২ শমূয়েল 16:1 - Chakma Bible

¹ দায়ূদে মুড়ো উগুরেত্তুন্‌ এক্কানা উজেই যেইনে মফীবোশতর্‌ চাগর্‌ সীবোর লগে দেগা অলঅ। তা লগে এলাক্ পিদোত্‌ বুদি বান্যে দ্বিবে গাধা। সে বুদিবো উগুরে এলদে দ্বিশত পিদে, একশত তাল কিশমিশ, একশত তাল ডোমোর গুলো আর চামঅ খৈল্যেলোই এক খৈল্যে আংগুর-রস।

২ শমূয়েল 16:1 Iomraidhean Croise

২ শমূয়েল 15:30

ইন্দি দায়ূদে কানদে কানদে জৈতুন মুড়োবো উগুরে উদো ধুরিলো। তে মাঢাবো ঢাগিনে জদা ছাড়া আঢের্‌। মানুচ্চুনেয়ো বেক্কুনে তা লগে মাধাগুন ঢাগিনে কানদে কানদে উগুরে উদো ধুরিলাক্।

২ শমূয়েল 15:32

মানুচ্চুনে মুড়ো উগুরে যে জাগায়ানত্ গোজেনরে পুজিদাক্ দায়ূদে সিদু আঝিল্ অলে পরেন্দি অর্কীয় হূশয় তা লগে দেগা গুরিবাত্তে এলঅ। তা পোজাক্কানি ফাদা আর মাধাবোত্‌ মাদি এলঅ।

২ শমূয়েল 19:17

তা লগে এলাক্‌ বিন্যামীন-গুট্টির এক আজার মানুচ্‌ আর শৌল গিরির্ চাগর সীবঃ আর তার পন্দরজন পূঅ আর কুড়িজন চাগর্। রাজা যর্দন গাঙান্‌ পার অবার্‌ আগেন্দি তারা যাদিমাদি গুরিনে যর্দন গাঙর্‌ ইদু যেইনে লুমিলাক্।

২ শমূয়েল 19:32

বর্সিল্লয় অমকদ বুড়ো ওইয়্যে; তা বয়সচান এলদে আশি বজর। রাজা যেক্কে মহনয়িমত্‌ এলঅ সেক্কে তেয়ই তাত্তে হানা-দানার বেবস্থা গোজ্যে, কিত্যে তে খুব থাগোয়্যে মানুচ্‌ এলঅ।

১ বংশধর 12:40

ইগুন্‌ বাদেয়ো ইষাখর, সবূলূন আর নপ্তালি চাগালাত্তুন্‌অ মানুচ্চুনে গাধা, উট, খচ্চর আর বলদ পিদিঠ্‌ গুরিনে তারাত্তে হানা আনিলাক্‌। ইস্রায়েল দেজর্‌ মানুচ্চুনোর্‌ মনত্‌ রঙ্গ-ফুত্তি এলঅ বিলিনে তারা বোউত্‌ মোয়দে, ডুমুর আর কিশ্‌মিশোর তাল, আংগুর-রস, তেল আর গোরু, ছাগল আর ভেড়া লোই আন্যন্‌।

গম্ উপদেজ্ 18:16

বক্‌শিজ্‌চানিয়ে মান্‌জ্যত্তে পথ বানেই দে আর দাঙর্ মানুচ্চুনো মুজুঙোত্ তারে হাজির্ গুরিনে।

যিরমিয় 40:10

মুই নিজে মিসপাত থেম্ আর যিদুক্কুন বাবিলীয় আমা ইধু এবাক্ তারা ইধু মুই তমা তপ্পে ওইনে কধা কোম্; মাত্তর্ তুমি আংগুর-রস, গরম কাল ফল আর তেল থুবেইনে তমা পিলেত্ জমা গুরিবা আর তুমি যেদক্কানি আদাম আর শঅর গজক্ গুরি নিবা সিয়েনিত্ বজত্তি গুরিবা।”

যিরমিয় 40:12

সেক্কে তারা যেদক্কানি দেজত্ ছিদি পোজ্যন সিয়েনত্তুন্ বেক্কুনে যিহূদা দেজর মিসপাত গদলিয় ইধু ফিরি এলাক্। তারা বোউত্ আংগুর-রস আর গরম কাল ফল থুবেলাক্।

আমোষ 8:1

প্রভু লগেপ্রভু মরে আর এক্কান দর্শন দেগেল। মুই দেগিলুং, এক কাল্লোং পাগানা ফল।

মীখা 7:1

কি দযা মর্! মুই ওইয়োংগে তা ধোক্ক্যেন যে বেক্ ফলুন পাড়ি নেযেবার পরেদি আংগুর তুলোদে আর অন্য ফল পাড়িবাত্তে যায়, মাত্তর্ সিদু হেবাত্তে কনঅ আংগুরোর্ থুপ্ নেই, কনঅ পত্তমে পাক্যে ডোমোর্‌অ নেই যিগুন্ মঅ পরাণানে চায়।

১ শমূয়েল 10:3

সে পরেন্দি তুই সিয়োত্তুন উজেই যেইনে তাবোর চাগালার্‌ এলোন গাজর্‌ কায়কুরে গেলে দেগিবেদে তিনজন মানুচ্‌ গোজেনর উবোসনাত্তে বৈথেলত্‌ উদি যাদন্‌। তুই দেগিবে, তারার একজনে তিন্নো ছাগলর ছঅ, আর একজনে তিনেন্ পিদে আর আরেকজনে এক্কো পিলেলোই আংগুর-রস বুয়োই নেযাদন্।

১ শমূয়েল 16:20

যিশয় সেক্কে কিজু পিদে, চামড়্‌ থৈইলেত্‌ গুরি এক থৈল্যে আংগুর-রস আর এক্কো ছাগল ছঅ এক্কো গাধার পিদিত্‌ তুলি দিলো আর সিবে তার পূঅ দায়ূদরে দিইনে শৌলর ইদু পাধেই দিলো।

১ শমূয়েল 25:18

এ কধাগান শুনিনে অবীগলে আর দেরী ন-গুরিলো। তে দ্বিশত্‌ পিদে, চামর্‌ দ্বিথৈল্যে আংগুরো-রস, পাচছুয়ো ভেড়াছাগলর্ য়েরা, পাচ্ বস্তা ভাজি গোজ্যে শোজ্য, একশঅ তাল কিশমিশ আর দ্বিশঅ তাল ডুমুর লোইনে গাধা পিদিত্‌ তুলি দিলো।