২ শমূয়েল 2:1 - Chakma Bible

¹ পরেন্দি দায়ূদে লগেপ্রভুর ইদু পুযোর্‌ গুরিলো, “মুই কি যিহূদা চাগালার্‌ কনঅ এক্কান্‌ শঅরত্‌ যেম্‌?” লগেপ্রভু কলঅ, “অয়, যাহ্।” দায়ূদে পুযোর্‌ গুরিলো, “মুই কুদু যেম্?” জোবত্‌ লগেপ্রভু কলঅ, “হিব্রোণত যাহ্।”

২ শমূয়েল 2:1 Iomraidhean Croise

পত্থম 13:18

সেক্কে অব্রামে তা তাম্বুলান তুলি নেযেল আর হিব্রোণ চাগালার্‌ মম্রি নাঙে এক্কো মান্‌জোর্‌ এলোন ঝার কুরে সিয়েন ঠাঙেল। সিয়েনত্‌অ তে লগেপ্রভুর নাঙে এক্কো ডালিপূজো বানেল।

পত্থম 32:2

তারারে দেগিনে তে কলঅ, “ইয়েন্‌ গোজেনর্ ঘর্।” ইয়েনত্তে তে সেই জাগায়ান নাঙান রাগেল মহনয়িম (যিয়েনর্ ভেদ্‌তান্ “দ্বিয়েন ঘর”)।

২ শমূয়েল 15:7

চের্‌ বজর্‌ পরেন্দি অবশালোমে রাজারে কলঅ, “মুই লগেপ্রভু ইদু যে মান্যেগান গোজ্যং সিয়েন্‌ ছিড়েবাত্তে মরে হিব্রোণত্‌ যেবাত্তে দে।

২ শমূয়েল 2:11

দায়ূদ হিব্রোণত্তুন্‌ যিহূদা-গুট্টিগুনো উগুরে সাড়ে সাত বজর রাজাগিরি গোজ্যে।

২ শমূয়েল 5:19

দায়ূদে সেক্কে লগেপ্রভুরে পুযোর্‌ গুরিলো, “মুই কি পলেষ্টীয়গুনোরে আক্রমণ গুরিম? তুই কি তারারে মঅ আঢত্‌ তুলি দিবে?” লগেপ্রভু কলঅ, “অয়, যাহ্। মুই হামাক্কায় তঅ্‌ আঢত্‌ পলেষ্টীয়গুনোরে তুলি দিম্।”

২ শমূয়েল 5:23

সেক্কে দায়ূদে লগেপ্রভুরে পুযোর্‌ গরানার্ পরেন্দি তে কলঅ, “তারান্দি টেক্‌কট্টা গুরি ন-যেয়ো; তারার্‌ পিজেন্দিগান্ ঘিরি ফেলেইনে বেঙা গাজ্‌চুনোর্‌ মুজুঙেন্দি তারারে আক্রমণ গরঅ।

১ রাজাবলী 2:11

তে ইস্রায়েল উগুরে চোল্লিশ বজর্ রাজাগিরি গোজ্যে-সাত বজর্ হিব্রোণত্‌ আর তেত্রিশ বজর যিরূশালেমত্।

১ বংশধর 29:7

গোজেন ঘর কামত্তে তারা একশ পাচানব্বই টন সোনা, দশ আজার্ সোনার অদর্কোন, তিনশ নব্বই টন রূবো, সাতশ দ্বিটন পিদোল্‌ আর তিন আজার্ নয়শ টন লুয়ো দিলো।

২ বংশধর 11:10

সরা, অয়ালোন আর হিব্রোণ নাঙে যিহূদা আর বিন্যামীন চাগালার্‌ কয়েক্কান্‌ আদাম আর শঅর্‌ দেবাল্লোই ঘিরিনে দরমর গুরিলো।

গীতসংহিতা 143:8

বেন্যেমাদান্ তুই মরে কোচ্‌পানার কধা শুনেচ্, কিত্তে মুই তঅ উগুরে বিশ্বেজ্ গুরি আগং; কন্ পধেদি যাহ্ পুরিবো সিয়েন মরে দেগা; কিত্তে মঅ মনান্ মুই তইন্দি দুয়োঙর্।

