২ শমূয়েল 15:18 - Chakma Bible

¹⁸ দায়ূদোর বেক্‌ মানুচ্চুনে তা মুজুঙেন্দি উজেই গেলাক্। তারা এলাক্কে করেথীয়, পলেথীয় আর ছয়শ গাতীয় মানুচ্‌ যিগুনে আগে গাৎত্তুন্‌ রাজার লগে এচ্ছোন্‌।

২ শমূয়েল 15:18 Iomraidhean Croise

২ শমূয়েল 15:17

রাজা আর তা লগে বেক্‌ মানুচ্চুনে যাদে যাদে শঅরর্‌ থুম্ ধুজিত্‌ যেইনে থামেলাক্।

২ শমূয়েল 18:2

দায়ূদে তা সৈন্যদলুনোরে তিন ভাগ গুরিনে এধোক্ক্যেন গুরি পাধেই দিলো- যোয়াবর অধীনোত্‌ একভাগ, যোয়াবর ভেই, অত্তাৎ সরূয়ার পূঅ অবীশয়র অধীনোত্‌ একভাগ আহ্ গাতীয় ইত্তয়র অধীনোত্‌ একভাগ। রাজা সৈন্যগুনোরে কলঅ, “মুইয়ো হামাক্কায় তমা লগে যেম্‌।”

২ শমূয়েল 20:23

যোয়াবে এলদে ইস্রায়েলর পুরো সৈন্যদলুনোর নেতাবো আর যিহোয়াদারর পূঅ বনায় এলদে দায়ূদো রোক্ষ্যেগুরিয়্যে করেথীয় আর পলেথীয়গুনোর নেতাবো;

২ শমূয়েল 20:7

সেক্কে যোয়াবে আর তা মানুচ্চুনে, করেথীয় আর পলেথীয়গুনে আর বাদ্‌‌বাগি যোদ্ধাগুনে অবীশয়র অধীনোত্‌ বিখ্রির পূঅ শেবঃরে লোড়েবাত্তে যিরূশালেমত্তুন্‌ নিগিলি গেলাক্।

২ শমূয়েল 6:10

লগেপ্রভুর সুন্দুক্কো তে দায়ূদ-শঅরত্‌ নিজোর কায়-কুরে অানিবাত্তে রাজী ন-অলঅ। তে সিবে নেযেইনে গাতীয় ওবেদ-ইদোমর ঘরত্‌ রাগেল।

২ শমূয়েল 8:18

যিহোয়াদার পূঅ বনায় এলদে দায়ূদোর কিয়্যে রোক্ষ্যেগুরিয়্যে করেথীয় আর পলেথীয়গুনোর নেতা, আর দায়ূদোর পূঅগুনে এলাক্ রাজার সল্লাদিয়্যে ধর্মগুরু।

১ রাজাবলী 1:38

সেক্কে ধর্মগুরু সাদোক, ভাববাদী নাথন, যিহোয়াদার পূঅ বনায়, করেথীয় আর পলেথীয়েগুনে যেইনে শলোমনরে রাজা দায়ূদোর ঘোড়াগাড়িত্‌ বোজেইনে গীহোনত্‌ নেযেলাক্।

১ বংশধর 18:17

যিহোয়াদার পুয়ো বনায় এলদে দায়ূদো কিয়্যে চুগিদার করেথীয় আর পলেথীয়গুনোর আজল্লো, আর দায়ূদো পুয়োগুনে রাজার আজল্‌ আজল্‌ পোজিশনত্ ঠিগ্ এলাক্‌।

১ শমূয়েল 23:13

এ কধাগান শুনিনে দায়ূদে তা লগে প্রায় ছয়শত্‌ মানুচ্‌ নেযেইনে কিয়ীলা ছাড়িনে গেলগোই আর এক জাগাত্তুন আরেকজাগাত্‌ ধেইনে বেড়া ধুরিলো। দায়ূদে কিয়ীলাদত্তুন্‌ ধেই যেইয়্যে শুনিনে শৌল আর সিদু ন-গেলঅ।

১ শমূয়েল 25:13

দায়ূদে তা মানুচ্চুনোরে কলঅ, “তুমি পত্তিজনে কমরত্‌ লাম্বাছুড়ি বানি নেযঅ।” সেক্কে তারা পত্তিজনেই কমরত্‌ লাম্বা ছুড়ি বানি নিলাক্‌ আর দায়ূদেয়ো সিয়েনই গুরিলো। সে পরেন্দি প্রায় চেরশত্‌জন মানুচ্‌ দায়ূদো সমারে গেলাক্‌ আর দ্বিশত্‌ মানুচ্‌ থেলাক্‌ পযাপিরা চুগি দিবাত্তে।

১ শমূয়েল 27:3

দায়ূদ আর তার মানুচ্চুনে গাদত্‌ আখীশোর ইদু বজত্তি গরা ধুরিলাক্। তা মানুচ্চুনোর পত্তিজনর লগে এলদে তারার গিরি, আর দায়ূদোর লগে এলাক্ তার দ্বিবে মোক্‌, যিষ্রীয়েল আদামর অহীনোয়ম আর কর্মিল আদামর অবীগলে। অবীগল এলদে নাবলর্ নেক্‌ নেইয়্যে মোক্কো।

১ শমূয়েল 27:4

শৌল যেক্কে হবর্‌ পেলঅ, দায়ূদে গাদত্‌ ধেই যেইয়্যে সেক্কে তে তার তগানাগান্ বন্ধ গুরি দিলো।

১ শমূয়েল 30:1

দায়ূদে তা মানুচ্চুনোরে নেযেইনে তিন দিনোত্‌ সিক্লগত্‌ যেইনে লুমিলো। মাত্তর্‌ এ ভিদিরে অমালেকীয়গুনে নেগেভত্‌ পলেষ্টীয়গুনোর চাগালাত্‌ আর সিক্লগত্‌ লুদেয়োন্‌। তারা সিক্লগ্‌কান্ আক্রমণ গুরিনে পুড়ি ফেলেই দিইনে সিদুুগোর্‌ বেক্‌ মিলেগুনোরে আর চিগোন-দাঙর্‌ বেক্কুনোরে বন্দী গুরি নেযেয়োন। মাত্তর্‌ কনজনরে তারা মারেই ন-ফেলান, বানা ফিরি যেবার্‌ অক্তত্‌ তারা সমারে নেযেলাক্।

১ শমূয়েল 30:14

আমি নেগেভত্‌ করেথীয়গুনোর চাগালাত্‌, যিহূদা চাগালাত আর কালেব চাগালাত্‌ লুদেবাত্তে যেইয়্যেই আর সিক্লগ আগুন্দোই পুড়ি ফেলেই দিয়্যে।”

১ শমূয়েল 30:9

সেক্কে দায়ূদে তার ছয়শ মানুচ্‌ সমারে নেযেল। তারা বিষোর নাঙে এক্কো মুড়োর্‌ খাত্তোঙত্‌ যেইনে আঝিল্ অলাক্। সিয়েনত্‌ কিজু মান্‌জ্যরে থোই যাহ্ অলঅ।