২ শমূয়েল 10:8 - Chakma Bible

⁸ সেক্কে অম্মোনীয়গুনে নিগিলিনে তারার্‌ শঅরর্‌ গেট্টোত্‌ সোমেবার্‌ পথ্‌তানত্‌ যুদ্ধো গুরিবাত্তে সৈন্য সাজেলাক্। ইন্দি সোবা আর রহোবর অরামীয়গুনে আহ্ টোব আর মাখার্‌ সৈন্যগুনে হোলা মাদত্‌ রলাক্।

২ শমূয়েল 10:8 Iomraidhean Croise

২ শমূয়েল 10:6

অম্মোনীয়গুনে বুঝি পারিলাক্, তারা দায়ূদোর ঘিনাইদে মানুচ্‌ ওইয়োন। সেনত্তেই তারা বৈৎ-রহোব আর সোবাত্তুন্‌ কুড়ি আজার অরামীয় সৈন্য, এক আজার সৈন্যসুমুত্তো মাখার রাজারে আর টোবত্তুন্‌ বার আজার মান্‌জ্যরে ভাড়া গুরিলাক্।

২ শমূয়েল 10:7

ইয়েনি শুনিনে দায়ূদে যোয়াবরে আর তার্‌ বেক্‌ সৈন্যদলুনোরে পাধেই দিলো।

২ শমূয়েল 10:9

যোয়াবে দেগিলোদে তা মুজুঙোত্ আর পিচ্ছোন্দি অরামীয় সৈন্যগুনোরে সাজেই রাগা ওইয়্যে। সেনত্তে তে তা সৈন্যগুনো ভিদিরেত্তুন্‌ কুদুক্কুন্‌ বেঈ-লোইয়্যে সৈন্য নেযেইনে তারার্‌ বিরুদ্ধে সাজেলাক্।

২ শমূয়েল 23:34

মাখাথীয় অহস্‌বয়ের পূঅ ইলীফেলট, গীলোনীয় অহীথোফলর পূঅ ইলীয়াম,

১ রাজাবলী 11:24

দায়ূদে যেক্কে সোবার সৈন্যগুনোরে মারে ফেলেল সেক্কে রষোণে কিজু মানুচ্‌ এগত্তর্‌ গুরিনে ইক্কো লুদেয়্যে দল বানেই্‌নে সিগুনোর নেতা অলঅ। এ মানুচ্চুনে দামেস্কগান গজক গুরিনে সিয়োত্‌ রাজাগিরি গরা ধুরিলাক্‌।

১ বংশধর 19:7

তারা বত্রিশ আজার্ রথ আর সৈন্যদল সুদ্ধো মাখার রাজারে ভাড়া গুরিলাক্‌। তে আর তার্‌ সৈন্যগুনে এইনে মেদবা ইদু তাম্বুলান্‌ টাঙেলাক্‌ আর এককিত্তেন্দি অম্মোনীয়গুনে নিজোর নিজোর শঅরত্তুন্‌ এগত্তর্‌ ওইনে যুদ্ধোত্তে নিগিলিলাক্‌।

১ বংশধর 19:9

সেক্কে অম্মোনীয়গুনে নিগিলিনে তারার্‌ শঅরর্‌ গেদোত্‌ সুমিবার পথ্‌তানত্‌ যুদ্ধোত্তে সৈন্য সাজেলাক্‌। ইন্দি যে রাজাগুনে এচ্ছ্যন্‌ তারা এনেবাদে মাদত্‌ রলাক্‌।

যিরমিয় 40:8

সেক্কে সে সৈন্যগুনে , অত্তাৎ নথনিয়র পুয়ো ইশ্মায়েল, কারেহের দ্বিবে পুয়ো যোহানন আর যোনাথন, তন্‌হূমতর পুয়ো সরায়, নটোফাতীয় এফয়র পুয়োগুনে আর মাখাথীয়র পুয়ো যাসনিয় আর তারার পুয়োগুনে মিসপাত গদলিয় ইধু এলাক্।

গণাণা 13:21

সেক্কে তারা যেইনে সীন ধূল্যেচর চাগালাত্তুন আরাম্ভ গুরিনে হমাতর ইন্দি রহোব সং দেজ্‌চানর্‌ খোঁজ খবর লোই আনিলাক্।

যিহোশূয় 19:28

যেরেন্দি সে দুযির্‌ চিহ্নোগান্‌ এব্রোণ, রহোব, হম্মোন আর কান্না ওইনে মহাসীদোন সং গেলগোই।

বিচের গুরিয়্যেগুন 1:31

আশের-গুট্টির মানুচ্চুনেয়ো অক্কো, সীদোন, অহলব, অক্‌ষীব, হেল্‌বা, অফীক আর রহোবর মানুচ্চুনোরে ধাবেই ন-দুয়োন্‌।

বিচের গুরিয়্যেগুন 11:3

সেনত্তেই যিপ্তহ তার ভেইয়ুনোত্তুন ধেই যেইনে টোব দেজত্‌ বজত্তি গরা ধুরিলো। সিদু কুদুক্কুন বজং মানুচ্‌ তার্‌ চেরোকিত্তে এইনে এগত্তর্‌ অলাক্‌ আর তা সমারে ঘুরোঘুরি গরা ধুরিলাক্‌।