২ শমূয়েল 10:5 - Chakma Bible

⁵ দায়ূদোরে এ কধাগান কুয়ো অলে পরেন্দি তার্‌ পাদেয়্যে সে মানুচ্চুনোর লগে দেগা গুরিবাত্তে তে কয়েকজন মানুচ্‌ পাধেই দিলো, কিত্যে সে মানুচ্চুনে অমকদ লাজত্‌ পোজ্যন্‌। রাজা তারারে কোই পাদেল, “তমা দাড়িগানি ন-উদোনা সং তুমি যিরীহোত থাগঅ; সে পরেন্দি তুমি ফিরি এচ্চ্য।”

২ শমূয়েল 10:5 Iomraidhean Croise

২ শমূয়েল 10:4

হানূনে সেক্কে দায়ূদো মানুচ্চুনোরে ধুরিনে তারার্‌ দাড়িগানি এক কিত্তেন্দি মুড়েই দিলো আর তারার্‌ লাম্বা সুলুম্মোর্‌ অদ্দেক্‌ সং, অত্তাৎ কমর্‌ সং কাবি দিইনে তারারে বিদেয় গুরি দিলো।

২ শমূয়েল 10:6

অম্মোনীয়গুনে বুঝি পারিলাক্, তারা দায়ূদোর ঘিনাইদে মানুচ্‌ ওইয়োন। সেনত্তেই তারা বৈৎ-রহোব আর সোবাত্তুন্‌ কুড়ি আজার অরামীয় সৈন্য, এক আজার সৈন্যসুমুত্তো মাখার রাজারে আর টোবত্তুন্‌ বার আজার মান্‌জ্যরে ভাড়া গুরিলাক্।

১ রাজাবলী 16:34

আহাবর সময়োত্‌ বৈথেলীয় হীয়েল যিরীহো শঅরান্‌ আরঅ বানেল। নূনোর পূঅ যিহোশূয়র মাধ্যমে লগেপ্রভুর কধা মজিম্ সে শঅরানর্‌ গড়াগান্‌ গারেবাত্তে হীয়েলর দাঙর্‌ পূঅবো অবীরামত্তুন্‌ পরাণান্ দিয়্যে পড়িলো আর তার্‌ গেদোর্‌ দুয়োরান্‌ লাগেবাত্তে তা চিগোন্‌ পূঅবো সগূবত্তুন্‌ পরাণান্‌ দিয়্যে প-লঅ।

১ বংশধর 19:5

কনঅ মানুচ্‌ এইনে দায়ূদোরে সে মানুচ্চুনোরে কি গরা ওইয়্যে সিয়েন্‌ জানেলে পরেন্দি তার্‌ পাদেয়্যে সে মানুচ্চুনোর লগে দেগা গুরিবাত্তে তে কয়েক্কো মানুচ্‌ পাধেই দিলো, কিত্তে সে মানুচ্চুনে অমকদ লাজত্‌ পোজ্যন্‌। রাজা তারারে কোই পাদেল, “তমা দাড়িগানি ন-উদোনা সং তুমি যিরীহোত্‌ থাগঅ; সে পরেন্দি তুমি ফিরি এচ্চ্য।”

যিহোশূয় 6:1

সে সময়োত্‌ ইস্রায়েলীয়গুনোত্তে যিরীহো শঅরর্‌ গেট্টুন্‌ দর-মর গুরি বানি দিয়্যে ওইয়্যে। সিয়েনত্তুন কনজনে নিগিলিয়ো ন-এদাক্‌ আরঅ কনজনে ভিদিরেয়ো ন-চোমেদাক্‌।