২ শমূয়েল 12:11 - Chakma Bible

¹¹ লগেপ্রভু আরঅ কলঅ, মুই তঅ গিরিত্তুন্‌ তত্তেই দযাগান টানি আনিম। তঅ চোগো মুজুঙোত্‌ মুই তঅ মোক্কুনোরে নেযেইনে তঅ নিজো মানুচ্চুনোরে দিম্। তে বেক্কুনোর্‌ চোগো মুজুঙোত্‌ তারারে নেযেইনে ঘুম যেবঅ।

২ শমূয়েল 12:11 Iomraidhean Croise

২ শমূয়েল 15:10

অবশালোমে ইস্রায়েলর বেক্‌ গুট্টিগুনোর ইদু এ কধাগান কোইনে গুমুরোত্ মানুচ্‌ পাদেল, “তুমি যে তূরীর রঅবো শুনিবা এম্‌নে কবাদে, ‘অবশালোমে হিব্রোণত্‌ রাজা অলঅ।’”

২ শমূয়েল 15:14

যিরূশালেমত্‌ দায়ূদোর যিদুক্কুন্‌ চাগর্ তা লগে এলাক্‌ তে তারারে কলঅ, “আঢ, আমি ধেই যেই। সিয়েন ন-অলে আমি কনজনে অবশালোম আঢত্তুন্‌ রোক্ষ্যে ন-পেবং। আমাত্তুন্‌ ইক্কিনে নিগিলা পুরিবো, দগেনলে তে যাদিমাদি এইনে আমারে অমকদ দযাত্ ফেলেব আর শঅরর্‌ বেক্কুনোরে শেজ্‌ গুরি দিবো।”

২ শমূয়েল 15:6

ইস্রায়েলীয়গুনোর যিদুক্কুন মানুচ্‌ রাজা ইদু বিচেরত্তে এদাক্‌ অবশালোমে তারার্‌ লগে এধোক্ক্যেন্‌ বেবহার গুরিদো। এধোক্ক্যেনগুরিনে তে ইস্রায়েলীয়গুনোর মনানি জয় গুরিলো।

২ শমূয়েল 16:11

দায়ূদে সেক্কে অবীশয় আর তার বেক্‌ কামগুরিয়্যেগুনোরে কলঅ, “মঅ নিজোর পূঅবো যেক্কে মঅ পরাণান নিবাত্তে চেট্ট্যা গরের্‌ সেক্কে বিন্যামীন-গুট্টির এ মানুচ্চো দঅ আরঅ বেশ্‌ গুরিনে সিয়েন্‌ গুরিবো। তে যিয়েনি গোজ্যে তারে সিয়েনি গুরিবাত্তে দে; গেইল্ দিবাত্তে দে, কিত্যে লগেপ্রভু তারে সিয়েনি গুরিবাত্তে কোইয়্যে।

ইয়োব 31:10

মাত্তর্ মঅ মোক্কো যেনে অন্য মানজ্যর্ মিশিন্ ঘুরোই, আর অন্য মানুচ্চো যেনে তা সমারে ঘুমোত্ পড়ে।

যিহিষ্কেল 14:9

“‘যুনি সেই ভাববাদীবো তারে কনঅ জোব্ দে সালে হবর্ পেবাদে যে, মুই লগেপ্রভু জোব্ দিবাত্তে তারে ভুলেয়োং। সে পরেদি সেই ভাববাদীবোর বিরুদ্ধে মুই আঢ্ বাবেম্ আর মঅ মানুচ্চো ইস্রায়েলীয়গুনো ভিদিরেত্তুন্ তারে ভস্ত গুরিম।

দ্বি’লম্বর বিররণ 17:17

তে যেনে ভালোক্কুন মোক্‌ ন-লয়; সেক্কে তার্‌ মনান ভান্ন্যেই পদেদি যেবঅ। তে যেনে নিজোত্তে বেশ্‌ সনা আর রূবো ন-থুবোই।

দ্বি’লম্বর বিররণ 28:30

যে মিলেবো সমারে তর্‌ মেলা ঠিগ্‌ অবঅ অন্য মান্‌জ্যে তার্‌ ইজ্জত বরবাদ্ গুরিবাক। তুমি ঘর বানেবা মাত্তর্‌ সেক্কে থেই ন-পারিবা। তুমি আংগুর ক্ষেত গুরিবা মাত্তর্‌ তার্‌ ফলুন মুয়োত দি ন-পারিবা।