২ শমূয়েল 17:11 - Chakma Bible

¹¹ “সেনত্তেই মুই তরে এ বুদ্ধিগান দুয়োঙর্‌: দানত্তুন্‌ বের্‌-শেবা সং সাগর পারর গুণি ন-পুরেইয়্যে ধূল্যেকণা ধোক্ক্যেন্‌ বেক্‌ ইস্রায়েলীয়গুন তইদু এগত্তর্‌ ওদোক্‌ আর তারারে লোইনে তুই নিজেই যুদ্ধোত্‌ যাহ্।

২ শমূয়েল 17:11 Iomraidhean Croise

পত্থম 13:16

মুই তঅ বংশর মানুচ্চুনোরে পিত্‌থিমীর ধূল্যেচর-ধোক্ক্যেন গুণি ন-পুরেইয়্যে গুরিম। পিত্‌থিমীর ধূল্যেচরুন যুদি কনজনে গুণিনে শেজ্ গুরি পারন্‌ সালে তঅ বংশবোর মানুচ্চুনোরেয়ো গুণো যেবঅ।

পত্থম 21:14

সেক্কে অব্রাহামে বেন্যেপোত্যে উদিনে কিজু হানা আর পানি ভোজ্যে এক্কো চাম থৈল্যে হাগার করত্ তুলি দিলো। সে পরেদি পুয়োবোরে তা আদত্‌ দিইনে তারে বিদেয়্‌ গুরি দিলো। সিয়েনত্তুন্‌ নিগিলেনে হাগারে বের্‌-শেবার ধূল্যেচর ভূইয়ো-চাগালাত্‌ ঘুরি ঘুরি থেলঅ।

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

২ শমূয়েল 12:28

তুই বাদ্‌বাগি সৈন্যগুনোরে এগত্তর্‌ গুরিনে শঅরান্‌ আক্রমণ গুরিনে গজক্ গর্‌। সিয়েন ন-অলে মত্তুনোই শঅরান্‌ গজক্ গরা পুরিবো আর সেক্কে মঅ নাঙে শঅরানর্‌ নাঙান্‌ অবঅ।”

২ শমূয়েল 24:2

সেক্কে রাজা তা সমারে সেনাপতি যোয়াবরে কলদে, “তুমি দানত্তুন্‌ বের্‌-শেবা সং ইস্রায়েলর গুট্টিগুনো ভিদিরে যেইনে মানুচ্চুনোরে গুণি এজঅ যেনে মুই তারার্‌ বেক্কুনোরে চিনি পারং।”

১ রাজাবলী 20:10

বিন্‌হদদে সেক্কে আহাব ইদু এ হবরান্‌ পাদেল, “মর্‌ বেক্‌ মানুচ্চুনোরে এক মুঠ্‌ গুরিনে দিবার্‌ ধোক্ক্যেন্ ধূল্যেয়ো যুনি শমরিয়াত্‌ থায় সালে দেবেদাগুনে যেনে মরে সাজা দুয়োন্‌ আর সিয়েন্‌ অমকদ গুরিনে দুয়োন্‌।”

১ রাজাবলী 4:20

যিহূদা আর ইস্রায়েলর মানচ্চুন অলাক্কে সাগর পার ধূল্যেচর ধোক্কেন্‌ গুণি ন-পুড়েইয়্যে।

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।

যিহোশূয় 11:4

এই বেক্‌ রাজাগুনে তারার সৈন্যদলুন নিইনে নিগিলি এলাক্‌। সেক্কে সাগর পারত্‌ ধূল্যেকণা ধোক্ক্যেন্‌ বোউত্‌ সৈন্যদলর্ এক্কো দাঙর দল্‌ অলঅ‌। তারা সমারে এলাক্‌ বোউত্‌ ঘোড়া আর রথ।

বিচের গুরিয়্যেগুন 20:1

ইয়েনর্ পরেন্দি গিলিয়দর ইস্রায়েলীয়গুনে আর দানত্তুন বের্‌-শেবা সং পুরো চাগালায়ানর ইস্রায়েলীয়গুনে বেক্কুনে নিগিলি এলাক্‌ আর মিস্পাত্‌ লগেপ্রভুর ইদু এগত্তর অলাক্‌।

১ শমূয়েল 13:5

পলেষ্টীয়গুনে সেক্কে ইস্রায়েলীয়গুনোর লগে যুদ্ধো গুরিবাত্তে একলগে এগত্তর্‌ অলাক। তারা সমারে ত্রিশ আজার রথ এলঅ, ছয় আজার ঘোড়া উগুরে সৈন্য সাগর-পারর্ ধূল্যে-চড় ধোক্ক্যেন গুণি ন-পুড়েয়্যে বোউত্ সৈন্য। তারা বেক্কুনে বৈৎ-আবনর পূগেন্দি মিক্‌মসত্‌ তাম্বুলানি ফেলেলাক্।

১ শমূয়েল 3:20

সেক্কে দান চাগালাত্তুন বের্‌-শেবা সং বেক্‌ ইস্রায়েলীয়গুনে জানি পারিলাক্, শমূয়েলে লগেপ্রভুর ভাববাদী ইজেবে ফগদাং ওইয়্যে।