২ শমূয়েল 21:8 - Chakma Bible

^8-9 রাজা সেক্কে অয়ার ঝি রিস্পার পেদর্ শৌলর দ্বিবে পূঅ অর্মোণি আর মফীবোশতরে আর শৌলর ঝি মেরবর পেদর্‌ মহোলাতীয় বর্সিল্লয়র পূঅ অদ্রীয়েলর পাচজন পূঅরে অানিনে গিবিয়োনীয়গুনোর আঢত্‌ তুলি দিলো। তারা তারারে এক্কো মুড়ো উগুরে নেযেইনে লগেপ্রভুরে সাক্ষী রাগেইনে মারে ফেলেলাক্ আর বেক্কুনো মুজুঙোত্‌ তারার্‌ মরাকিয়্যেগানি ফেলেই রাগেলাক্। সে সাতজনর বেক্কুনোরে এক সমারে মারে ফেলা অলঅ; ফসল কাবিবার অক্তত্‌, অত্তাৎ যেদেনা বিজির ফসল কাবানার আরাম্ভত্‌ তারারে মারে ফেলা ওইয়্যে।

২ শমূয়েল 21:8 Iomraidhean Croise

২ শমূয়েল 3:7

রিস্‌পা নাঙে শৌলর এক্কো দ্বিতীয় ঘর মোক্ এলঅ। তে অলদে অয়ার ঝি। একদিন্যে ঈশ্‌বোশৎ অব্‌নেররে কলঅ, “তুই মঅ বাপ্‌পোর্‌ দ্বিতীয় ঘর মোক্কোর্ লগে কিত্তে ঘুম যেইয়োচ্‌?”

১ রাজাবলী 19:16

ইয়েনবাদেয়ো নিম্‌শির নাদিন্‌ যেহূরে ইস্রায়েলর রাজার পদথ্‌ অভিষেগ্ গর্‌, আর তঅ পথ্‌তানত্‌ ভাববাদী অবাত্তে আবেল-মহোলার শাফটের পূঅ ইলীশায়রে অভিষেগ্ গর্‌।

১ শমূয়েল 14:49

যোনাথন, যিশ্‌বি আর মল্কীশূয় নাঙে শৌলর তিন্নো পূঅ এলাক্। তার দাঙর্‌ ঝিবোর নাঙান্‌ এলদে মেরব আর চিগোন ঝিবোর নাঙান্‌ এলঅ মীখল।

১ শমূয়েল 18:19

মাত্তর্‌ দায়ূদো সমারে শৌলর ঝি মেরবর মেলার অক্তবো অলে দেগা গেলদে দায়ূদরে বাদ দিইনে মহোলাৎ আদামর্‌ অদ্রীয়েল সমারে মেরবরে বৌ দিয়্যে ওই যেইয়্যে।