২ শমূয়েল 20:12 - Chakma Bible

¹² অমাসার কিয়্যেগান সেক্কে রোগোনিগুরি পদথ্ পোজ্যে এলঅ। যোয়াবর সে মানুচ্চো দেগিলোদে, সৈন্যগুনে বেক্কুনে অমাসার ইদু এইনে থামাদন্‌, সেনত্তেই তে অমাসারে পধত্তুন্‌ টানিনে এক্কো মাঢত্‌ লামেইনে নেযেলাক্ আর এক্কান্‌ কাবড়লোই তারে ঢাগি দিলাক্।

২ শমূয়েল 20:12 Iomraidhean Croise

২ শমূয়েল 17:25

অবশালোম তা সৈন্যদলুনোর উগুরে যোয়াবর বদলে অমাসারে নেযেল। অমাসা অলদে যিথ্র নাঙে এক্কো ইস্রায়েলর পূঅ। যিথ্র নাহশর পূঅ অবীগলরে ললঅ। অবীগলে অলদে যোয়াবর মা সরূয়ার বোন।

২ শমূয়েল 2:23

অসাহেলে তো ফিরিবাত্তে রাজী ন-অলঅ। সেক্কে অব্‌নের তা সেল্‌লোর পিজেন্দিগান অসাহেলর পেদঅ ভিদিরে এনগুরিনে ফুদেই দিলো, সেল্‌লো তার পিঠতান্‌ ফুরি নিগিলিলো। অসাহেল সিয়োদোই পড়িনে মুরি গেলঅ। অসাহেলে যে জাগানত্‌ পড়িনে মুরি গেলঅ যিদুক্কুন্‌ মানুচ্‌ সে জাগানত্‌ এচ্ছোন্‌ তারা বেক্কুনে সিয়েনত্‌ থিয়্যেই রলাক্‌,

২ শমূয়েল 20:11

যোয়াবর এক্কো মানুচ্‌ অমাসার মরাকিয়্যেগানর কায়-কুরে থিয়্যেইনে কলঅ, “যে যোয়াবরে কোচ্‌পায় আর যে দায়ূদো পক্ষেন্দি তে যেনে যোয়াবর্‌ পিজে পিজে যায়।”

২ শমূয়েল 20:13

অমাসারে পধত্তুন্‌ সোরেই নেযানার পরেন্দি বেক্‌ মানুচ্চুনে যোয়াবর্‌ পিজে পিজে বিখ্রির পূঅ শেবঃরে লোড়েবাত্তে গেলাক্।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।