২ শমূয়েল 10:3 - Chakma Bible

³ মাত্তর্‌ অম্মোনীয় নেতাগুনে তারার্‌ গিরোজ্‌ হানূনোরে কলাক্, “তুই কি মনে গরচ্‌, দায়ূদে তঅ বাপ্‌পোরে সর্মান দেগেবাত্তে তরে বুজেবাত্তে মানুচ্‌ পাদেয়্যে? তে আজলে তারারে তইদু পাদেয়্যে যেনে তারা চড়্ ইজেবে শঅরর্‌ হবর্‌ নেযানার পরেন্দি সিয়েন্‌ ভস্ত গুরি দি পারন্‌।”

২ শমূয়েল 10:3 Iomraidhean Croise

পত্থম 42:16

তমা চিগোন্‌ ভেইবোরে আনিবাত্তে তমা ভিদিরেত্তুন্‌ একজনরে পাধেই দুয়ো, আর বাদবাগী বেক্কুনে বোন্দি থাগঅ। তমা কধাগান্‌ সত্য না কি ইয়েন্দোই তার প্রমাণ অবঅ। মাত্তর্‌ যুনি তারে ন-আনঅ সালে ফরৌণ জীংকানিগান নাঙে শমক্ গরঙর্‌, তুমি স্পাই।”

পত্থম 42:9

তারা পৌইদ্যেনে তে যে স্ববনান্‌ দেক্ক্যে সে কধাগান্‌ সেক্কে তার মনত্‌ পড়িলো। তে তারারে কলঅ, “তুমি স্পাই। আমা দেজত্‌ কন্ কন্ জাগাত্‌ চুগিদারর্ কনঅ বেবস্থা নেই তুমি সিয়েন্‌ চেবাত্তে এচ্চো।”

২ শমূয়েল 3:25

তুই দঅ নেরের পূঅ অব্‌নেররে চিনোজ্; তে তঅ লগে ছলনা গুরিনে তঅ হবর্‌ নিবাত্তে আর তুই কি গরর্‌ ন-গরর্‌ সিয়েনি জানিবাত্তে এচ্চ্যে।”

১ বংশধর 19:3

মাত্তর্‌ অম্মোনীয় নেতাগুনে হানূনরে কলাক্কে, “তুই কি মনে গরচ্‌, দায়ূদে তঅ বাবরে সর্মান দেগেবাত্তে তরে বুঝেবাত্তে মানুচ্‌ পাদেয়্যে? তে তারারে তইদু পাদেয়্যে যেনে তারা এস্‌পাই ইজেবে দেজ হবর্‌ নেযেইনে পরেন্দি সিয়েন্‌ ভস্ত গুরি দি পারন্‌।”

১ করিন্হীয় 13:5

ভান্ন্যেই বেবহার ন-গরে, নিজোর্ সুবিধের্ চেষ্টা ন-গরে, রাগ্ ন-গরে, কারঅ ভান্ন্যেই বেবহারর্ কধা মনত্ ন-রাগায়,

১ করিন্হীয় 13:7

কোচ্‌পানাগানে বেক্কানি সোজ্জ্য গরে, বেক্কুনোরে বিশ্বেজ্ গত্তে আয়োজি, বেক্কানিত্ আজা রাগায় আর বেক্ অবস্থাত্ থির্ থায়।