২ শমূয়েল 21:22 - Chakma Bible

²² এ চের্‌জনে এলাক্কে গাতদ্‌ বজত্তিগোজ্যে রফায়ীয়। দায়ূদ আর তা মানুচ্চুনোর আঢত্‌ ইগুনে মারা পোজ্যন্‌।

২ শমূয়েল 21:22 Iomraidhean Croise

২ শমূয়েল 21:16

সেক্কে যিশ্‌বী-বনোব নাঙে এক্কো রফায়ীয় নূয়ো সাজ্‌গুজ্ গুরি সাজিনে দায়ূদোরে মারে ফেলেবাত্তে এলঅ। তা সেল্লোর পিদোল মাধাবোর্‌ ওজন এলদে পেরায় চের্‌ কেজি।

২ শমূয়েল 21:21

তে যেক্কে ইস্রায়েল জাত্তোরে ঈচ্ গরের্ সেক্কে দায়ূদো ভেই শিমিয়র পূঅ যোনাথনে তারে মারে ফেলেল।

১ বংশধর 20:8

গাতর্‌ এ মানুচ্চুনে অলাক্‌ রফা বংশর মানুচ্‌। দায়ূদ আর তা মানুচ্চুনোর আদত্‌ ইগুনে মারা পড়িলাক্‌।

গীতসংহিতা 108:13

গোজেনর বলে আমি জিদিবোং; আমা শত্রুগুনোরে তেয়ই টেঙন্দি উড়িবো।

গীতসংহিতা 118:15

গম্ মানুচ্চুনো ঘরত্ উদ্ধোরর হুজি রঅ শুনো যায়; লগেপ্রভুর খেমতাবলা আঢ্‌তানিয়ে দোল্ কাম গোজ্যে।

গীতসংহিতা 60:12

গোজেনর বলে আমি জিদিবোং; আমা শত্রুগুনোরে তে টেঙোই মাড়িবো।

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

যিরমিয় 9:23

লগেপ্রভু কোইয়্যেদে, “জ্ঞানী মানুচ্চুনে তারার জ্ঞানর বাড়্ ন-গোরোক্, বা খেমতাবলাগুনে তারার তারার বলর্ বাড়্‌বো ন-গোরোক্ বা তাগোয়্যেগুনে তারার ধনর বাড়্‌বো ন-গোরোক্,

রোমীয় 8:31

সালে এ বেপারানি আমি কি কবং? গোজেনে যেক্কে আমা পক্ষে আঘে সেক্কে আমারে ক্ষতি গুরিবার কন্না আঘে?

রোমীয় 8:37

মাত্তর্ যিবে তমারে কোচ্‌পায়, তা মাধ্যমে ইয়েনির্ ভিদিরেদিয়ো আমি পুরোপুরি জিত্তেই।

যিহোশূয় 14:12

ইয়েন যে মুড়ো-মুড়ি চাগালাগান্‌ দিবার এগেম্ লগেপ্রভু মইদু গোজ্যে সিয়েন তুই মরে দে। সে সময়োত্‌ তুই নিজেই শুন্যচ্‌, অনাকীয়গুনে সিয়েনত্‌ বজত্তি গুরিদাক্‌ আর তারার্‌ শঅ‌রানিয়ো বেশ্‌ দাঙর্‌ দাঙর্‌ আরঅ‌ দেবাল্লোই-ঘিজ্যে। মাত্তর্‌ লগেপ্রভু মঅ‌ লগে থেলে তা কধা মজিম মুই তারারে ধাবেই দিম্‌।”