২ শমূয়েল 20:1 - Chakma Bible

¹ বিন্যামীন-গুট্টির বিখ্রির পূঅ শেবঃ নাঙে এক্কো পাজি মানুচ্‌ সেক্কে সিদু এলঅ। তে শিংগা বাজেইনে কলঅ, “দায়ূদো উগুরে আমার কনঅ দাবি নেই, যিশয়র পূঅবো উগুরে কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ।”

২ শমূয়েল 20:1 Iomraidhean Croise

পত্থম 46:21

বিন্যামীনর পুয়ো বেলা, বেখর, অস্‌বেল, গেরা, নামন, এহী, রোশ, মুপ্‌পীম, হুপ্‌পীম আর অর্দ।

২ শমূয়েল 15:10

অবশালোমে ইস্রায়েলর বেক্‌ গুট্টিগুনোর ইদু এ কধাগান কোইনে গুমুরোত্ মানুচ্‌ পাদেল, “তুমি যে তূরীর রঅবো শুনিবা এম্‌নে কবাদে, ‘অবশালোমে হিব্রোণত্‌ রাজা অলঅ।’”

২ শমূয়েল 16:11

দায়ূদে সেক্কে অবীশয় আর তার বেক্‌ কামগুরিয়্যেগুনোরে কলঅ, “মঅ নিজোর পূঅবো যেক্কে মঅ পরাণান নিবাত্তে চেট্ট্যা গরের্‌ সেক্কে বিন্যামীন-গুট্টির এ মানুচ্চো দঅ আরঅ বেশ্‌ গুরিনে সিয়েন্‌ গুরিবো। তে যিয়েনি গোজ্যে তারে সিয়েনি গুরিবাত্তে দে; গেইল্ দিবাত্তে দে, কিত্যে লগেপ্রভু তারে সিয়েনি গুরিবাত্তে কোইয়্যে।

২ শমূয়েল 16:7

শিমিয়ি গেইল্ দি দি কলদে, “দূর্ অ, দূর্ অ, খুনি, বদমাইশ শদান!

২ শমূয়েল 18:17

তারা অবশালোমরে নেযেইনে ঝার ভিদিরে এক্কো দাঙর্‌ গাদত্‌ ফেলেই দিলাক্ আর তা উগুরে সিলুন্ এগত্তর্ গুরিনে এক্কো দাঙর্‌ কুড়্ বানেই রাগেলাক্। এ ভিদিরে ইস্রায়েলীয়গুনে বেক্কুনে যার্‌ যার্‌ ঘরত্‌ ধেই গেলাক্।

২ শমূয়েল 20:2

সেক্কে ইস্রায়েলর বেক্‌ মানুচ্চুনে দায়ূদোরে ছাড়িনে বিখ্রির পূঅ শেবের পিজেন্দি গেলাক্। মাত্তর্‌ যর্দনত্তুন্‌ যিরূশালেম সং বেক্‌ পথ্‌‌তান যিহূদার মানুচ্চুনে রাজার লগে লগে গেলাক্।

২ শমূয়েল 20:22

সে পরেন্দি সে মিলেবো বেক্‌ মানুচ্চুনো ইদু যেইনে জ্ঞানর্‌ উপদেশ দিলো। মানুচ্চুনে বিখ্রির পূঅ শেবের মাধাবো কাবি নেযেইনে যোয়াব ইদু দলা মারিনে ফেলেই দিলাক্। যোয়াবে সেক্কে শিংগা বাজেই দিলো আর তা মানুচ্চুনে শঅরত্তুন্‌ যেইনে পত্তিজনে যে যার্‌ ঘরত্‌ আঢি গেলাক্। যোয়াবে যিরূশালেমত্‌ রাজার ইদু ফিরি গেলঅ।

২ শমূয়েল 23:6

মাত্তর্‌ পাজি মানুচ্চুনে বেক্কুনে উগুরে ফেলেয়্যে কাদা ধোক্ক্যেন্‌, যিগুনোরে আঢ্‌তোই ধরা ন-যায়।

১ রাজাবলী 12:16

ইস্রায়েলীয়গুনে যেক্কে বুঝিলাক্‌, রাজা তারার্‌ কধানি ন-শুনিবো সেক্কে তারা রাজারে কলাক্‌, “দায়ূদো উগুরে আমার কনঅ দাবি নেই। যিশয়র পূঅবো উগুরে আমার কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ। ও দায়ূদ, ইক্কিনে তর্‌ নিজোর্‌ গুট্টি তুই নিজেই চাহ্‌।” সেনত্তেই ইস্রায়েলীয়গুনে যে যার্‌ ঘরত্‌ ফিরি গেলাক্‌।

১ রাজাবলী 21:10

তা মুজুঙোত্‌ দ্বিয়েন্‌ আসনত্‌ দ্বিজন বজং মান্‌জ্যরে বজঅ। তারা ইয়েন্‌ কোইনে তা বিরুদ্ধে সাক্ষি দেদোক্‌, তে গোজেন আর রাজার বিরুদ্ধে অগমানর্‌ কধা কোইয়্যে। সে পরেন্দি তারে সিয়োত্তুন্‌ নিগিলেনে পাত্তর্‌ মেলাহ্ মারিনে মারে ফেলঅ।”

২ বংশধর 10:16

ইস্রায়েলীয়গুনে যেক্কে বুঝিলাক্‌, রাজা তারা কধানি ন-শুনিবো সেক্কে তারা রাজারে কলাক্‌, “দায়ূদো উগুরে আমার কনঅ দাবি নেই। যিশয়র পুয়োবো উগুরে আমার কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ। ও দায়ূদ, ইক্কিনে তর্‌ নিজোর্‌ গুট্টি তুই নিজে চাহ্।” সেনত্তে ইস্রায়েলীয়গুনে যে যার্‌ ঘরত্‌ ফিরি গেলাক্‌।

২ বংশধর 10:6

যিদুক্কুন্‌ বুড়ো নেতায় তা বাপ্পো শলোমনর্ জীংকানিত্‌ তারে সেবা গুরিদাক্‌ রহবিয়ামে তারা লগে শল্লা গুরিবাত্তে কলঅ, “এ মানুচ্চুনোরে জোব্‌ দিবাত্তে তুমি মরে কি শল্লা দি পারঅ?”

