২ শমূয়েল 10:12 - Chakma Bible

¹² ন-দোরেয়ো; আমা মানুচ্চুনোত্তে আর আমা গোজেনর শঅরানিত্তে এজঅ, আমি ন-দোরেইনে যুদ্ধো গুরিই। লগেপ্রভুর চোগোত্‌ যিয়েনি গম্‌ তে সিয়েনিই গোরোক্‌।”

২ শমূয়েল 10:12 Iomraidhean Croise

২ শমূয়েল 10:11

যোয়াবে তা ভেইবোরে কলঅ, “যুনি অরামীয়গুনে মত্তুন্‌ বেশ্‌ বোলী অন্‌ সালে তুই মরে বল্‌ দিবাত্তে এবে, আর যুনি অম্মোনীয়গুনে তত্তুন্‌ বেশ্‌ বোলী অন্‌ সালে মুই তরে বল্‌ দিবাত্তে যেম্‌।

২ শমূয়েল 15:26

মাত্তর্‌ যুনি তে কয়, ‘মুই তঅ উগুরে হুজি নয়,’ সালে তে যিয়েন গম্‌ মনে গরে সিয়েনই মঅ উগুরে গোরোক্‌।”

১ বংশধর 19:13

সাহস গরঅ; আমা মানুচ্চুনোত্তে আর আমা গোজেন শঅরানিত্তে এজঅ, আমি সাহস নিইনে যুদ্ধো গুরিই। লগেপ্রভুর চোগেন্দি যিয়েন্‌ গম্‌ তে সিয়েনোই গোরোক্‌।”

২ বংশধর 32:7

“তুমি বোলি আর সাহসী অ। আসিরিয়ার রাজা আর তার্‌ দাঙর্‌ সৈন্যদল্লো দেগিনে তুমি ন-দোরেবা বা আজা ন আরেবা, কিত্যে তা লগে যিগুনে আগন্‌ তারাত্তুন্‌অ বেশ্‌ যিগুনে আমা লগে আগন্‌ তে আরঅ দাঙর্‌।

নহিমিয় 4:14

সে পরেন্দি মুই বেক্কানি দেগিনে-শুনিনে মুরুব্বীগুনোরে, দাঙর্‌ পোজিশনর্‌ কামগুরিয়্যেগুনোরে আর বাদবাগি মানুচ্চুনোরে কলুঙ্‌, “তারারে তুমি ন-দোরেবা। যে দাঙর্‌ আর দর্‌ জাগাইদে প্রভু, তা কধাগান মনত্‌ গরঅ আর তমা ভেই, ঝি-পূঅ, মোক্‌ আর ঘরত্তেই যুদ্ধো গরঅ।”

নহিমিয় 4:8

তারা বেক্কুনে মিলিনে এ কুজুরোমিগান্‌ গুরিলাক্‌, তারা যেইনে যিরূশালেমর বিরুদ্ধে যুদ্ধো গুরিবাক্‌ আর বেজাল্‌ আরাম্ভ গুরি দিবাক্‌।

ইষ্টের 4:16

“তুই যেইনে শূশনত্‌ থেইয়্যে বেক্‌ যিহূদীগুনোরে এগত্তর্‌ গর্‌ আর মত্তেই বেক্কুনে উবোস্‌ থাদোক্। তুমি তিন দিন সং রেদোত্‌ বা দিনোত্‌ কনঅ কিচ্ছু হানা-দানা ন-গুরিবা। তুমি যেধোক্কেন্‌ উবোস থেবা সেধোক্কেন্‌ মুই আর মর্‌ চাগরানীগুনেয়ো উবোস্‌ থেবাক্‌। সে পরেন্দি যুনিয়ো সিয়েন্‌ সুদোমর্‌ উল্লোমি অয় তো মুই রাজার ইদু যেম্‌। সেক্কে যুনি মত্তুন্‌ মরা পড়েদে অয় মুই মুরিম্‌।”

ইয়োব 1:21

“মা পেদত্তুন্‌ মুই লাংটা-বাংটা এচ্ছোং আর লাংটা-বাংটা যেম্‌। লগেপ্রভুই দিয়্যে আর লগেপ্রভুই নেযেয়্যে; লগেপ্রভুর বাঈনী ওক্‌।”

গণাণা 13:20

সিদুগোর্‌ মাদিত্‌ কি গম্‌ ক্ষেত-ক্ষেত্তি জর্মায়, না-কি ন-জর্মায়? সিয়েনত্‌ গাজবাজ্ আগন্‌, না-কি নেই? সে জাগানত্তুন্ কয়েক্কো গুলো-গুলি লোই আনিবাত্তে তুমি অমকদ চেট্টা গুরিবা।” সে অক্তত্‌ বানা আংগুর্‌ তুলোনা আরাম্ভ ওইয়্যে।

১ করিন্হীয় 16:13

তুমি সজাক্ থাগঅ, বিশ্বেজত্ থির্ থাগঅ, সাহজী আর বলবান অ।

দ্বি’লম্বর বিররণ 31:6

তুমি দরঅ মরঅ অ আর মনত্‌ বুক্‌ বানঅ। তারারে দেগিনে তুমি ন-দোরেয়ো বা গির্‌ ন গিরেবা, কিত্যে তমার গোজেন লগেপ্রভু তমার লগে লগে যেবঅ। তে কনদিনঅ তমারে ছাড়িনে ন-যেবঅ বা বাদ ন-দিবো।”

