২ শমূয়েল 1:26 - Chakma Bible

²⁶ হায় যোনাথন, মঅ ভেইবো! তত্যেই মর্‌ অমকদ দুঃখো। মইদু তুই কত্তমান কোচ্‌‌পেইয়্যে; মত্তে তর্‌ কোচ্‌পানা এলঅ মিলেগুনোত্তুন্‌‌অ বেশ্ কোচ্‌পানাগান অমকদ এলঅ।

২ শমূয়েল 1:26 Iomraidhean Croise

২ শমূয়েল 1:27

হায়, কেন্‌‌জানগুরি বীর মানুচ্চুনে ভস্ত ওই গেলাক্, আর বর্‌‌বাদ্ গেলঅ তারার যুদ্ধোর্ অাত্যেরানি!”

গম্ উপদেজ্ 18:24

যিবের সমাজ্যে বেশ্ তার দজা ঘুদি যেই পারে, মাত্তর্ এমন্ সমাজ্যে আগন যে ভেইয়োত্তুন্‌অ বেশ্ বিশ্বেজি।

১ শমূয়েল 19:2

তে দায়ূদোরে কলঅ, “মঅ বাপ্‌‌পো শৌল তরে মারে ফেলেবার চেট্ট্যা গরের্‌। শুনিচ্‌, তুই কেল্যে বেন্যে গমেডালে থেচ্‌। এক্কান গুমুরো জাগাত্‌ যেইনে পৌল্যেই থেচ্‌।

১ শমূয়েল 20:17

যোনাথনে দায়ূদোরে নিজো ধোক্ক্যেন্‌ কোচ্‌পেদ বিলিনে তে দায়ূদোরে দিইনে তা উগুরে দায়ূদোর কোচ্‌পানার শমক্‌কান্‌ আরঅ গুরি নিলো।

১ শমূয়েল 20:41

চিগোন পূঅবো যানার পরেন্দি দায়ূদে সে পাত্তর্‌বোর ডেনেন্দিত্তুন্‌ উদি এলঅ। তে যোনাথনর্ মুজুঙোত্‌ মাদিত্‌ মাদা নিগিরিনে তিনবার তারে সালাম গুরিলো। সে পরেন্দি তারা একজন আরেকজনরে চুমোচুমি গুরিনে কানা ধুরিলাক্, মাত্তর্‌ দায়ূদে বেশ্‌ কানিলো।

১ শমূয়েল 23:16

ইন্দি শৌলর পূঅ যোনাথনে হরেশত্‌ দায়ূদো ইদু যেইনে তারে গোজেন উগুরে নির্ভর গুরিবাত্তে উচ্চোমি দিলো।