২ শমূয়েল 19:43 - Chakma Bible

⁴³ জোবত্‌ ইস্রায়েলর মানুচ্চুনে যিহূদার মানুচ্চুনোরে কলাক্, “আমি দশ গুট্টি বিলি রাজা দায়ূদো উগুরে তমাত্তুন বেশ্‌ আমার অধিকার অাঘে। সেনত্তেই তুমি কিত্তে আমারে এধোক্ক্যেনগুরি ঈচ্ গরর্‌? আমা রাজারে ফিরেই আনিবার কধা কি আমি পোইল্যে ন-কোই?” মাত্তর্‌ ইস্রায়েলর মানুচ্চুনোত্তুন্‌ বেশ্‌ যিহূদার মানুচ্চুনোর কধানি কোচ্‌‌কোচ্যে বিলিনে মনে অলঅ।

২ শমূয়েল 19:43 Iomraidhean Croise

২ শমূয়েল 19:14

এধোক্ক্যেনগুরি দায়ূদে যিহূদার বেক্‌ মানুচ্চুনোর মনানি বানা এক্কো মান্‌জ্যর মন ধোক্ক্যেন্ জিদি নিলো। তারা রাজারে এ কধাগান কোই পাদেলাক্, “তুই আর তর্‌ বেক্‌ মানুচ্চুনে ফিরি এলাক্।”

২ শমূয়েল 19:9

ইস্রায়েলর পুরো গুট্টিগুনো ভিদিরে মানুচ্চুনে তর্কাতর্কি গুরিনে কুয়ো ধুরিলাক্, “রাজা শত্রুগুনোর আঢত্তুন্‌ আমারে রোক্ষ্যে গোজ্যে; পলেষ্টীয়গুনো আঢত্তুন্‌ তেয়ই আমারে উদ্ধোর্ গোজ্যে। মাত্তর্‌ ইক্কিনে তে অবশালোমত্তেই দেজত্তুন্‌ ধেই গেলঅ।

২ শমূয়েল 20:1

বিন্যামীন-গুট্টির বিখ্রির পূঅ শেবঃ নাঙে এক্কো পাজি মানুচ্‌ সেক্কে সিদু এলঅ। তে শিংগা বাজেইনে কলঅ, “দায়ূদো উগুরে আমার কনঅ দাবি নেই, যিশয়র পূঅবো উগুরে কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ।”

২ শমূয়েল 20:6

সেক্কে দায়ূদে অবীশয়রে কলঅ, “অবশালোমে আমারে যেত্তমান খোতি গোজ্যে তাত্তুনো বেশ্‌ ইক্কিনে ক্ষেতি গুরিবো এ বিখ্রির পূঅ শেবঃ। ইক্কিনে তুই মঅ মানুচ্চুনোরে নেযেইনে তা পিজেন্দি লোড়েই নেযা। ঢগেনলে তে কনঅ দেবাল্লোই ঘিজ্যে শঅর্‌ তোগেইনে আমা কায়-কুরেত্তুন্‌ ধেই যেবঅ।”

২ শমূয়েল 5:1

ইস্রায়েলর বেক্‌ গুট্টিগুনে হিব্রোণত্‌ দায়ূদো ইদু এইনে কলাক্, “তর্‌ আর আমা কিয়্যেত্ একই লো অাঘে ।

১ রাজাবলী 12:16

ইস্রায়েলীয়গুনে যেক্কে বুঝিলাক্‌, রাজা তারার্‌ কধানি ন-শুনিবো সেক্কে তারা রাজারে কলাক্‌, “দায়ূদো উগুরে আমার কনঅ দাবি নেই। যিশয়র পূঅবো উগুরে আমার কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ। ও দায়ূদ, ইক্কিনে তর্‌ নিজোর্‌ গুট্টি তুই নিজেই চাহ্‌।” সেনত্তেই ইস্রায়েলীয়গুনে যে যার্‌ ঘরত্‌ ফিরি গেলাক্‌।

গম্ উপদেজ্ 13:10

বাড়্‌বো গরানাগানে বানা কোল্-কোজ্যে বাজেই দে, মাত্তর্ যিগুনে উবদেজ্ শুনোন্ তারা ইদু জ্ঞান পাহ্ যায়।

গম্ উপদেজ্ 15:1

গমেডালে জোব্ দিলে রাগ্ কুমি যায়, মাত্তর্ কড়া কধানিয়ে রাগ্ বাড়েই দে।

গম্ উপদেজ্ 17:14

কোল্-কোজ্যে বাজানা গদা ভাঙি যেইয়্যে পানি ধোক্ক্যেন্, সেনত্তে তর্কাতর্কি গুরিবার আগেদি সিয়েন বাদ দুয়ো।

গম্ উপদেজ্ 18:19

ভেইলোই অগমান্ ওইয়্যে ভেই দরমর শঅরত্তুন্ বেশ্ দর; আর কোল্-কোজ্যে রাজঘর গেদোর দরমর লাগাড়াবো ধোক্ক্যেন্।

রোমীয় 12:21

ভান্ন্যেয় ইধু উদিই ন-যেচ্, বরং গমান্দোই ভান্ন্যেয়ানরে জিদি লবে।

গালাতীয় 5:15

মাত্তর্ যুনি তুমি একজন আরেকজন সমারে কোল্-কোজ্জ্যে গরঅ সালে উজিয়ার্! এবাবোত্যে গুরিলে তুমি দঅ একজন আরেকজনরে ভস্ত গুরি ফেলেবা।

গালাতীয় 5:20

মূত্তি-পূজো, যাদুবিদ্যে, শত্রুতা, কোল্-কোজ্জ্যে, লুভ্, রাগ, স্বাত্তবাদি, অমিল, দলাদুলি,

গালাতীয় 5:26

আমি যেন মিজে মিজে দেমাগ্ ন-গুরিই আর একজন আরেক জনরে কাঙেলেত্যে আর ইংসে ন-গুরিই।

ফিলিপীয় 2:3

নিজোর্ লাভর্ আজায় বা দেমাগর্ বশত কিচ্চু ন-গোজ্জ্য, বরং নম্র গুরিনে অন্যরে নিজোত্তুন্ সর্মানর্ জাগা দুয়ো।

যাকোব 1:20

কিয়া গোজেনে আমাত্তুন্ যে গম্ জিংকানি আজা গরে সিয়েন রাগর্ পৌইদ্যেনে ন-এজে।

বিচের গুরিয়্যেগুন 8:1

ইফ্রয়িমর মানুচ্চুনে গিদিয়োনরে পুযোর্‌ গুরিলাক, তুই আমা লগে এধোক্কেন্‌ কারবার্‌ কিত্যে গুরিলে। মিদিয়নীয়গুনোর বিরুদ্ধে যুদ্ধো গুরিবাত্তে যেবার সময়োত্‌ তুই কিত্যে আমারে ন-ডাগচ্‌। এধোক্কেন্‌ গুরিনে তারা গিদিয়োনরে অমহদ দরমড় কধা কলাক্‌।

বিচের গুরিয়্যেগুন 9:23

সে পরেন্দি গোজেন অবীমেলকরে আর শিখিমোর মানুচ্চুনো ভিদিরে এক্কান ভাজ্‌ন্যেই আত্মা পাধেই দিলো। সেক্কে শিখিমোর মানুচ্চুনে অবীমেলকর লগে ফাগারা গুরিলাক্‌।