২ পিতর 3:7 - Chakma Bible

⁷ আর গোজেনর্ সেই একই কধালোই ইক্কিনে আগাজ্‌চান আর পিত্‌থিমীগান আগুনোত্ পুড়ি দিবাত্যে থুয়ো ওইয়্যে; গোজেন উগুরে ভোক্তি নেইয়্যে মানুচ্চুনোর বিচের আর ভস্তর্ দিন্নো সং সিয়েন রোক্ষ্যে গরা অর্।

২ পিতর 3:7 Iomraidhean Croise

গীতসংহিতা 102:26

সিয়েনি ভস্ত ওই যেবঅ, মাত্তর্ তুই জিংকানিবর্ থেবে। কাবড় ধোক্ক্যেন সিয়েনি পূরোণ ওই যেবঅ; সিয়েনি তুই কাবড় ধোক্ক্যেন বুদুলি দিবে, আর সিয়নি ফেলেই দিয়্যে পুরিবো।

গীতসংহিতা 50:3

আমা গোজেনে এজের্, তে মুয়োন খুলিবো; আগুনানে তার্ আগে আগে বেক্কানি জ্বালেইনে পুড়িনে দি দিবো; আর তার্ চেরোকিত্তে অমকদ ঝড় বেবঅ।

যিশাইয় 51:6

তুমি আগাজ ইন্দি রিনি চঅ আর তলেদি পিত্‌থিমীগান ইন্দি রিনি চঅ। আগাজ্‌‌‌চান ধূমো ধোক্ক্যেন অদাদত্ লুগিবো, পিত্‌‌‌‌থিমীগান কাবড় ধোক্ক্যেন পুরোণ ওই যেবঅ আর তা আদাম্মেগুনেয়ো মুরি যেবাক্। মাত্তর্ মর্ দিয়্যে উদ্ধোরান উমরত্তে থিদেবর্ অবঅ আর মর্ সততাগান উমরত্তে থেবঅ।‌

যিশাইয় 66:15

চঅ, লগেপ্রভু আগুনো ভিদিরেদি এবঅ আর তা রথ্‌‌তানি টুত্যেবোইয়্যের ধোক্ক্যেন এবঅ। তা রাগ্‌কান তে দর্‌‌‌‌‌গরেপারা ফগদাং গুরিবো, আর তা গেইল্ দেনাগান আগুনো জিল্‌‌‌‌‌লোই ফগদাং অবঅ।‌

দানিয়েল 7:9

পরেদি মুই দেগিলুং কয়েক্কান সিংহাসন রাগা অলঅ আর অমকদ বুড়ো এক্কো তা সিংহাসনানত্ বুজিলো। তা কাবড়-চুগোড়ানি বরফ ধোক্ক্যেন ধুব্ আর তা মাঢাবো চুলানি ধুব্ কেজ ধোক্ক্যেন। তার সিংগাসনান্ আর সিংহাসনর চাক্কাগুন যেন আগুনো ধোক্ক্যেন জ্বলের্।

সফনিয় 3:8

“ও যিরূশালেম, তুই মত্তে বাজ্জেই থাগ্; যেদিন্যে মুই জাদ্‌‌‌‌তুনো বিরুদ্ধে সাক্ষি দিবাত্তে থিয়্যেম্ তুই সেদিন্নোত্তে বাজ্জেই থাগ্। মুই ঠিগ্ গোজ্যংগে, জাদ্‌তুনোরে মুই এগত্তর্ গুরিম, রেজ্যগানি এগত্তর্ গুরিম আর তারা উগুরে মর্ অমকদ অহুজিগান, মর্ জ্বোল্‌‌‌‌‌জোল্যে রাগ্‌‌‌‌‌কান ঢালি দিম। মর্ মনর্ জ্বালার্ আগুনে গোদা পিত্‌‌‌‌থিমীগান পুড়ি যেবঅ। গোটা জগৎতান্ পুড়ি যেবঅ।

