২ শমূয়েল 13:22 - Chakma Bible

²² অবশালোমে অম্নোনরে গম্‌-বজং কিচ্ছু ন-কলঅ। তা বোন্নো তামরর ইজ্জোদ্‌তান্‌ বর্‌বাদ্ গোজ্যে বিলিনে তে অম্নোনরে ঈচ্ গরা ধুরিলো।

২ শমূয়েল 13:22 Iomraidhean Croise

পত্থম 24:50

সেক্কে লাবনে আর বথূয়েলে কলাক্, “ঘটনাগান্‌ সালে লগেপ্রভুত্তুন্‌ ওইয়্যে। সেনত্তে ইয়োত্‌ তত্তুন্ আমারে অবঅ বা ন অবঅ কবার্‌ কিচ্ছু নেই।

পত্থম 31:24

মাত্তর্‌ গোজেনে রেদোত্ স্ববনে অরামীয় লাবন ইধু এইনে কলঅ, “উজিয়ার্‌! যাকোবরে গম্‌-ভান্ন্যেই কিচ্ছু ন-কবে।”

পত্থম 31:29

তমার ক্ষোতি গুরিবার্‌ খেমতা যে মঅ আঢত্‌ নেই, সিয়েন্‌ নয়। মাত্তর্‌ তমা আগ বংশগুনোর গোজেনে কেল্যে রেদোত্‌ মরে কোইয়্যেদে, “উজিয়ার্‌! যাকোবরে গম্‌-ভান্ন্যেই কিচ্ছু ন-কবে।”

২ শমূয়েল 13:21

রাজা দায়ূদে এ কধাগান শুনিনে অমকদ রাগ গুরিলো।

গম্ উপদেজ্ 10:18

যে মানুচ্চো তা মন ভিদিরে ঈচ্ গরেদে কধা গুমরত্ রাগায় তে মিজে কধা কয়;

গম্ উপদেজ্ 25:9

পাড়াল্যে বিরুদ্ধে যুনি মাম্‌‍লা গরচ্ সালে অন্যগুনোর গুমুরো কধানি ফগদাং গুরি ন-দিচ্;

গম্ উপদেজ্ 26:24

ঈচ্ গুরিয়্যেবো মুয়োদি ভান্ গরে, মাত্তর্ মন ভিদিরে ছলনা।

গম্ উপদেজ্ 26:26

তা ঈচ্ গরানাগান যুনিয়ো ছলনালোই লুগেয়্যে থায় তো তার পাজিগান সমাজ ভিদিরে ফগদাং পেবঅ।

উপদেশক 7:9

তঅ রিবেঙানরে যাদিমাদি রাগ্ গুরিবাত্তে ন-দিচ্, কিত্তে রাগ্‌কান ভুল্ মানুচ্চুনোর্ রিবেঙত্ বজত্তি গরে।

মথি লেখ্যে গম্ হবর্ 18:15

তঅ ভেইবো যুনি তঅ বিরুদ্ধে অন্যেয় গরে সালে তাইধু যেইনে যেক্কে আর্ কনজন ন-থেবাক্ সেক্কে তা দুষ্‌চান দেগেই দে। যুনি তে তঅ কধানি শুনে সালে তুই দঅ তঅ ভেইবোরে ফিরি পেলে।

ইফিষীয় 4:26

যুনি রাগ গরঅ সালে সেই রাগত্যে পাপ ন-গোজ্জ্য; বেলান্ ডুবিবার আগেদি তমা রাগ্‌‌‌কানি বাদ্ দুয়ো,

ইফিষীয় 4:31

নানান্ বাবোত্যে কাঙেলেত্যে ফগদাং, মেজাজ দেগানা, রাগ, জোগার্ পারিনে কোজ্জ্যে গরানা, গেইল্ দেদি আর নানান্ বাবোত্যে ইংসে তমাত্তুন্ দূর্ গরঅ।

১ যোহন 2:11

মাত্তর্ যে তা ভেইবোরে ঘিনায় তে আন্ধারত্ আঘে আর আন্ধারত্ আঢাউদো গরের্। তে কোই ন-পারে তে কুধু যার্, কিয়া আন্ধারানে তা চোগ্‌কুন কান্ গুরি দিয়্যে।

১ যোহন 2:9

যে মানুচ্চো কয় তে পহ্‌রত্ আঘে অদচ তা ভেইবোরে ঘিনায় তে এজঅ আন্ধারত্ আঘে।

১ যোহন 3:10

যিগুনে ন্যায় কামত্ নিজোরে ন-রাগান আর ভেইয়োরে কোচ্‌ ন-পান্, সিগুনে গোজেনর্ নয়। ইয়েন্দোই ফগদাং পায়, কন্না গোজেনর্ পুয়ো আর কন্না বা শদানর্ পুয়ো।

১ যোহন 3:12

সেনত্যে মুই কঙর্, আমি যেন কয়িন ধোক্ক্যেন ন-ওই। কয়িনে শদানর্ মানুচ্‌ এলঅ আর তা ভেইবোরে তে খুন্ গোজ্জ্যে। কিত্ত্যেই তে তারে খুন্ গোজ্জ্যে? কিয়া তে ভান্ন্যেই কাম গত্ত আর তা ভেইবো ন্যায় কাম গুরিদো।

১ যোহন 3:15

ভেইয়োরে যে ঘিনায় তে খুনী। কনঅ খুনী ভিদিরে যে উমর্‌অ জিংকানি ন-থায়, সিয়েন তমার অজানা নেই।