২ শমূয়েল 19:6 - Chakma Bible

⁶ যিগুনে তরে ঘিনেন্‌ তারারে তুই কোচ্‌পেইয়োচ্‌, আর যিগুনে তরে কোচ্‌পেইয়োন তারারে তুই ঘিনেয়োচ্‌। এচ্চ্যে তুই গমেডালে বুঝে দিলেদে, সেনাপতিগুনে আর তারার্ মানুচ্চুনে তইদু কিচ্ছু নয়। মুই দেগঙর্‌, আমি বেক্কুনে মুরি যেইনে যুনি অবশালোমে বাঁজি থেদঅ সালে তুই হুজি অদে।

২ শমূয়েল 19:6 Iomraidhean Croise

২ শমূয়েল 19:5

সেক্কে যোয়াবে ঘর ভিদিরে যেইনে রাজারে কলঅ, “যিগুনে তঅ জিংকানিগান, তঅ ঝি-পূঅগুনোর জিংকানিগান আর তঅ মোক্কো আর দ্বিতীয় ঘর মোক্কুনোরে রোক্ষ্যে গোজ্যন্‌ তুই এচ্চ্যে তর্‌ সে মানুচ্চুনোরে অগমান গুরিলে।

২ শমূয়েল 19:7

ইক্কিনে তুই বারেন্দি যেইনে তঅ মানুচ্চুনোরে উচ্চোমি তুলি দে। মুই লগেপ্রভুরে সাক্ষী রাগেইনে কঙর্‌, তুই যুনি সৈন্যগুনো ইদু ন-যাচ্‌ সালে এচ্চ্যে রেদোত্‌ এক্কো মানুচ্‌অ তঅ সমারে ন-থেবাক্। তর্‌ চিগোনত্তুন্‌ ধুরি এচ্চ্যে সং তঅ উগুরে যেদক্কানি অমংগল ঘোট্যে সিয়েনিত্তুন্‌ ইয়েনই অবঅ দাঙর্‌ ফারাদযা।”

ইয়োব 34:18

তে দঅ রাজাগুনোরে কয়, তুমি অপদাত্ত, আর আজল মানুচ্চুনোরে কয়, তুমি পাজি।

প্রেরিত্‌ 23:5

সেক্কে পৌলে কলঅ, “ভেইলগ্, মুই হবর্ ন-পেদুং, ইবে দাঙর্ ধর্মগুরু। যুনি হবর্ পেদুং সে কধাগান্ ন-কদুং, কিয়া পবিত্র বোইবোত্ লেগা আঘে, ‘তর্ জাদর্ নেতাবোরে অসর্মান ন-গোজ্জ্য।’ ”