২ শমূয়েল 1:11 - Chakma Bible

¹¹ এ কধাগান শুনিনে দায়ূদ আহ্‌ তা সমারে এলাক্কে মানুচ্চুনে নিজো কাবড়ানি ফাদিলাক্‌।

২ শমূয়েল 1:11 Iomraidhean Croise

পত্থম 37:29

পরেদি রূবেণে সে গাত্তো ইধু যেইনে যোষেফরে ন-দেগিনে দুগে তা কাবড়ান ফাদি ফেলেইনে ভেইয়ুনো মুজুঙোত যেইনে কলঅ, “যোষেফে দঅ সে গাদ্‌তোত্‌ নেই। মুই ইক্কিনে কি গুরিম?”

পত্থম 37:34

যাকোবে তা কাবড়ানি পাদিনে কমরত্‌ বস্তা পিনিনে তা পুয়োবোত্তে ভালোক্‌ দিন সং আবিলেচ্ গুরিলো।

পত্থম 44:13

এ বেপারান্‌ দেগিনে তারা নিজো কাবড়ানি ফাদিলাক্। সে পরেদি তারা গাধা পিদিত্‌ বস্তাগুন্‌ তুলিনে আরঅ শহরঅ মোক্কে ফিরি গেলাক।

২ শমূয়েল 13:19

সেক্কে তামরে নিজো মাধাবোথ্‌ ছেই দিলো আর তা উজ্যেদে সিলুম্মো ফাদি ফেলেল। সে পরেন্দি তে মাধাত্‌ আঢ্ দিইনে গুজুরি গুজুরি কানদে কানদে গেলগোই।

২ শমূয়েল 13:31

এ কধাগান শুনিনে রাজা থিয়্যেইনে নিজো কাবড়ান ফাদিনে মাদিত্‌ পুরিলো। তা কামগুরিয়্যেগুনে বেক্কুনে নিজো নিজো কাবড় ফাদিনে তা কায়-কুরে থিয়্যেই রলাক্।

২ শমূয়েল 3:31

ইয়েনর্ পরেন্দি দায়ূদ যোয়াব আর তা সমারে বেক্‌ মানুচ্চুনোরে কলাক্, “তুমি যার্‌ যার্‌ কাবড়ানি ফাদিনে বস্তাফাদা উরো আর আবিলেচ্‌ গত্তে গত্তে অব্‌নেরর্‌ মরাকিয়্যেগানর্ আগলত্যা আগলত্যা আঢঅ।” মরাকিয়্যেগান বুয়োই নেযেবার খাট্‌তানর পুনে পুনে রাজা দায়ূদে নিজেয়ো আঢিলো।

২ রাজাবলী 5:7

ইস্রায়েলর রাজা সে চিদিগান পুরিপারাই তা কাবড়ান্‌ ফাদিনে কলঅ, “মুই কি গোজেন? মুই কি মারে ফেলেইনে আরঅ জিংকানিগান্‌ দি পারং? ফারাঙিত্তুন্‌ গম্‌ অবাত্তে কিত্তে এ মানুচ্চো মইদু একজনরে পাদেয়্যে? চঅ, কিঙিরিনে তে মঅ লগে কোল্‌-কোজ্যে বাজেবাত্তে চেট্ট্যা গরের্‌।”

২ বংশধর 34:27

‘এ জাগায়ান্‌ আর তা মানুচ্চুনো বিরুদ্ধে মুই যিয়েনি কোইয়োং সিয়েনি শুনিনে তঅ মনান্‌ সিয়েন্দোই সাড়া দিয়্যে আর মঅ মুজুঙোত্‌ তুই নিজোরে চিগোন্‌ গোজ্যস্‌ আর তঅ পোজাক্কান্‌ ফাদিনে মইদু কানাকুদি গোজ্যস্‌। তুই ইয়েনি গোজ্যস্‌ বিলিনে মুই লগেপ্রভু তর্‌ তবনাগান্‌ শুন্যং।

ইষ্রা 9:3

এ কধাগান শুনিনে মুই মনত্ দুঘে মর্ উজ্যে কাবড়ানি ফাদি ফেলেলুং আর মর্ মাঢাবো চুলানি আর দাড়িগানি ছিনিনে আমক্ ওইনে বোই রলুং।

ইষ্টের 4:1

পুরো হবরান্‌ জানি পারিনে মর্দখয় উজ্যে কাবড়ান্‌ ফাদিনে বস্তা ফাদা উরিলো আর ছেই গুলিনে শঅর ভিদিরে যেইনে রঅ ছাড়ি ছাড়ি অমকদ কানা ধুরিলো।

যিরমিয় 36:24

রাজা আর তার যিদুক্কুন মান্‌জ্যে সে কধানি শুনিলাক্ তারা নয়ো দোরেলাক্ বা তারার কাবড়ানিয়ো ন-ফাদিলাক্।

যোয়েল 2:13

তমা পোজাক্কানি ন-ফাদিনেই মনান্ ফাদি ফেলঅ। তমা গোজেন লগেপ্রভু ইধু ফিরি এজঅ, কিত্যে তে দোয়্যেবলা আর মেয়্যেলোই ভরা; তে সহজে বেজার্ ন-অয়, তার অমকদ কোচ্‌‌পানার দুযি নেই আর তে মনান্ বুদুলিনে আর্ সাজা ন-দে।

প্রেরিত্‌ 14:14

বার্ণবা আর পৌলে সে কধাগান শুনিনে নিজো কাবড়ানি ফাদিনে ধাবা দিইনে মানুচ্চুনো ইধু গেলাক্ আর রঅ ছাড়িনে কলাক্,

রোমীয় 12:15

যিগুনে ফুত্তি গরন্ তারা সমারে হুজি অ; যিগুনে কানন্ তারা সমারে কানঅ।

যিহোশূয় 7:6

সেক্কে যিহোশূয় আর ইস্রায়েলীয়গুনোর বুড়ো নেতাগুনে নিজোর কাবড়ানি ফাদিনে লগেপ্রভুর সুন্দুগোর মুজুঙোত্‌ সাজোন্যা সং মাদি উগুরে মাদা নিগিরিনে রলাক্‌। তারা নিজোর মাদা উগুরে ধূল্যে ছিদি দিলাক্‌।