২ শমূয়েল 16:7 - Chakma Bible

⁷ শিমিয়ি গেইল্ দি দি কলদে, “দূর্ অ, দূর্ অ, খুনি, বদমাইশ শদান!

২ শমূয়েল 16:7 Iomraidhean Croise

২ শমূয়েল 12:9

মাত্তর্‌ লগেপ্রভুর চোগোত্‌ যিয়েনি বজং সিয়েনি গুরিনে কিত্তে তুই তা কধানি ঈচ্ গুরিলে? তুই হিত্তীয় ঊরিয়রে মারে ফেলেয়োচ্‌ আর তা মোক্কোরে নিজোর্‌ মোক্‌ বানেয়োচ, আর অম্মোনীয়গুনোরে দিইনে তুই ঊরিয়রে মারে ফেলেয়োচ্‌।

২ শমূয়েল 16:6

যুনিয়ো দায়ূদোর ডেনে-বাঙে বেক্‌ সৈন্যদলুন আর রোক্ষীদলুন্‌ এলাক্ তো তে দায়ূদ আহ্ তার বেক্‌ কামগুরিয়্যেগুনোরে পাত্তর্ মারা ধুরিলাক্।

২ শমূয়েল 19:21

সেক্কে সরূয়ার পূঅ অবীশয় কলদে, “লগেপ্রভুর অভিষেগ্ গোজ্যে মানুচ্চোরে শিমিয়ি গেইল্ দিয়্যে বিলিনে কি তারে মারে ফেলানা উজিত্ নয়?”

২ শমূয়েল 20:1

বিন্যামীন-গুট্টির বিখ্রির পূঅ শেবঃ নাঙে এক্কো পাজি মানুচ্‌ সেক্কে সিদু এলঅ। তে শিংগা বাজেইনে কলঅ, “দায়ূদো উগুরে আমার কনঅ দাবি নেই, যিশয়র পূঅবো উগুরে কনঅ অধিকার নেই। ও ইস্রায়েল, তুমি যে যার্‌ ঘরত্‌ ফিরি যঅ।”

২ শমূয়েল 3:37

সেদিন্যে দায়ূদো লগে মানুচ্চুনে আর ইস্রায়েলীয়গুনে বেক্কুনে হবর্ পেলাক, নেরের পূঅ অব্‌নেররে মারে ফেলানার পৌইদ্যেনে রাজার কনঅ আত্‌ ন-এলঅ।

১ রাজাবলী 21:10

তা মুজুঙোত্‌ দ্বিয়েন্‌ আসনত্‌ দ্বিজন বজং মান্‌জ্যরে বজঅ। তারা ইয়েন্‌ কোইনে তা বিরুদ্ধে সাক্ষি দেদোক্‌, তে গোজেন আর রাজার বিরুদ্ধে অগমানর্‌ কধা কোইয়্যে। সে পরেন্দি তারে সিয়োত্তুন্‌ নিগিলেনে পাত্তর্‌ মেলাহ্ মারিনে মারে ফেলঅ।”

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

গীতসংহিতা 3:2

ভালোকজনে মঅ পৌইদ্যেনে কদন্, “গোজেনে তারে উদ্ধোর্ ন-গুরিবো।”

গীতসংহিতা 5:6

যিগুনে মিজে কধা কন্ তারারে তুই ভস্ত গরচ্; যিগুনোর মনত্ খুনোর্ আর ছলনা গুরিবার মনভাব আঘে লগেপ্রভু তারান্দিত্তুন্ মুয়োন্ ফিরেই নেযায়।

গীতসংহিতা 51:14

ও গোজেন, মর্ উদ্ধোর গুরিয়্যে গোজেন, খুনোর দায়ত্তুন্ তুই মরে বাঁচা; সেক্কে মর্ মুয়ত্তুন্ তর্ ন্যায়র্ গানুন্ নিগিলি এবাক্।

গীতসংহিতা 55:4

ইয়েন্দোই মঅ মনান্ সে একবাবোত্যে ওই্য়্যে; মরণর দর্ বুক মুই পেয়োং।

দ্বি’লম্বর বিররণ 13:13

সিদুগোর্ ইস্রায়েলীয়গুনো ভিদিরে কিজু পাজি মানুচ্‌ দেগা দুয়োন যিগুনে সিদুগোর্ মানুচ্চুনোরে ইয়েন কোইনে ভান্ন্যেই পধেদি টানি নেযেয়োন, আদঅ, আমি দেব-দেবেদাগুনোরে পূজো গুরিই, যে দেব-দেবেদাগুনে তমা ইদু নূয়ো।

১ শমূয়েল 2:12

এলির পূঅগুনে এলাক অমহদ পাজি। লগেপ্রভু উগুরে তারার কনঅ মনযোগ ন-এলঅ।

১ শমূয়েল 25:17

ইক্কিনে তুই কি গুরিবে সিয়েন ভাবি চাহ্, কিত্যে আমা গিরোজ্‌ আর তার বেক্‌ মানুচ্চুনোরে অমকদ ক্ষেতি গুরিবার সল্লা গরা অর্‌। মাত্তর্‌ আমা গিরোজ্‌সো এমন্‌ এক্কো রমচক্র মানুচ্‌, তে কারঅ কধা ন-শুনে।”