গীতসংহিতা 27:4

লগেপ্রভুর ইদু মুই এক্কান কোজোলী গরঙর্; মুই যিয়েন্ চাঙর্ সিয়েন্ অলদে- মুই সারা জিংকানিগান যেনে লগেপ্রভুর ঘরত্ বজত্তি গুরি পারং, যেনে মুই তার্ দোলান্ চেই পারং আর সেই থেবার ঘরানত্ তা বেপারান্দোই ধ্যান গুরি পারং;

যিহিষ্কেল 36:37

সে পরেদি প্রভু লগেপ্রভু মরে কোইয়্যেদে, “মুই আর একবার ইস্রায়েল জাদরে মইধু কোজোলী গুরিবাত্তে কোম্ আর তারার্ কোজোলী মজিম্ মুই ভেড়া পাল ধোক্ক্যেন তারার মানুচ্চুনোরে গুণি ন-পুড়েইয়্যে গুরিম।

গণাণা 13:22

তারা নেগেভর ভিদিরেন্দি যেইনে হিব্রোণ শঅর ইদু আঝিল্ অলাক। হিব্রোণ শঅরান্‌ তুলো ওইয়্যেদে মিসরর্‌ সোয়ন শঅরান্‌ তুলিবার্‌ সাত বজর আগে। সিয়েনত্‌ অনাকর্‌ বংশর্‌ অহীমান, শেশয় আর তল্‌ময় নাঙে তিন্নো মানুচ্‌ এলাক।

গণাণা 27:21

তাত্তুন্‌ ধর্মগুরু ইলিয়াসর ইদু যাহ্ পুরিবো, আর ইলিয়াসরে তার্‌ ওইনে ঊরীমোর সাহায্যলোই লগেপ্রভুর উগুমান জানি লবঅ। ইলিয়াসরর উগুমে তাত্তুন্‌ আর ইস্রায়েলীয়গুনোর্‌ অন্য বেক্কুনোত্তুন চলা পুরিবো।”

যিহোশূয় 15:13

যিহোশূয় লগেপ্রভুর উগুম্‌ মজিম্‌ যিফুন্নির পূঅ‌ কালেবরে যিহূদা-গুট্টির জাগান ভিদিরে কিরিয়ৎ-অর্ব, অত্তাৎ হিব্রোণ শঅ‌রান দিয়্যে। অর্ব এলদে অনাকীয়গুনোর পুরোণি মানুচ্‌।

বিচের গুরিয়্যেগুন 1:1

যিহোশূয়র মরাণার পরেন্দি ইস্রায়েলীয়গুনে লগেপ্রভুরে পূযোর্‌ গুরিলাক্‌, “আমা পক্ষেন্দি কনানীয়গুনো সমার যুদ্ধো গুরিবাত্তে পত্তমে কন্না যেবঅ‌।”

১ শমূয়েল 10:22

সেক্কে মানুচ্চুনে লগেপ্রভুরে পুযোর্ গুরিলাক, “আর কনজনে কি ইয়েনত্‌ আগন্‌?” লগেপ্রভু কলঅ, “চঅ, তে পযাপিরানি ভিদিরে লুগিই আঘে।”

১ শমূয়েল 23:2

দায়ূদে যেক্কে লগেপ্রভুরে পুযোর্‌ গুরিলো, “মুই কি যেইনে সেই পলেষ্টীয়গুনোরে আক্রমণ গুরিম?” জোবত্‌ লগেপ্রভু তারে কলঅ, অয়, যাহ্। পলেষ্টীয়গুনোরে আক্রমণ গুরিণে কিয়ীলাগান্ রোক্ষ্যে গর্‌।

১ শমূয়েল 23:4

সেক্কে দায়ূদে আরঅ লগেপ্রভুররে পুযোর্‌ গুরিলো আহ্‌ লগেপ্রভু জোবত্‌ তারে কলঅ, “তুই কিয়ীলাদত্‌ যাহ্, মুই তর্‌ আঢত্‌ পলেষ্টীয়গুনোরে তুলি দিম।”