২ শমূয়েল 21:2 - Chakma Bible

² রাজা সেক্কে গিবিয়োনীয়গুনোরে ডাগিনে তারা লগে কধা কলঅ। গিবিয়োনীয়গুনে ইস্রায়েলীয় ন-এলাক্। আজলে তারা এলাক্কে ইমোরীয়গুনোর বাঁজি রোইয়্যে মানুচ্‌। তারারে ভস্ত ন-গুরিবাক্ বিলিনে ইস্রায়েলীয়গুনে শমক্‌ হেইয়োন, মাত্তর্‌ ইস্রায়েল আর যিহূদার উগুরে বিশেজ্ আওজত্তে শৌল তারারে বেক্কুনোরে মারে ফেলেবার চেট্ট্যা গুরিলো।

২ শমূয়েল 21:2 Iomraidhean Croise

পত্থম 15:16

মাত্তর্‌ তঅ বংশর্‌ চের্‌ আজু মানুচ্চুনে ইধু ফিরি এবাক্‌, কিত্তে পাপ গর্‌তে গর্‌তে ইমোরীয়গুনে এযঅ এমন্‌ অবস্তাদ্‌ যেইনে ন লুমোন্দোই যিয়েনত্ত্যে মত্তুন্‌ তারারে সাজা-দিয়া পুড়িবো।

২ শমূয়েল 24:1

লগেপ্রভু আরঅ ইস্রায়েলীয়গুনো উগুরে রাগে জুলি উদিলো। তে দায়ূদোরে তারার বিরুদ্ধে রাগ তুলি দিইনে কলদে, “তুই যেইনে ইস্রায়েল আর যিহূদা মানুচ্চুনোরে গুণিই লঅ।”

২ রাজাবলী 10:16

সে পরেন্দি যেহূ কলঅ, “মঅ লগে আয় আর লগেপ্রভুত্তেই মর্‌ আওজ্‌চান্‌ কত্তমান্‌ সিয়েন্‌ চঅ।” ইয়েন্‌ কোইনে তে তারে তার রথ্‌তানত্‌ গুরি নেযেল।

২ রাজাবলী 10:31

তো যেহূ পুরো মনান্‌ দিইনে ইস্রায়েলর গোজেন লগেপ্রভুর রীদি-সুদোমানি মানি চলানার পৌইদ্যেনে উজিয়ার্‌ ন-অলঅ। যারবিয়ামে ইস্রায়েলরে দিইনে যেদক্কানি পাপ গোরেয়্যে সিয়োত্তুন্‌ তে সুরি ন-এলঅ।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

রোমীয় 10:2

তারা পৌইদ্যেনে মুই এ সাক্ষ্যগান্ দোঙর্, গোজেন উগুরে তারার্ অমকদ আওজ্ আঘে, মাত্তর্ কেধোক্ক্যেন্ গুরি গোজেনর্ মানি লোইয়্যে উয়ো যায় সিয়েন তারা হবর্ ন-পান্।

গালাতীয় 4:17

সেই অন্য মানুচ্চুনে তমাত্যে আয়োজি ওইয়োন, মাত্তর্ সিয়েন কনঅ গম্ উদ্দেচ্চ্যত্যে নয়। তারা মঅ ইন্দিত্তুন্ তমারে ফিরেবাত্যে চান্, যেন তুমি তারা উগুরে আয়োজি অ।

দ্বি’লম্বর বিররণ 7:16

তমার গোজেন লগেপ্রভু তমা আদঅ মুদোত্‌ যিদুক্কুন্‌ জাদরে আনি দিবো বেক্কুনোরে তমাত্তুন্‌ ভস্ত গুরি ফেলা পুরিবো। তারারে তুমি মেইয়্যে ন-দেগেবা আর তারার্‌ দেবেদাগুনোরেয়ো পূজো ন-গুরিবা, কিত্যে সিয়েনি তমা পক্ষে ইদি ওইনে থেবঅ।

১ শমূয়েল 14:44

শৌল কলঅ, “অয় যোনাথন, তত্তুনোই মরা পুড়িবো। গোজেনে যেন তরে শাস্তি দে, হামাক্কায় শাস্তি দে।”