দ্বি’লম্বর বিররণ 31:7

ইয়েনর পরেন্দি মোশি যিহোশূয়রে ডাগিলো আর বেক্‌ ইস্রায়েলীয়গুনোর মুজুঙোত্‌ তারে কলদে, “তুই দরমর অ আর মনত্‌ বুক্‌ বান, কিত্যে তত্তুনোই এই মানুচ্চুনো সমারে সেই দেজত্‌ যাহ্ পুরিবো যে দেজ্‌ছান ইগুনোরে দিবার শমক্‌ লগেপ্রভু ইগুনোর পুরোণি মানুচ্চুনো ইদু গোজ্যে। তত্তুনোই সেই দেজ্‌ছান সোম্বোত্তি ইজেবে ইগুনো ভিদিরে ভাগ গুরি দিয়্যে পুরিবো।

ইব্রীয় 11:33

বিশ্বেজর্ মাধ্যমে তারা রেজ্য জিত্যন্, দোল্ বিচের্ গোজ্জ্যন, গোজেন এগেমর্ পূর্ণতাগান লাভ গোজ্জ্যন, সিংহগুনো মুয়োন বন্ধ গোজ্জ্যন্,

ইব্রীয় 13:6

ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?

যিহোশূয় 1:18

কনজনে যুনি তর্‌ কনঅ‌ উগুমোর বিরুদ্ধে যেইনে তর্‌ কধামজিম্‌ ন-চলন্‌ সালে তারে মারে ফেলা অবঅ‌। তুই বানা বলী অ আর সাহস্‌ গর্‌।”

যিহোশূয় 1:9

মুই তরে উগুম দুয়োঙর, সেনত্তেই তুই বোলী অ আর মনত্‌ সাহস আন্‌। ন-দোরেচ্‌ বা ঝিমেয়্যে ন-ওস্, কিত্যে তুই যিয়োদোই যেদে সাৎ তর্‌ গোজেন লগেপ্রভু তঅ‌ লগে থেবঅ‌।”

বিচের গুরিয়্যেগুন 10:15

মাত্তর্‌ ইস্রায়েলীয়গুনে লগেপ্রভুরে কলাক্‌, “আমি পাপ গোজ্যেই। তর্‌ যিয়েনি গম্‌ মনে গরচ্‌ আমা উগুরে সিয়েনোই গর্‌, মাত্তর্‌ দোয়্যে গুরিনে এবেরা তুই আমারে রোক্ষ্যে গর্‌।”

১ শমূয়েল 14:12

তারার তাম্বুলোর্ সৈন্যগুনে যোনাথন আর তার বন্দুক বোইয়্যে মানুচ্চোরে কলাক্, “আমা ইদু উদি আয়, তমারে দেগেই দুয়োঙর্‌।” সেক্কে যোনাথনে তার বন্দুক বোইয়্যে মানুচ্চোরে কলদে, “মর্‌ পিজে পিজে উদি আয়। লগেপ্রভু ইস্রায়েলীয়গুনোর আঢত্‌ তারারে দি রাগেয়্যে।”

১ শমূয়েল 14:6

যোনাথনে তার বন্দুক বোইয়্যে গাবুজ্যেবোরে কলদে, “আদঅ, আমি উই পারত্‌ সেই চুনুগুলোবো তনা ন-গোজ্যে মানুচ্চুনোর তাম্বুলোত্‌ যেই। অয়ত লগেপ্রভু আমাত্তে কিজু গুরিবো, কিত্যে তে তার নিজোর মনে মন্‌‌জক্কাগুরি কম মানুচ্চোই ওক্‌ বা বেশ্‌ মানুচ্চোই ওক্‌ জিদি যেই পারে।”

১ শমূয়েল 17:32

দায়ূদে শৌলরে কলঅ, “সেই পলেষ্টীয়বোরে দেগিনে কারত্তুন্‌ দোরেবার্‌ দরকার নেই। তর্‌ এই চাগর্‌‌বো যেইনে তা সমারে যুদ্ধো গুরিবো।”

১ শমূয়েল 3:18

সেক্কে শমূয়েল এলিরে বেক্‌ কধানি ভাঙি কলঅ, কিচ্ছু ন-লুগেল। সিয়েনি শুনিনে এলি কলঅ, “তেয়ই লগেপ্রভু; তাইদু যিয়েন গম্‌ লাগে তে সিয়েনই গোরোক্।”

১ শমূয়েল 4:9

ও পলেষ্টীয়গুন, তুমি বুগোত্‌ সাহস বানঅ। তুমি যে মরদপূঅ সিয়েন দেগেই দুয়ো। সিয়েন ন-দেগেলে সেই ইব্রীয়গুনে যেধোক্ক্যেন্ তমার চাগর ওইয়োন সেধোক্ক্যেন্ তুমিয়ো তারার চাগর ওইনে থেবাক্। তুমি যে মরদ পূঅ সিয়েন দেগেই দুয়ো আর যুদ্ধো গরঅ।”