২ শমূয়েল 19:31 - Chakma Bible

³¹ রাজা যিরূশালেমত্‌ ফিরি এবার্‌ আগেন্দি গিলিয়দীয় বর্সিল্লয় রোগলীমত্তুন্‌ এইনে রাজারে বিদেয় দিবাত্তে তা লগে যর্দনর্‌ পারত্‌ এচ্যে।

২ শমূয়েল 19:31 Iomraidhean Croise

২ শমূয়েল 19:30

মফীবোশতে রাজারে কলঅ, “তেয়ই বেক্কানি নেযোক্‌। মঅ গিরোজ্‌ মহারাজে গমেডালে ঘরত্‌ ফিরি এচ্যে সিয়েনই মুই হুজি।”

১ রাজাবলী 2:7

মাত্তর্‌ গিলিয়দর বর্সিল্লয়র পূঅগুনো উগুরে বিশ্বেজ্ গোজ্য। তর্‌ টেবিলোত্‌ যিগুনে তর্‌ লগে হানা-দানা গরন্‌ তারা ভিদিরে তুই তারারেয়ো জাগা দিস্‌। তর্‌ ভেই অবশালোমর্ ইত্তুন্‌ ধেই যেবার অক্তত্‌ তারা মর্‌ কায় এইনে থিয়্যেইয়োন।

ইষ্রা 2:61

ধর্মগুরুগুনো ভিদিরেত্তুন্ হবায়, হক্কোস আর বর্র্সিল্লয়র বংশধরুনে বংশ-নাঙানি ভিদিরে তারার্ বংশগুনোরে তোগেয়্যে মাত্তর্ ন পায় বিলিনে অসিজি ইজেবে ধর্মগুরুগুনো ভিদিরেত্তুন্ তারারে বাদ দিয়্যে ওইয়্যে। বর্সিল্লয়রে সেই নাঙে ডাগা অদঅ, কিত্যে সে গিলিয়দীয় বর্সিল্লয়র এক্কো মিলেরে মোক্ লোইয়্যে।

নহিমিয় 7:63

ধর্মগুরুগুনো ভিদিরেত্তুন্‌ হবায়, হক্কোস আর বর্সিল্লয়র বংশধরুনে বংশ-নাঙানির্‌ ভিদিরে তারার্‌ বংশগুনোরে তোগেয়োন্‌ মাত্তর্‌ ন-পান্‌ বিলিনে অসিজি ইজেবে ধর্মগুরুগুনোর ভিদিরেত্তুন্‌ তারারে বাদ দিয়্যে ওইয়্যে। বর্সিল্লয়রে সে নাঙে ডাগা অদঅ, কিয়া তে গিলিয়দীয় বর্সিল্লয়র এক্কো ঝিরে লোইয়্যে।