২ শমূয়েল 20:26 - Chakma Bible

²⁶ অার যায়ীরীয় ঈরা এলদে দায়ূদোর্‌ সল্লাদিয়্যে ধর্মগুরু।

২ শমূয়েল 20:26 Iomraidhean Croise

পত্থম 41:43

ইয়েন পরেদি তে যোষেফরে তা রেজ্যর্‌ দ্বিলম্বর্‌ রথতানত্‌ বোজেল। রথ চুলিবার্ সময় যোষেফর্ আগে আগে জানেই দিয়া অলঅ, “আদুগুন্‌ পাদ্, আদুগুন্‌ পাদ্।” এবাবোত্যেগুরি ফরৌণে যোষেফ উগুরে বেক্‌ মিসর্‌ দেজছান ভারান দিলো।

পত্থম 41:45

ফরৌণে যোষেফর নূয়ো নাঙান দিলো সাফনৎ-পানেহ। ওন্‌ শঅর ধর্মগুরু পোটীফর ঝি আসনতর লগে তে যোষেফর জড়া বানি দিলো। সে পরেদি যোষেফে গোদা মিসর্‌ দেজ্‌ছান্‌ ঘুরি এবাত্তে নিগিলিলো।

২ শমূয়েল 20:25

শবা এলদে রাজার লিগিয়্যে; সাদোক আর অবিয়াথরে এলাক্কে ধর্মগুরু।

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

২ শমূয়েল 23:38

যিত্রীয় ঈরা, যিত্রীয় গারেব আহ্ হিত্তীয় ঊরিয়। ইগুনে অলাক্কে বেক্কুনে সাত্রিশজন।

২ শমূয়েল 8:18

যিহোয়াদার পূঅ বনায় এলদে দায়ূদোর কিয়্যে রোক্ষ্যেগুরিয়্যে করেথীয় আর পলেথীয়গুনোর নেতা, আর দায়ূদোর পূঅগুনে এলাক্ রাজার সল্লাদিয়্যে ধর্মগুরু।

১ রাজাবলী 4:5

নাথনর পূঅ অসরিয়োর উগুরে এলদে নানান্ বাবোত্যে শাজেন্‌গুরিয়্যেগুনোর ভারান্; নাথনর পূঅ সাবূদ অলদে রাজার আপন্ সল্লাদিয়্যে;

১ বংশধর 11:40

যিত্রীয় ঈরা, যিত্রীয় গারেব, হিত্তীয় ঊরিয়, অহলয়র পুয়ো সাবদ, রূবেণীয় শীষার পুয়ো অদীনা-তে এলদে রূবেণীয়গুনোর নেতা আর তা সমারে এলাক্‌ ত্রিশজন মানুচ্‌,

২ বংশধর 35:15

দায়ূদ, আসফ, হেমন আর রাজার চেইয়্যে যিদূথূনোর উগুম মজিম্ আফসর গুট্টির গানগেইয়্যে আর বাজেয়্যেগুনে নিজোর্‌ নিজোর্‌ জাগাত্‌ এলাক্‌। পত্তি গেদোত্‌ চুগিদার এলাক্‌। তারার্‌ কামানি ছাড়ি এজানা দরকার্‌ ন-অলঅ, কিত্তে তারার্‌ লেবীয় ভেইয়ুনে তারাত্তে বেবস্থা গোজ্যন্‌।

যাত্রা 2:14

মানুচ্চো কলঅ, “কন্না তরে আমার্‌ নেতা আর শাজন্ গুরিয়্যে বানেয়্যে? সে মিসরীয়গুনো ধোক্ক্যেন মরেয়ো মারে ফেলেবাত্তে চাজ্‌ না কি?” এ কধাগান্‌ শুনিনে মোশি দোরেল। তে চিদে গুরিলো, হামাক্কায় বেপারান্‌ হবর্‌ পাহ্‌‌পি ওইয়্যে।

যাত্রা 2:16

সিদুগোর্‌ মিদিয়োনীয় ধর্মগুরুবোর্‌ সাত্তো ঝি এলাক্। সিগুনে তারা বাব্‌‌পোর্ ভেড়াছাগলুনোরে পানি হাবেবাত্তে পানি তুলিনে গাবালা ভুরিবাত্যে সে জাগানত্‌ গেলাক্।

যাত্রা 24:11

ইস্রায়েলীয়গুনোর্‌ এই বেক্‌ মাই-মুরুব্বীগুনে যুনিয়ো গোজেনরে দেগিলাক্‌ তো তে তারারে মারে ন-ফেলেল। তারা তারে দেগিলাক্ আর হানা-দানা গুরিলাক্।

দ্বি’লম্বর বিররণ 3:14

যায়ীর নাঙে মনঃশির এক্কো বংশধর গশূরীয় আর মাখাথীয়গুনোর দুঝি সং পুরো অর্গোব চাগালাগান্‌ কারি লোইনে নিজোর্‌ নাঙ্‌ মজিম সিয়েনর্‌ নাঙান্‌ রাগেয়্যে। সেনত্তেই ইক্কিনে বাশনরে হব্বোৎ-যায়ীর বিলিনে কুয়ো অদঅ।