২ শমূয়েল 15:25 - Chakma Bible

²⁵ বেক্‌ মানুচ্চুন নিগিলি যানার পরেন্দি রাজা সাদোকরে কলঅ, “গোজেনর সুন্দুক্কো শঅরত্‌ ফিরেই নেযা। লগেপ্রভু যুনি মরে কোচপানার্‌ চোগেন্দি দেগে সালে তে মরে ফিরেই আনিবো আর এ সুন্দুক্কো আর তার থেবার জাগাগান আরঅ মরে চেবাত্তে দিবো।

২ শমূয়েল 15:25 Iomraidhean Croise

২ শমূয়েল 6:17

লগেপ্রভুর সুন্দুক্কো আনিনে মানুচ্চুনে সিবে দায়ূদোর বানেই-রাগেয়্যে তাম্বুলো ভিদিরে এক্কান জাগাত্‌ রাগেলাক্। দায়ূদে সেক্কে লগেপ্রভুর নাঙে পুজ্যে আর উদোলোলি-উৎসর্বর অনুষ্টান গুরিলো।

২ শমূয়েল 7:2

রাজা সেক্কে একদিন্যে ভাববাদী নাথনরে কলঅ, “চাহ্, মুই বজত্তি গরঙর্‌ এরস তক্তার্‌ ঘরত্‌ আর গোজেন সুন্দুক্কো আগেদে তাম্বুলোত্‌।”

গীতসংহিতা 122:1

মান্‌জ্যে যেক্কে কলাক্ সেক্কে মুই হুজি অলুং, “আদঅ, আমি লগেপ্রভুর ঘরত্ যেই।”

গীতসংহিতা 122:9

আমা গোজেন লগেপ্রভু ঘরান্ সিদু আঘে বিলিনে মুই যিরূশালেমর ভালেদি গুরিবার চেট্ট্যা গুরিম।

গীতসংহিতা 26:8

ও লগেপ্রভু, যে ঘরত্ তুই বজত্তি গরচ্, তর্ মহিমাগান্ যিয়েনত্ থায়, সে জাগায়ান মুই কোচ্‌‌পাং।

গীতসংহিতা 84:10

অন্য জাগাত্ আজার দিন কাদানাত্তুন্ তঅ ঘর উদোনত্ এক্কো দিন কাদানা বোউত্ গম; পাজি মানুচ্চুনোর তাম্বুলো ভিদিরে বজত্তি গরানাত্তুন্ বরং মর্ গোজেন ঘর দোরানর ইদু থিয়্যেই থানাগান্ বোউত্ গম।

যাত্রা 15:13

তর্‌ অমহদ কোচ্‌পানায়্‌ তুই‌ যিগুনোরে ছাড়েই আনিলে তারারে তুয়ই চালেই নেযেবে। তর্‌ নিজোর্‌ বল্লোই‌ তর্‌ পবিত্র ঘরত্‌ তুই তারারে চালেই আনিবে।

যাত্রা 33:12

পরেদি মোশি লগেপ্রভুরে কলঅ, “তুই মরে এই মানুচ্চুনোরে নেযেবাত্তে কোইয়োচ্‌, মাত্তর্‌ মর্‌ লগে কারে পাধেবে সিয়েন্‌ দঅ ন-কচ্‌। তুই কোয়োচ্চে তুই মরে তর্‌ নিজোর্‌ বিলিনেই জানচ্‌ আর মঅ‌ উগুরে তর্‌ দোয়্যে আঘে।”

যাত্রা 33:13

যুনি মুই তর্‌ দোয়্যে পেই থাং সালে তুই কি আজালোই কি গরচ্‌ সিয়েনি মরে জানেই দিচ্‌ যেনে মুই তরে বুঝি পারং আর তর্‌ দোয়্যেলোই থেই পারং। মনত্‌ রাগেচ্‌, এই জাদ্‌তো তর্‌।

যিশাইয় 38:22

সেক্কে হিষ্কিয় পুজোর্ গোজ্যেদে, “মুই যে লগেপ্রভুর ঘরত্ উদি পারিম্ সিয়েনর চিহ্নোগান কি?”

যিরমিয় 25:30

“ইক্কিনে তুই তারা বিরুদ্ধে ভাববাদী ইজেবে এ কধানি কঅ, ‘লগেপ্রভু উগুরেত্তুন গুজুরি উদিবো; তার সুদ্ধো-সাংগ থেবার জাগানত্তুন্ তে তার রবো শুনেব আর তা দেজর্ বিরুদ্ধে খুব দাঙর্ গুরি গুজুরি উদিবো। যিগুনে আংগুর মাড়ন তারা ধোক্ক্যেন তে পিত্‌থিমীত বজত্তি গুরিয়্যে বেক্কুনো বিরুদ্ধে যোগার্ পারিবো।‌

যিরমিয় 7:4

লগেপ্রভুর ঘরর নাঙান্দোই বার বার যে মিজে কধা কুয়ো অয় তুমি সিয়েন বিশ্বেজ্ ন-গোজ্য।