্কেল 9:3

সেক্কে ইস্রায়েলর্ গোজেনর যে মহিমাগান্ করূব্‌‌‌পুনো উগুরে এলঅ সিয়েনি সিয়োত্তুন্ উদিনে উবোসনা-ঘরর ফ্রেমান ইধু গেলঅ। লগেপ্রভু মসীনার কাবড় উজ্যে সেই মানুচ্চোরে ডাগিলো।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

১ শমূয়েল 4:4

সেনত্যেই তারা শীলোত মানুচ্‌ পাদেইনে দুনিয়ের গিরোজ্‌ লগেপ্রভু, যিবে দ্বিবে করূবোর সংমোধ্যে থায়, তার সাক্ষ্য-সুন্দুক্কো আনিলাক্। গোজেনর সেই সাক্ষ্য-সুন্দুগোর্ লগে এলাক এলির দ্বিবে পূঅ, হফ্‌নি আর পীনহসে।