২ শমূয়েল 17:2 - Chakma Bible

² যেক্কে তে বল্‌পোজ্যে আর অাঢি নবাজ্যে থেবঅ সেক্কে মুই তারে আক্রমণ গুরিম। মুই তারে এন্‌ দর্‌বুক্‌ লাগেই দিম্, তা লগে মানুচ্চুনে ধেই যেবাক্। সেক্কে মুই বানা রাজারে মারে ফেলেম,

২ শমূয়েল 17:2 Iomraidhean Croise

২ শমূয়েল 16:14

রাজা আর তা সমারে মানুচ্চুনে যিয়েনত্‌ যাদন্‌ তারা বল্‌পোজ্যে অবস্থায় সিয়েনত্‌ যেইনে লুমিলাক্। সে পরেন্দি সে জাগানত্‌ দায়ূদে জিরেল।

২ শমূয়েল 17:1

অহীথোফল অবশালোমরে আরঅ কলঅ, “মরে এচ্যে রেদোত্‌ বার আজার মানুচ্‌ নেযেইনে দায়ূদো পিজেন্দি লোড়েবাত্তে ইরি দে।

১ রাজাবলী 22:31

অরামর রাজা তা রথ্‌তানিত্ বত্রিশজন সেনাপতিরে এ উগুমান্‌ দি রাগেয়্যে, “বানা ইস্রায়েলর রাজা বাদে তুমি চিগোন্‌ কি দাঙর্‌ আর কারঅ লগে যুদ্ধো ন-গুরিবা।”

নহিমিয় 4:5

তারার্‌ অন্যেয়ানি তুই মাব্‌ ন-গুরিচ্‌ বা তঅ চোগোর্‌ মুজুঙোত্তুন্‌ তারার্‌ পাপ্পানি তুই ফুজি ন-ফেলেচ্‌, কিত্যে যিগুনে দেবালান্‌ গাদাদন্‌ তারার্‌ মুজুঙোত্‌ তারা তরে অগমান্‌ গোজ্যন্‌।”

সখরিয় 13:7

বেগত্তুন্ খেমতাবলা লগেপ্রভু কত্তে, “ও লাম্বা ছুরিগান্, তুই মঅ গরগ্‌‌‌‌‌কোর্ বিরুদ্ধে, মঅ সমারে মানুচ্চুনোর্ বিরুদ্ধে, জাগি উদ্। গরগ্‌‌‌‌‌‌কোরে আঘাত্ গর্, সেক্কে ভেড়াগুন ছিদি পড়িবাক্; মুই ভেড়া ছঅগুনো বিরুদ্ধেয়ো মঅ আঢ্‌‌‌‌‌‌তানি তুলিম।

মথি লেখ্যে গম্ হবর্ 21:38

মাত্তর্ সেই চাষাবলাগুনে পুয়োবোরে দেগিনে নিজো ভিদিরে কুয়ো-কি গুরিলাক্, ‘ইবেই দঅ সোম্বোত্তির্ গিরোজ পুয়োবো। যেই, আমি তারে মারে ফেলেই, সেক্কে আমি সোম্বোত্তির্ গিরোজ্ অবং।’

মথি লেখ্যে গম্ হবর্ 26:31

পরেদি যীশু তা শিচ্চ্যগুনোরে কলঅ, “এচ্চ্যে রেদোত্ মরে নিইনে তমা বেক্কুনো মনত্ মানা এবঅ। পবিত্র বোইবোত্ লেগা আঘে, ‘মুই গরগ্‌কোরে মারে ফেলেম্, সেক্কে পাল ভেড়াগুন্ ছিদি পড়িবাক্।’

যোহন 11:50

তে তারারে কলঅ, “তুমি কিচ্চু কোই ন-পারঅ, আর ভাবিয়ো ন-চঅ যে, গদা জাত্তো বর্‌বাদ্ অনাত্তুন্ বরং বেক্‌ মানুচ্চুনোর্ বদলে এক্কো মান্‌জ্যর্ মরাণা বোউত্ গম্।”

দ্বি’লম্বর বিররণ 25:18

তমার বল্‌পোজ্যে অবস্থায় যিগুনে পিজেন্দি পোজ্যন্‌ তারা সিগুনো উগুরে আক্রমণ চালেয়োন। তারা গোজেনরে ন-দরান্‌।