গীতসংহিতা 17:13

ও লগেপ্রভু, তুই উঠ্, তারারে থামা, তারারে মাদিত্ ফেলেেই দে। তর্ লাম্বা ছুড়িলোই পাজিগুনোর্ আঢত্তুন মরে উদ্ধোর্ গর্।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

গম্ উপদেজ্ 25:8

যাদিমাদি মগদ্দমাত্ ন-যেচ্, কিত্তে যেরেদি তঅ পাড়াল্যেবো যুনি তরে লাজত্ ফেলায় সেক্কে তুই কি গুরিবে?

গম্ উপদেজ্ 26:21

জোল্-জোল্যে আঙারা ভিদিরে আরঅ আঙারা দিলে আর আগুনো ভিদিরে আরঅ দার্‌বো দিলে যেধোক্ক্যেন্ অয়, সেধোক্ক্যেন কোল্-কোজ্যের আগুনান্ জালেবাত্তে কোল্ বাজেয়্যে মানুচ্।

মার্ক 3:24

কনঅ রেজ্য নিজো ভিদিরে দলে দলে যুদ্ধো বাঁজিনে ভাগ্ ওই গেলে সেই রেজ্যগান্ ঠিগি ন-পারে।

লূকে লেখ্যে গম্ হবর্ 19:14

মাত্তর্ তা দেজর্ মানুচ্চুনে তারে ঘিনেদাক্ । ইয়েনত্তে তারা তা পিজেদি মানুচ্ দিপাধেইনে হবর্ দিলাক্, আমি ন-চেই এ মানুচ্চো আমা উগুরে রাজাগিরি গোরোক্।

লূকে লেখ্যে গম্ হবর্ 19:27

মঅ শত্রুগুনে যিগুনে ন-চান্ মুই রাজা অং, তারারে ইধু আন্ আর মঅ মুজুঙোত্ মারে ফেলা।’ ”

যোহন 13:8

পিতরে তারে কলঅ, “তুই কনদিন্‌অ মঅ টেঙানি ধোই ন-দিবে।” যীশু পিতররে কলঅ, “যুনি মুই তরে ধোই ন-দুয়োং সালে মঅ লগে তর্ কনঅ মিলেমিলি নেই।”

দ্বি’লম্বর বিররণ 13:13

সিদুগোর্ ইস্রায়েলীয়গুনো ভিদিরে কিজু পাজি মানুচ্‌ দেগা দুয়োন যিগুনে সিদুগোর্ মানুচ্চুনোরে ইয়েন কোইনে ভান্ন্যেই পধেদি টানি নেযেয়োন, আদঅ, আমি দেব-দেবেদাগুনোরে পূজো গুরিই, যে দেব-দেবেদাগুনে তমা ইদু নূয়ো।

বিচের গুরিয়্যেগুন 19:22

ইঙিরিনে যেক্কে তারা সুন্‌যুগ্‌ গুরিনে সময় কাদাদন্‌ সেক্কে শঅরর্‌ কয়েক্কো বজং মানুচ্‌ এইনে ঘরান্‌ ঘিরিলাক্‌। তারা দোরানত্‌ লাদি মারদে মারদে ঘরঅ গিরোজ্‌সো সে বুড়ো মানুচ্চোরে কলাক্‌, “যে মানুচ্চো তঅ ঘরত্‌ এচ্চ্যে তারে নিগিলেই দে। আমি তা লগে সিনেলী গুরিবোং।”

বিচের গুরিয়্যেগুন 3:27

সিদু ইফ্রয়িমর মুড়োমুড়ি চাগালাত্‌ তে শিংগা বাজানার পরেন্দি ইস্রায়েলীয়গুনে তা সমারে মুড়োত্তুন্‌ তলেদি লামি এইনে তা পিজে পিজে আঢিলাক্‌,

রূত 2:3

সেক্কে রূতে নিগিলি গেলঅ‌ আর খেদত্‌ যেইনে যিগুনে ফসলানি কাবদন্‌ তারার পিজে পিজে শীজেগুন কুড়ো ধুরিলো; আর এন্‌ অলঅ‌, তে যিয়েনত্‌ শীজেগুন কুড়োর্‌ সিগুন্‌ অলদে ইলীমেলকর গুট্টির্‌ বোয়সর ক্ষেততান্‌।

১ শমূয়েল 2:12

এলির পূঅগুনে এলাক অমহদ পাজি। লগেপ্রভু উগুরে তারার কনঅ মনযোগ ন-এলঅ।

১ শমূয়েল 30:22

মাত্তর্‌ দায়ূদোর লগে যিগুনে যেইয়োন তারা ভিদিরে যিগুনে পাজি আর বেজাল্যে মানুচ্‌ এলাক তারা কলাক্, “ইগুনে আমার লগে ন-যান বিলিনে আমি যিয়েনি উদ্ধোর গুরিনে ফিরেই আন্যেই সিয়েনি তারারে ন-দিবোং। ইগুনে বানা যে যার্‌ বৌগুনোরে আর ঝি-পূঅগুনোরে নেযাদোক্‌।”