২ শমূয়েল 11:8 - Chakma Bible

⁸ সে পরেন্দি তে ঊরিয়রে কলঅ, “তুই নিজো ঘরত্‌ যেইনে আত্‌-টেং ধোইনে জিরেগোই।” ঊরিয় রাজঘরত্তুন্‌ নিগিলিলো আর রাজা তাত্তে কিজু ভেদ পাধেই দিলো।

২ শমূয়েল 11:8 Iomraidhean Croise

পত্থম 18:4

মুই এক্কানা পানি আনি দুয়োঙর্‌, তুমি টেঙানি ধোই নেযঅ। সে পরেদি তুমি এ গাজ্‌সো তলাত্‌ কানক্কণ্‌ ঝিরো।

পত্থম 19:2

“শুনো, আর উজেই ন-যেইনে তুমি দোয়্যে গুরি তমার এ চাগরবো ঘরত্‌ এজঅ আর আত্‌-টেং ধোইনে রেত্তো কাদঅ। নয়দ বেন্যে পোত্যে উদিনে আরঅ যাহ্ ধুরিবা।” জোবত্‌ তারা কলাক্‌, “না, আমি এ শঅর ভিদিরে রেত্তো কাদেবং।”

পত্থম 43:24

সে পরেদি তে বেক্কুনোরে যোষেফ ঘরঅ ভিদিরে নেযেইনে পানি হেবাত্তে দিলো আর তারা টেং ধুয়োলাক্‌। তে তারার্‌ গাধা গুনোরেয়ো হেবাত্তে দিলো।

পত্থম 43:34

যোষেফে তার্‌ নিজো টেবিলোত্তুন্‌ কিজু হানা ভেইয়ুনোরে দিবার্‌ বেবস্থা গুরিলো। অন্য যে কনঅ ভেইয়োত্তুন্‌ বিন্যামীনোরে পাজ্‌গুন্‌ বেজ্ দিয়্যে অলঅ। এবাবোত্যেগুরি তারা যোষেফ লগে হানা-বীনে গুরিলাক্। বেজগুরি আংগুর্‌ রস্‌ হেইনে তারা হুজি অলাক্।

গীতসংহিতা 12:2

মানুচ্ মান্‌জ্য ইদু মিজে কধা কন্; তারা কধা কন্দে ঠোগেয়্যে ঠুট্টোই আর ছলনা-ভরা মন্দোই।

গীতসংহিতা 44:21

সালে গোজেনে কি সিয়েনি হবর্ ন-পায়? তে দঅ আমার মনর্ গুমুরোগানি বেক্কানি হবর্ পায়।

গীতসংহিতা 55:21

তার মুয়ো কধানি মাখনত্তুন বেশ্ নরম, মাত্তর্ তা মনানত্ রোইয়্যেদে যুদ্ধো; তা কধানি কিয়্যেত্ গুল্যে তেলত্তুন বেশ্ আরামর, মাত্তর্ সিয়েনি যেন থৈল্যেত্তুন টানি নিগিল্যেয়ে তলোয়ার।

যিশাইয় 29:15

অভিশাব্ পোড়োক্ সেই মানুচ্চুনোর্, যিগুনে লগেপ্রভু ইত্তুন্ তারার্ পরিকল্পনাগানি লুগেবাত্তে জদবদে চেট্ট্যা গরন্। তারা আন্ধারত্ তারার্ কামানি গরন্ আর ভাবন্, “কন্না আমারে দেখ্যে? কন্না কোই পারিবো?”

লূকে লেখ্যে গম্ হবর্ 12:2

লুগেইয়্যে বেক্কানি ফগদাং অবঅ আর গুমরর্ বেক্কানি জানা অবঅ।

লূকে লেখ্যে গম্ হবর্ 7:44

পরেদি যীশু সেই মিলেবো ইন্দি মুয়োন্ ফিরেইনে শিমোনরে কলঅ, “তুই এ মিলেবোরে দঅ দেগর্। মুই তঅ ঘরত্ এজানার্ পরেদি তুই মরে টেঙ্ ধবার্ পানি ন-দুয়োচ্, মাত্তর্ তে চোগো পানিয়ে মঅ টেঙানি ভিজেইনে তা চুলানিলোই পুযি দিয়্যে।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।