২ শমূয়েল 15:21 - Chakma Bible

²¹ মাত্তর্‌ ইত্তয় রাজারে কলঅ, “জেদা লগেপ্রভুর নাঙে কঙর্ আর মঅ গিরোজ্‌ মহারাজার্‌ নাঙে কঙর্, মঅ গিরোজ্‌ মহারাজে যিয়েনত্‌ থেবঅ সিয়েনত্‌ তঅ চাগর্‌ মুইয়ো থেম্‌, সেক্কে মুই বাঁজি থাং বা মুরি যাং।”

২ শমূয়েল 15:21 Iomraidhean Croise

২ শমূয়েল 15:22

এ কধাগান শুনিনে দায়ূদ ইত্তয়রে কলঅ, “সালে উজেই যঅ।” সেক্কে গাতীয় ইত্তয় তার বেক্‌ মানুচ্চুন আর তা সমারে বেক্‌ পরিবারুন্‌ লোইনে উজেই গেলঅ।

২ রাজাবলী 2:2

এলিয় ইলীশায়রে কলঅ, “তুই ইয়োত্‌ থাক; লগেপ্রভু মরে বৈথেলত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা বৈথেলত্‌ গেলাক্‌।

২ রাজাবলী 2:4

ইয়েন পরেন্দি এলিয় তারে কলঅ, “ইলীশায়, তুই ইয়োত্‌ থাক্‌; লগেপ্রভু মরে যিরীহোত্‌ যেবাত্তে কোইয়্যে।” ইলীশায় কলঅ, “জেদা লগেপ্রভুর নাঙে আর তঅ পরাণানর নাঙে কঙর্, মুই তরে ফেলেই ন-যেম্‌।” সেনত্তে তারা যিরীহোত্‌ গেলাক্‌।

২ রাজাবলী 2:6

ইয়েন পরেন্দি এলিয় তারে কলঅ, “তুই ইয়োত্‌ থাগ্‌; লগেপ্রভু মরে যর্দন গাঙ পারত্‌ যেবাত্তে কোইয়্যে।” জোবত্‌ তে কলঅ, “জেদা লগেপ্রভুর নাঙে আর তঅ পরাণান নাঙে কঙর্, মুই তরে ফেলেই ন-যেম্‌।” সেনত্তে তারা দ্বিজনে যাহ্ ধুরিলাক্‌।

২ রাজাবলী 4:30

মাত্তর্‌ পুয়োবোর্‌ মাবো কলঅ, “জেদা লগেপ্রভুর আর তঅ পরাণান নাঙে কঙর্, মুই তরে ছাড়ি ন-যেম্‌।” সেনত্তে ইলীশায় উদিনে মিলেবোর্‌ পিজে পিজে গেলঅ।

গম্ উপদেজ্ 17:17

দাংগুবো নিত্য কোচ্‌পায়, আর ভেইবো থাইদে দুঘোত্ বল্ দিবাত্তে।

গম্ উপদেজ্ 18:24

যিবের সমাজ্যে বেশ্ তার দজা ঘুদি যেই পারে, মাত্তর্ এমন্ সমাজ্যে আগন যে ভেইয়োত্তুন্‌অ বেশ্ বিশ্বেজি।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 21:13

সেক্কে পৌলে কলঅ, “তুমি কানাকুদি গুরিনে মঅ মনানত্ দুঘ্ দুয়োর্ কিত্তে? প্রভু যীশুত্তে মুই যিরূশালেমত্ বানা বন্দী অবাত্তে নয়, মুরিবাত্তেয়ো যুক্কোল্ আগং।”

২ করিন্হীয় 7:3

খালিক্ এ কধাগান্ মুই তমারে দুষি গুরিবাত্যে ন-কঙর্। মুই দঅ আগেদি কোইয়োং, তুমি আমা ইধু এদক্ কোচ্‌পেইয়্যে যে, আমি তমা সমারে মুরিবাত্যেয়ো রাজী, বাঁজিবাত্যেয়ো রাজী।

১ শমূয়েল 20:3

মাত্তর্‌ দায়ূদে আরঅ শমক্‌ খেইনে কলদে, “তঅ বাবে অমকদ গমেডালে হবর্‌ পাইদে, তুই মরে কোচ্‌পাচ্‌। সেনত্যেই অয়ত তে মনে মনে চিন্তে গোজ্যে, যোনাথনরে এ পৌইদ্যেনে ন-জানানা গম্‌, তে দুঃখো পেবঅ। মাত্তর্‌ জেদা লগেপ্রভুর দিব্য আর তর্‌ পরাণর দিব্য দিইনে মুই কঙর্‌, মরণান্‌ মইত্তুন্‌ বানা এক বিগোত্‌ দূরোত্‌।”

১ শমূয়েল 25:26

“ও মর্‌ প্রভু, জেদা লগেপ্রভুর নাঙে কঙর্ আহ্‌ তর্‌ পরাণানর্‌ নাঙে কঙর্, তর্‌ শত্রুগুনোরে আর যিগুনে তর্‌ ক্ষেতি গুরিবাত্তে চায় তারার্‌ দজাগান নাবল ধেক্ক্যেন্‌ অবঅ, কিত্যে লগেপ্রভু তরে লো জোরোবাত্তে ন-দে আর নিজোর্‌ আদে হেনা সুজিবাত্তে ন-দে।