২ শমূয়েল 1:13 - Chakma Bible

¹³ যে গাবুজ্যেবো এ হ্‌বরান আন্যে দায়ূদে তারে পুযোর্‌ গুরিলো, “তুই কুদুগোর্‌ মানুচ্?” জোবত্‌ তে কলঅ, “মুই এ দেজর্‌ বজত্তি গোজ্যে এক্কো বিদেশী মানজ্যর্‌ পূয়ো, এক্কো অমালেকীয়।”

২ শমূয়েল 1:13 Iomraidhean Croise

পত্থম 14:7

সে পরেদি এ রাজাগুনে ঘুরি যেইনে ঐনমিষ্পট, অত্তাৎ কাদেশত্‌ গেলাক তারা অমালেকীয়গুনোর পুরো দেজ্‌ছান্‌ জিদি নেযেয়োন্‌ আর হৎসসোন-তামর শঅরত্‌ যে ইমোরিয়োগুনে এলাক তারারে ওদেই দিলাক্।

২ শমূয়েল 1:8

তে মরে পুযোর্‌ গুরিলো, ‘তুই কন্না?’ জোবত্‌ মুই কলুং, ‘মুই এক্কো অমালেকীয়।’

১ শমূয়েল 30:13

দায়ূদে মানুচ্চোরে পুযোর্‌ গুরিলো, “তুই কার্‌ মানুচ্? কুত্তুন্‌ এচ্ছোস্‌?” মানুচ্চো কলঅ, “মুই এক্কো মিসরীয় গাবুজ্যে, এক্কো অমালেকীয়গুনোর চাগর্‌। এচ্চ্যে তিন দিন অলঅ মর্‌ অসুখ ওইয়্যে, সেনত্যেই মর্‌ গিরোজ্‌সো মরে ফেলেই যেয়েগোই।