২ শমূয়েল 16:22 - Chakma Bible

²² মানুচ্চুনে সেক্কে ছাল উগুরে অবশালোমত্তে এক্কান তাম্বুল টাঙেই দিলাক্ আর বেক্‌ ইস্রায়েলীয়গুনোর চোগো মুজুঙোত্‌ তা বাব দ্বিতীয় ঘর মোক্কুনো লগে কিয়্যেন্দি মিজেবাত্তে সিয়েনত্‌ সোমেল।

২ শমূয়েল 16:22 Iomraidhean Croise

পত্থম 35:22

ইস্রায়েলে যেক্কে সে চাগালাত্ বজত্তি গরের্ সেক্কে রূবেণে তা বাপ আর এক্কো মোক্‌ বিল্‌হার সমারে ভান্ন্যেই কাম্‌ গুরিলো। কধাগান্‌ ইস্রায়েল কানত্‌ গেলঅ। যাকোবর বারজন পুয়ো এলাক।

২ শমূয়েল 11:2

সেক্কে একদিন্যে বেল্যেমাদান্ দায়ূদে তা বিচ্ছোনত্তুন্‌ উদিনে রাজঘরর্‌ ছালত্‌ বেড়ার্‌। এন্‌ সময়োত্‌ তে ছালঅ উগুরেত্তুন্‌ এক্কো মিলেরে গাদদে দেগিলো। মিলেবো চাদে অমকদ দোল্‌।

২ শমূয়েল 15:16

সেক্কে রাজা আঢা মারিলো আর তা ঘরর্‌ বেক্কুনে তা পুনে পুনে গেলাক্‌। রাজঘরান্‌ দেগাশুনো গুরিবাত্তে তে দশজন দ্বিতীয় ঘর মোগোরে থোই গেলঅ।

২ শমূয়েল 20:3

দায়ূদে যিরূশালেমত্‌ তার নিজো ঘরত্‌ ফিরি এজানার পরেন্দি যে দশজন দ্বিতীয় ঘর মোগোরে তে রাজঘরান চেবাত্তে ফেলে যেইয়্যে তারারে তে এক্কান ঘরত্‌ রাগেল আর ঘরান চুগি দিবার্‌ বেবস্থা গুরিলো। তে তারারে হানা-দানা, উরোন-পিরোন্ দিলো মাত্তর্‌ আর্ তারা সমারে ন-থেলঅ। সিদু তারা রানিমিলে ইজেবে মরণ সং আক্‌‌সোয়ে অবস্থায় রলাক্‌।

যিশাইয় 3:9

তারা মুয়ো চেঙারাগানিয়ে তারা বিরুদ্ধে স্বাক্ষি দে; তারা সদোম ধোক্ক্যেন্ তারার্ পাপ কামানি ফগদাং গরন, ন-ঢাগন্। হায়, সেই মানুচ্চুন! তারা নিজো উগুরে ভস্ত অনাগান্ ডাগি আন্যন্।

যিরমিয় 3:3

ইয়েনত্তে ঝরানরে থামা ওইয়্যে আর বসন্তকালত্ ঝর্‌অ ন-পড়ে। তো তঅ চোগেদি আঘেদে বেশ্যের বেগেয়্যে রিনি চানা; তর্ কনঅ লাজ্ নেই।

যিরমিয় 8:12

তারা কি তারার সেই জঘন্য কামানিত্তে লাজান্? না, তারার কনঅ লাজ্ নেই; তারা লাজে রাঙা অবাত্তে ন-জানন্। সেনত্তে তারা সিগুনো ভিদিরে পড়িবাক্ যিগুনে সাজা পেবাক্। মুই যেক্কে তারারে সাজা দিম সেক্কে তারারে মাঢা লোঙেই দিয়্যে অবঅ। মুই লগেপ্রভু এ কধাগান কঙর্। ”

যিহিষ্কেল 24:7

সেই শঅর ভিদিরে লো ঝড়া ওইয়্যে। সেই লোগান্ পাত্তর উগুরে ঢালা ওইয়্যে; সিয়েন মাদিত্ ঢালা ন-অয় যিয়েনত্ ধূল্যেলোই সিয়েন নাঢা যেদঅ।

গণাণা 25:6

সেক্কে মোশি আর ইস্রায়েলীয়গুনে বেক্কুনে যেক্কে মিলন-তাম্বুলো ইদু কানাকাদি গত্তন্‌ সেই সময়োত্‌ এক্কো ইস্রায়েলীয় তারার্‌ চোগো মুজুঙোন্দি এক্কো মিদিয়নীয় মিলেরে তা গোর‌্‌বোর্‌ মানুচ্চুনো ভিদিরে নেযেল।

ফিলিপীয় 3:19

তারার্ ভাগ্যত্ আঘেদে ভস্ত অনা; পেট্টো অলঅ তারার্ গোজেন; যিয়েন লাজেবার্ বেপার সিয়েন্দোই তারা দেমাগ্ গরন্; আর বানা জাগতিগ পৌইদ্যেনে তারার্ মনানি পড়ি আঘে।