২ শমূয়েল 12:3 - Chakma Bible

³ মাত্তর্‌ সে নাঢা মানুচ্চোর্‌ আর কিচ্ছু ন-এলঅ, এলদে বানা এক্কো চিগোন পাদি-ভেড়া। তে সিবে কিনিনে পালার্‌। সিবে তার্‌ আর তা ঝি-পূঅগুনোর্‌ লগে থেইনে দাঙর্‌ ওই উদের্‌। নাঢা মানুচ্চো যিয়েনি হেদঅ পাদি ভেড়া ছঅবোয়ো সিয়েনি হেদঅ আর তা পিলেবোত্তুন্‌ তে পানি হেদঅ। তার্‌ বুগুদ্‌ তে গুম্ যেদঅ। তে তাইদু তা ঝি ধোক্ক্যেন্‌ এলঅ।

২ শমূয়েল 12:3 Iomraidhean Croise

২ শমূয়েল 11:3

দায়ূদে মিলেবোর হবর্‌ নিবাত্তে মানুচ্‌ পাধেই দিলো। এক্কো মান্‌জ্যে কলঅ, “তে দঅ ইলিয়ামর ঝি হিত্তীয় ঊরিয়োর্‌ মোক্‌ বৎশেবা।”

২ শমূয়েল 12:2

থাগোয়্যে মানুচ্চোর বোউত্‌ গোরু আর ভেড়া এলাক্।

২ শমূয়েল 12:4

একদিন্যে এক্কো গর্বা সে থাগোয়্যে মানুচ্চো ইদু এলঅ। মাত্তর্‌ থাগোয়্যে মানুচ্চো সে গর্বাবোত্তে হানা যুক্কোল্‌ গুরিবাত্তে নিজোর্‌ গোরু বা ভেড়া নিবাত্তে ন-চেলঅ। সিবের্‌ বদলে তে সেই নাঢা মানুচ্চোর্‌ পাদি ভেড়া ছঅবো নেযেইনে তা গর্বাবোত্তে হানা যুক্কোল্‌ গুরিলো।”

মীখা 7:5

কনঅ পাড়াল্যে উগুরে ভরসা ন-গোজ্য, কনঅ সমাজ্যে উগুরে বিশ্বেজ্ থিদেবর্ ন-গোজ্য; এমন কি, যে মিলেবো তঅ বুগো উগুরে পড়ি থায় তাইদু কধা কদে উজিয়ার অ,

দ্বি’লম্বর বিররণ 13:6

পিত্‌থিমীর এক দুঝিত্তুন অন্য দুঝি সং তমার চেরোকিত্তে কায়কুরে বা দূরোর মানুচ্চুনে যে দেব-দেবেদাগুনোরে পূজো গুরিদাক, যিগুনে তমার আর তমার পুরোণিমানুচ্চুনোর অজানা সেই দেব-দেবেদাগুনোন্দি যুনি তমার নিজোর ভেই বা তমার পূঅ বা ঝি অথবা আদরর্‌ মোক্‌ বা তমার পরাণর সমাজ্যে তরে গায় গায় পেইনে ভান্ন্যেই পদেন্দি নেযেবাত্তে কন্‌, আদিচ্‌, আমি যেইনে দেব-দেবেদাগুনোর পূজো গুরিই,