২ শমূয়েল 2:18 - Chakma Bible

¹⁸ যোয়াব, অবীশয় আর অসাহেল নাঙে সরূয়ার তিন্নো পূঅ সিদু এলাক্। অসাহেলে ঝার্‌বো উরিঙো ধোক্ক্যেন্‌ জদবদে ধাবা দি পারিদো।

২ শমূয়েল 2:18 Iomraidhean Croise

২ শমূয়েল 1:23

বাঁজি থাগদে শৌল আর যোনাথনে কোচ্‌পেইয়্যে আর গম্‌ মানুচ্‌ এলাক্; তারা মরদেয়ো ফারক্‌ ন-অলাক্‌। তারার গঙার্ এলদে চিল পেগোত্তুন্‌‌অ বেশ্‌, আর বল্‌‌অ এলদে সিংহত্তুন্‌ বোউত্‌ বেশ্।

২ শমূয়েল 14:1

সরূয়ার পূঅ যোয়াবে কোই পারিলোদে, অবশালোমত্তে রাজার্‌ ভারি চিৎ পুরের্‌।

২ শমূয়েল 2:19

তে অব্‌নেরর্‌ পিজেন্দি লোড়েল আর ডেনে-বাঙে ন- যেইনে উজুগুরি তা পুনে পুনে গেলঅ।

২ শমূয়েল 22:34

তে মরে উরিঙো ধোক্ক্যেন্‌ গুরি লাফ্‌ দিইনে আঢিবার্‌ বলান্‌ দিয়্যে; বেক্‌ উজু জাগানিত্‌ তেয়ই মরে থিয়্যেবাত্তে দিয়্যে।

২ শমূয়েল 23:24

“ত্রিশ” নাঙে দল্লোর ভিদিরে এলদে যোয়াবর ভেই অসাহেল, বৈৎলেহমর দোদয়র পূঅ ইল্‌কানন,

১ রাজাবলী 2:5

“সরূয়ার পূঅ যোয়াবে মর্‌ উগুরে যিয়েনি গোজ্যে আর ইস্রায়েলীয় সৈন্যদলুনোর দ্বিবে সেনাপতি উগুরে, অত্তাৎ নেরের পূঅ অব্‌নের আর যেথরর পূঅ অমাসা উগুরে যিয়েনি গোজ্যে সিয়েন দঅ তুয়ই হবর্‌ পাচ্‌। তে তারারে খুন্ গোজ্যে, শান্তির অক্তত্‌অ যুদ্ধোর সময়ো ধোক্ক্যেন গুরিনে তে তারারে লো ঝোরেই দিয়্যে আর সেই লো-নি তার কমর-বিজোনিত্‌ আর টেঙর্‌ জদানিত্‌ বাস্যে।

১ বংশধর 11:26

সে বোলী মানুচ্চুন অলাক্‌-যোয়াব ভেই অসাহেল, বৈৎলেহমর দোদোর পুয়ো ইল্‌হানন,

১ বংশধর 12:8

গাদীয়গুনোর্‌ কিজু মানুচ্‌ নিজো দল্ ছাড়িনে ধূল্যেচর-চাগালাত্‌ তাম্বুলো ধোক্ক্যেন জাগানত্‌ দায়ূদো ইদু এচ্ছ্যন্‌। তারা এলাক্‌ যুদ্ধোর্‌ শিক্ষ্যে-পেইয়্যে বোলী যোদ্ধা। তারা ঢাল আর সেল্‌ মারানা জানিদাক্‌। তারা মুয়োনি সিংহ ধোক্ক্যেন দর্‌গরেপারা এলঅ আর মুড়ো উরিঙো ধোক্ক্যেন তারা জদবদে দাবা দি পারিদাক্‌।

১ বংশধর 12:9

পোজিশন ইজেবে তারা অলাক্‌-পত্তমে এষর, দ্বিলম্বরত্‌ ওবদিয়, তিন লম্বরত্‌ ইলীয়াব,

১ বংশধর 27:7

চের্‌ মাসত্তে চের্‌ লম্বর্‌ দল সেনাপতি এলদে যোয়াব ভেই অসাহেল। তার মরাণার পরেন্দি সেনাপতি ওইয়্যেদে তাহ্ পুয়ো সবদিয়। তা দলত্‌ চোব্বিশ আজার্ সৈন্য এলাক্।

গীতসংহিতা 18:33

তে মরে উরিঙো ধোক্ক্যেন্ গুরি ফাল্যে ফাল্যে যেবার বলান্ দিয়্যে; অজল্ অজল্ জাগাত্ তে মরে থিয়্যেই রাগেয়্যে।

উপদেশক 9:11

বেলান তলেদি মুই আরঅ কিজু দেখ্যং, সিয়েনি অলঅ: যিগুনে যাদিমাদি দাবা দুয়োন্ তারা যে নিত্য জিদোন্, সিয়েন্ নয়; খেমতাবলাগুনে যে নিত্য যুদ্ধোত্ জিদোন্, সিয়েন্ নয়; জ্ঞানীগুনে যে নিত্য পেট্ ভুরিনে হানা পান্, সিয়েন্ নয়; বুদ্ধিবলাগুনে যে নিত্য তাগোয়্যে অন্, সিয়েন্ নয়; কাবিল্ মানুচ্চুনে যে নিত্য জু পান, সিয়েন নয়; কিত্তে তারা বেক্কুনে সময় আর সুযোগ আঢত্ বান্যে।

পরমগীত 2:17

ও মর্ পরাণ্যে, তুই ফিরি আয়; যেদক্কন্ সং বেন্যে পহ্‌র ন-অয় আর আন্ধারান্ ন-যায় সেদক্কন্ তুই থাক্। অজল্ মুড়োবো উগুরে তুই কৃষ্ণসার ‌ বা উরিঙো ছঅ ধোক্ক্যেন্ অ।

পরমগীত 8:14

মর্ পরাণ্যে, আঢি আয়; তুম্বাজ্ মজলা-ভরা মুড়ো উগুরে তুই চুন্নু উরিঙো ধোক্ক্যেন্ অ বা উরিঙো ছঅ ধোক্ক্যেন্।

আমোষ 2:14

যিগুনে যাদিমাদি দাবা দি পারন তারা নিজোরে রোক্ষ্যে গুরি ন-পারিবাক্, বোলীগুনে তারার্ বলান্ দেগেই ন-পারিবাক্ আর যোদ্ধাগুনে নিজো পরাণান্ বাজেই ন-পারিবাক্।

হবক্‌‌‌‌কূক 3:19

প্রভু লগেপ্রভুই মর্ বলান্; তে মঅ টেঙানি উরিঙি টেঙানি ধোক্ক্যেন গুরি দে আর মরে অজল্ অজল্ জাগাত্ যেবার খেমতা দে। গান পরিচালগত্তে। মঅ উগুম্ মজিম্ তারর্ বাজানা সমারে গাহ্ পুরিবো।

১ শমূয়েল 26:6

দায়ূদে যেক্কে হিত্তীয় অহীলেমক আর সরূয়ার পূঅ যোয়াবর ভেই অবীশয়রে কলঅ, “সেই তাম্বুলো ভিদিরে শৌলর ইদু তুমি কন্না মঅ লগে যেবা?” অবীশয় কলঅ, “মুই যেম্‌।”