২ শমূয়েল 22:10 - Chakma Bible

¹⁰ তে আগাজ্‌চানরে লোঙেইনে লামি এলঅ; তা টেঙত্‌ তলে এলদে ঘুর্‌ঘুজ্যে কালা মেঘ।

২ শমূয়েল 22:10 Iomraidhean Croise

১ রাজাবলী 8:12

সেক্কে শলোমনে কলঅ, “লগেপ্রভু, তুই কোইয়োচ্ছে তুই ঘুর্‌ঘুজ্যে মেঘত্‌ বজত্তি গুরিবে।

গীতসংহিতা 104:3

তর্ স্বর্গর থেবার জাগানর গড়াগান্ তুই দেবাবো পানিগান উগুরে থিদেবর্ গোজ্যস্; তুই মেঘ্‌কানরে গোজ্যস্ তর্ রথ; তুই বোইয়্যের ডুয়োগানিলোই ভর্ গুরিনে আঢাউদো গরচ্।

গীতসংহিতা 144:5

ও লগেপ্রভু, তঅ আগাজ্‌চান্ লোঙেইনে তুই লামি আয়; তুই মুড়ো-মুড়িগুন ধর্ যেনে সিগুনোত্তুন্ ধূমো নিগিলে।

গীতসংহিতা 97:2

তার চেরোকিত্তে মেঘে আর আন্ধারে ঘিরে; ধর্ম আর দোল্‌বিচেরর্ উগুরে তার সিংহাসনান্ থিয়্যেই আঘে।

যাত্রা 19:16

তিন দিনোত্‌ বেন্যেমাদান্ মেঘ গুজুরো ধুরিলো আর ঝিমিলেনি অলঅ‌ আর মুড়োবো উগুরে এককট্টা ঘন মেঘ দেগা দিলো। ইয়েন বাদেয়ো অমহদ দাঙর দাঙর গুরি শিঙের্ রঅ শুনো গেলঅ। এদক্কানি দেগিনে শুনিনে তাম্বুলো ভিদিরে বেক্‌ মানুচ্চুনে গির্‌গিরেই উদিলাক্।

যাত্রা 20:21

মানুচ্চুনে দূরোত্‌ ঠিয়্যেই রলাক্‌ আর মোশি গোজেন ইদু সেই ঘন মেঘ ইন্দি উজেই গেলঅ‌।

যিশাইয় 63:19

তুই যিগুনো উগুরে কনদিন্অ সদ্দারি ন-গরচ্, যিগুনোরে কনদিন্অ তঅ নাঙে ডাগায়ো ন-অয়, ইক্কিনে আমি তারার্ সং সং ওইয়্যেই।

নহূম 1:3

লগেপ্রভু সহজে বেজার্ ন-অয় আর তে খেমতান্দি দাঙর্; দুষীরে তে সাজা ন-দিইনে ইরি ন-দে। তা পথ্‌‌‌তান তুট্ট্যেবোইয়্যের্ আর ঝড় ভিদিরে থায়, আর মেঘ্‌‌‌কান অলঅ তার টেঙর্ ধূল্যে।

মথি লেখ্যে গম্ হবর্ 27:45

সেদিন্ন্যে দিবুজ্যে বারটাত্তুন্ ধুরি বেল্যেমাদান্ তিন ঘন্টা সং গোদা দেজ্‌চান আন্ধারে ঢাক্যে এলঅ।

দ্বি’লম্বর বিররণ 4:11

সেক্কে তুমি কায়-কুরে যেইনে সে মুড়োবোর্‌ তলে থিয়্যেয়ো; আর সেক্কে আন্ধারত্‌ ঘিজ্যে মুড়োবো মেক্কোই আর ঘুর্‌গুজ্যে আন্ধারত্ ভরপুনং আগাজত্‌ সং জ্বলের্‌।