Biblia Todo Logo
Bìoball air-loidhne

- Sanasan -




২ শমূয়েল 17:23 - Chakma Bible

23 অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

Faic an caibideil Dèan lethbhreac




২ শমূয়েল 17:23
15 Iomraidhean Croise  

উৎসর্ব গুরিবার্‌ অক্তত্‌ অবশালোমে দায়ূদোর গীলোনীয় মন্ত্রী অহীথোফলরে তা আদাম গীলোত্তুন্‌ ডাগিনে আনিলো। কুজুরোমিগান বেশ্ দাঙর্‌ ওই উদিলো, কিত্যে অবশালোম পক্ষেন্দি মানুচ্চুন্‌ বেজত্তুন বেশ্‌ বাড়া ধুরিলাক্।


সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”


সেক্কে দিনোত্‌ অহীথোফলর দিয়্যে সল্লাগানরে মনে গুরিদাক্ যেনে সিয়েনি গোজেনর ইত্তুন্‌ এচ্যে। অহীথোফলর সল্লাগানরে দায়ূদে আর অবশালোমে দ্বিজনে সিয়েনই মনে গুরিদাক্।


সেনত্তেই দায়ূদে আর তা সমারে বেক্‌ মানুচ্চুনে নিগিলিলাক্‌ আর যর্দন গাঙান্‌ পার ওই গেলাক্। বেন্যে পহর্‌ অবার আগেন্দি তারা বেক্কুনে যর্দন গাঙান্‌ পার্ ওই গেলাক্, একজনেয়ো বাগি ন-রলাক্।


শঅরান গজক্ গরা ওইয়্যে দেগিনে সিম্রি রাজঘরর্‌ তাম্বুলোত্‌ গেলঅ আর আগুন্‌ বাজেই দিইনে গোদা রাজঘরান্‌ পুড়ি দিলো। সে অক্তত্‌ তে নিজেয়ো পুড়ি গেলঅ।


সে অক্তত্‌ হিষ্কিয় অসুখ্‌ ওই পেরায় মরা ধোক্ক্যেন ওইয়্যে। সেক্কে আমোস পুয়ো ভাববাদী যিশাইয় তাইদু যেইনে কলঅ, “লগেপ্রভু কোইয়্যেদে, তুই যেনে তঅ ঘরর্‌ বেবস্থাগান্‌ গুরিনে রাগাচ্, কিত্তে তুই মুরি যেবে, গম্‌ নঅ-অবে।”


সিয়েন কি শদানুনোত্তে ভস্ত নয়? যিগুনে ভান্ন্যেই কাম্ গরন তারাত্তে দযা নয়?


মঅ বিপক্কগুনে, যিগুনে মঅ পৌইদ্যেনে বজং কধা কন্, তারা লগেপ্রভুত্তুন্ যেন এ ফল পান।


ও গোজেন, তুই তারারে দুষি বিলিনে ফগদাং গর্; তারার্ কুজুরোমিলোই তারার্ দযা ওক্। তারার্ গুণি ন-পুরেইয়্যে দুষোত্যে তুই তারারে ধাবেই দে, কিয়া তারা তঅ বিরুদ্ধে উল্লোমি গোজ্যন্।


মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।


বাড়্‌বোগানে ভস্ত গরে আর বাড়্‌‌বো মনানিয়ে পতন্ আনে।


মান্‌জ্যর নিজোর ভুলানে তারে ভান্ন্যেয়দি নেযায়, মাত্তর্ তো তা মনান্ লগেপ্রভু বিরুদ্ধে যায়।


সে অক্তত্ হিষ্কিয় অসুগ্ ওইনে মরেদে ধোক্ক্যেন্ ওইয়্যে। সেক্কে আমোসর পুয়ো ভাববাদী যিশাইয় তাইদু যেইনে কলঅ, “লগেপ্রভু কোইয়্যেদে, তুই যেন তঅ ঘরানর্ বেবস্থা গুরি রাগাজ্, কিত্তে তুই মুরি যেবে, গম্ ন-অবে।”


সেক্কে যিহূদা সেই রূবোর্ টেঙাগুন্ নিইনে উবোসনা-ঘর ভিদিরে মেলা মারিনে গেলগোই আর ফাঁস হেইনেই মুরিলো।


Lean sinn:

Sanasan


Sanasan