২ শমূয়েল 13:12 - Chakma Bible

¹² তামরে তারে কলঅ, “না ভেই, না; তুই মঅ ইজ্জোদ্‌তান্‌ বর্‌বাদ্ ন-গুরিচ্‌। ইস্রায়েলীয়গুনো ভিদিরেত্তুন্‌ এধোক্ক্যেন্ কাম্‌ গরানা উজিত্ নয়। এধোক্ক্যেন্ বজং কাম তুই ন-গুরিচ্‌।

২ শমূয়েল 13:12 Iomraidhean Croise

পত্থম 34:7

এ ভিদিরে কধাগান্‌ শুনিনে যাকোব পুয়োগুনে মাদত্তুন্‌ ফিরি এলাক। তারা যেবাবোত্যে মনত্‌ দুঘ্ পেলাক্ সেবাবোত্যে অমকদ রাগঅ অলাক্, কিত্তে যাকোব ঝিবোর্ ইজ্জোত্‌তান বর্‌বাত্ গুরি দিইনে শিখিমে ইস্রায়েল উগুরে এক্কান্‌ অগমান কাম্‌ গোজ্যে, যিয়েন্‌ গোজ্যে সিয়েনর কনঅ উচিত্ ন এলঅ।

গম্ উপদেজ্ 7:7

ভুল্ মানুচ্চুনো ভিদিরে মুই রিনি চেলুং, গাবুজ্যেগুনো ভিদিরে মুই এন এক্কো গাবুজ্যেরে খিয়েল্ গুরিলুং যিবের্ বুদ্ধির অভাব এলঅ।

যিরমিয় 29:23

কিত্তে তারা ইস্রায়েলীয়গুনো ভিদিরে জঘন্য কাম গোজ্যন্; তারা পাড়াল্যেগুনো মোগ্‌কুনো লগে বেভিচের্ গোজ্যন্ আর মুই তারারে যিয়েন কবাত্তে ন-কং তারা মঅ নাঙে সে মিজে কধানি কোইয়োন। মুই সিয়েনি হবর্ পাং আর মুই সিয়েনর সাক্ষী। মুই লগেপ্রভু এ কধাগান কঙর্‌।”

লেবীয় 18:11

সাদাঙা মার্‌ পেদত্‌ যে বোন্নোর্‌ জর্ম ওইয়্যে তা সমারে কিয়্যেদি মিজেনা ন-চলিবো। তে বোন।

লেবীয় 18:9

নিজোর বোন বা সাদাঙা বোনো সমারে কিয়্যেদি মিজেনা ন-চলিবো-তে বাপ্পোর্‌ ঝি ওক্‌ বা মাবোর্‌ ঝি ওক্‌, আর তারার্‌ জর্ম একই ঘরত্‌ ওক্‌ বা যুদো যুদো জাগাদই ওক্‌।

লেবীয় 20:17

নিজোর বোন্নোরে বা সাদাঙা বোন্নোলোই জড়া বানিনেই তা সমারে কিয়্যেদি মিজেনা এক্কান লাজ্‌গরেদে কাম্‌-সেই বোন্নো মাবো ইন্দি ওক্‌ বা বাপ্পো ইন্দি ওক্‌। যিগুনে সিয়েন্‌ গুরিবাক্‌ মানুচ্চুনোর্‌ চোগো মুজুঙোত্ তারারে মারে ফেলা পুরিবো। এ কামান্‌ গুরিনে বোন্নোরে অসর্মান গুরিলে তারে দায়ী গরা অবঅ।

দ্বি’লম্বর বিররণ 22:21

মাত্তর মিলেবোরে তা বাপ্পোর ঘরর্‌ দোরান ইদু নেযা পুরিবো। সে জাগানত মরদ মানুচ্চুনে সিয়েনত পাত্তর্ মারিনে তারে মারে ফেলেবাক। বাবঅ ঘরত হেবার অক্তত্‌ সিনেলী গুরিনে তে ইস্রায়েলীয়গুনো ভিদিরে জদবদে ঘিনাইদে কাম গোজ্যে। তুমি তমা ভিদিরেত্তুন এ ধোক্ক্যেন ভান্ন্যেইয়ানি শেজ্ গুরি দিবা।

দ্বি’লম্বর বিররণ 22:29

সালে মানুচ্চোত্তুন্‌ মিলেবো বাপ্পোরে আধা কেজি রুবো দিয়্যে পুরিবো। মিলেবোরে বরবাদ্ গোজ্যে বিলিনে তারে তাত্তুন্‌ মোক্‌ লুয়ো পুরিবো। তে জীংকানিত্‌ কনদিনঅ তারে ইরি দিই ন-পারিবো।

বিচের গুরিয়্যেগুন 19:23

সেক্কে ঘরঅ গিরোজ্‌সো বারেন্দি নিগিলিনে তারারে কলঅ, “না,না, মঅ ভেইয়ুন; তমারে কোজোলী গরঙর্‌, এধোক্কেন্‌ পাজী কাম্‌ তুমি ন-গোজ্য। এ মানুচ্চো মঅ গর্বা; এ বজং কামান্‌ তুমি ন-গোজ্য।

বিচের গুরিয়্যেগুন 20:6

ইস্রায়েলর্ ভিদিরে এন্‌ গুন্দোমি আর বজং কাম গোজ্যন্‌ বিলিনে মুই মঅ দ্বিতীয় ঘরঅ মোক্কোরে কাবিনে কট্টা কট্টা গুরি ইস্রায়েলীয়গুনোর ভাগত্‌ পোজ্যে পত্তি জাগাত্‌ এক কট্টা গুরিনে পাধেই দুয়োং।