২ শমূয়েল 12:26 - Chakma Bible

²⁶ ইন্দি যোয়াবে অম্মোনীয়গুনোর রাজধানী রব্বা শঅরান্‌ আক্রমণ গুরিনে গজক্ গুরি নেযেল।

২ শমূয়েল 12:26 Iomraidhean Croise

২ শমূয়েল 11:1

জারকালত্‌ যেক্কে রাজাগুনে সচরাসর্‌ যুদ্ধো গুরিবাত্তে নিগিলিদাক্‌ সেক্কে দায়ূদেয়ো যুদ্ধো গুরিবাত্তে যোয়াবরে আর তার্‌ অন্য সেনাপতিগুনোরে আহ্ বেক্‌ ইস্রায়েলীয় সৈন্যগুনোরে পাধেই দিলো। তারা অম্মোনীয়গুনোরে ভস্ত গুরিনে রব্বা শঅরান্‌ ঘিরিলাক্‌। মাত্তর্‌ দায়ূদে যিরূশালেমদই থেলঅ।

২ শমূয়েল 11:25

দায়ূদে তারে কলঅ, “তুই যোয়াবরে কবে তে যেনে ইয়েন্দোই চিদে ন-গরে, কিত্যে যুদ্ধোত্‌ লাম্বা ছুড়িগানে কাররে বাদ ন-দে। শঅরানর্‌ বিরুদ্ধে আরঅ জদবদে যুদ্ধো গুরিনে তে যেনে সিয়েন এক্কুবারে ভস্ত গুরি ফেলায়। এ কধাগান তুই যোয়াবরে কোইনে তারে উচ্ছোমি তুমি দিবে।”

২ শমূয়েল 12:27

যোয়াবে দায়ূদো ইদু মানুচ্‌ পাদেইনে এ কধাগান কলঅ, “মুই রব্বা শঅরর্‌ বিরুদ্ধে যুদ্ধো গুরিনে যিয়েনত্‌ হেবার্‌ পানি থুবেইনে রাগা অয় সে চাগালাগান্‌ গজক্ গুরি নেযেয়োং।

২ শমূয়েল 17:27

দায়ূদ মহনয়িমত্‌ যানার পরেন্দি অম্মোনীয়গুনোর রব্বা শঅরর্‌ নাহশর পূঅ শোবি, লোদবারর্‌ অম্মীয়েলর পূঅ মাখীর আর রোগলীমোর গিলিয়দীয় বর্সিল্লয় দায়ূদ আর তা সমারে মানুচ্চুনোত্তে বিচ্ছোন, গাবালা আহ্ মাদি পিলে অানিলাক্। দায়ূদ আর তা মানুচ্চুনে হেবাত্তে তারা গম, যেদেনাবিজি, মোয়দ্যা, ভাজা শজ্য, সুমি, মসুর ডেল্, কলাই,

গীতসংহিতা 60:9

কন্না মরে সেই শঅরত্ নেযেব যিয়েনত্ সমাদে আঘাত্যে? কন্না মরে পথ দেগেইনে ইদোমত্ নেযেব?

যিহিষ্কেল 25:5

মুই রব্বা শঅরানরে উট রাগেবার জাগা আর অম্মোন দেজছানরে ভেড়া জিরেবার জাগা বানেম। সেক্কে তুমি হবর্ পেবা, মুয়ই লগেপ্রভু।

দ্বি’লম্বর বিররণ 3:11

রফায়ীয়গুনোর্‌ বাদবাগি মানুচ্চুনো ভিদিরে বানা বাশনর রাজা ওগয়ই বাঁজি এলঅ। তার্‌ লুয়োর্‌ বানেয়্যে ঘুম্‌ যেবার্‌ খাট্টান এলদে লাম্বান্দি প্রমাণ গোজ্যে আত্তোই নয় আত্‌ আর পাদাজ্যে চের্‌ আত্‌। সিয়েন্‌ এজঅ অম্মোনীয়গুনোর্‌ রব্বা শঅরত্‌ আঘে।