২ শমূয়েল 15:14 - Chakma Bible

¹⁴ যিরূশালেমত্‌ দায়ূদোর যিদুক্কুন্‌ চাগর্ তা লগে এলাক্‌ তে তারারে কলঅ, “আঢ, আমি ধেই যেই। সিয়েন ন-অলে আমি কনজনে অবশালোম আঢত্তুন্‌ রোক্ষ্যে ন-পেবং। আমাত্তুন্‌ ইক্কিনে নিগিলা পুরিবো, দগেনলে তে যাদিমাদি এইনে আমারে অমকদ দযাত্ ফেলেব আর শঅরর্‌ বেক্কুনোরে শেজ্‌ গুরি দিবো।”

২ শমূয়েল 15:14 Iomraidhean Croise

২ শমূয়েল 12:11

লগেপ্রভু আরঅ কলঅ, মুই তঅ গিরিত্তুন্‌ তত্তেই দযাগান টানি আনিম। তঅ চোগো মুজুঙোত্‌ মুই তঅ মোক্কুনোরে নেযেইনে তঅ নিজো মানুচ্চুনোরে দিম্। তে বেক্কুনোর্‌ চোগো মুজুঙোত্‌ তারারে নেযেইনে ঘুম যেবঅ।

২ শমূয়েল 15:15

রাজার কামগুরিয়্যেগুনে তারে কলাক্, “আমা গিরোজ্‌ মহারাজর যিয়েন অাওজ্ আমি সিয়েনই গুরিবাত্তে যুক্কোল্‌ আগিই।”

২ শমূয়েল 19:10

যিবেরে আমি আমা উগুরে রাজাগিরি গুরিবাত্তে অভিষেগ্ গোজ্যেই সেই অবশালোমে যুদ্ধোত্‌ মুরি যেইয়্যে। সালে রাজারে ফিরেই আনিবাত্তে তুমি কন কিজু ন-কর্‌ কিত্তে?”

২ শমূয়েল 19:9

ইস্রায়েলর পুরো গুট্টিগুনো ভিদিরে মানুচ্চুনে তর্কাতর্কি গুরিনে কুয়ো ধুরিলাক্, “রাজা শত্রুগুনোর আঢত্তুন্‌ আমারে রোক্ষ্যে গোজ্যে; পলেষ্টীয়গুনো আঢত্তুন্‌ তেয়ই আমারে উদ্ধোর্ গোজ্যে। মাত্তর্‌ ইক্কিনে তে অবশালোমত্তেই দেজত্তুন্‌ ধেই গেলঅ।

গীতসংহিতা 51:18

তর্ মংগলর্ আওজ্‌সোই তুই সিয়োনরে ভালেদি গর্; তুই যিরূশালেমর দেবালান তুলিবার কামান চালেই যাহ্।

যিহিষ্কেল 46:18

মানুচ্চুনোরে ধাবেই দিইনে শাজন্‌গুরিয়্যেবো তারার্ কনঅ সোম্বোত্তি গজক্ গুরি ন-পারিবো। তে বানা তার্ নিজো সোম্বোত্তিত্তুন্ তা পুয়োগুনোরে দি পারিবো যেনে মঅ মানুচ্চুনো ভিদিরেত্তুন্ কনজনে তার সোম্বোত্তির্ গিরোজ্ অনাগান্ ন-আরান্।’”

মথি লেখ্যে গম্ হবর্ 11:12

বাপ্তিষ্মদিয়্যে যোহন সময়ত্তুন্ ধুরি তা ফগদাং গোজ্জ্যে হবরান ইক্কিনে সং স্বর্গ-রেজ্যগান জদবদে জোরে উজেই এজের্, আর যিগুনে উগ্র তারা সিয়েন্ ধুরি আঘন্।

লূকে লেখ্যে গম্ হবর্ 10:15

আর তুই, কফরনাহূম, তুই নাহি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ।”