মালাখি 4:1

বেগত্তুন্ খেমতাবলা লগেপ্রভু কত্তে, চঅ, সেদিন্নো এজের্, সিবে চুলো আগুনো ধোক্ক্যেন জুলিবো। সেদিন্যে বেক্ বাড়্‌বো গোজ্যে মানুচ্চুন আর অন্যেয়গুরিয়্যেগুনে নাড়া ধোক্ক্যেন্ অবাক্ আর পুড়ি যেবাক্। এক্কান শিঙোর্ বা এক্কান ডেলায়ো বাগি ন-থেবাক্।‌‌‌‌‌‌

মথি লেখ্যে গম্ হবর্ 10:15

মুই তমারে ঘেচ্চেকগুরি কঙর্, বিচের দিনোত্ সেই আদামত্তুন্ বরং সদোম আর ঘমোরা শঅরর্ অবস্থা বজমান্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 11:22

মুই তমারে ঘেচ্চেকগুরি কঙর্, বিচের দিনোত্ সোর আর সীদোনর অবস্থা বরং তমাত্তুন্ বেশ্ বোউত্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 11:24

মুই তমারে ঘেচ্চেক্‌গুরি কঙর্, বিচার দিনোত্ সদোমর অবস্থা বরং তমাত্তুন্অ বেশ্ বোউত্ সোজ্য গরেদে ধোক্ক্যেন্ অবঅ।”

মথি লেখ্যে গম্ হবর্ 12:36

মাত্তর্ মুই তমারে কঙর্, মান্‌জ্যে যেদক্কানি বাজে কধা কন্, বিচের দিনোত্ সিয়েনির পত্তি কধার্ ইজেব্ তারার্ দিয়্যে পড়িবো।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মার্ক 6:11

কনঅ জাগার্ মানুচ্ যুনি তমারে মানি ন-লন্ বা তমা কধা ন-শুনোন্, সালে সে জাগায়ান্ ফেলে যেবার অক্তত্ তমা টেঙর্ ধূল্যেগানি ঝাড়ি ফেলেয়ো যেন সিয়েনই তারা বিরুদ্ধে সাক্ষি অয়।”

যোহন 12:48

যে মরে খিয়্যে ন-গরে আর মঅ কধা ন-শুনে তাত্যে বিচের্ গুরিয়্যে আঘে। যে কধাগান্ মুই কোইয়োং সেই কধাগান্ শেজ্ দিনোত্ তারে দুষী বিলিনে প্রমাণ গুরিবো;

রোমীয় 2:5

মাত্তর্ তঅ মনান্ দরঅ; তুই দঅ পাপত্তুন্ মনান্ ফিরেবার ন-চাজ্। সেনত্তে যেদিন্ন্যে গোজেনর্ রাগ্‌কান্ ফগদাং পেবঅ সেই দিন্নোত্তে তুই তর্ পাওনা সাজা থুবেই থর্। সেই সময়োত্ গোজেনর্ ন্যায়বিচের্ ফগদাং পেবঅ।

১ করিন্হীয় 3:13

সালে তে কিবাবোত্যে কাম্ গোজ্জ্যে সিয়েন গমেদালে দেগা যেবঅ। বিচের দিনোত্ সিয়েন ফগদাং অবঅ, কিয়া সেদিন্নোর্ ফগদাঙান্ আগুনো মাধ্যমে অবঅ। কার্ কাম কিবাবোত্যে সিয়েন আগুনানে যাচাই গুরিবো।

ফিলিপীয় 1:28

যিগুনে তমা বিরুদ্ধে আঘন্ তারা ইন্দিত্তুন্ কনঅ কিজুলোই তুমি ন-দোরেইয়ো। ইয়েন্দোই প্রমাণ অবঅ যে, তারা ভস্ত অবাত্যে যাদন্ আর তুমি উদ্ধোর্ পেবাত্যে যর্; আর এ উদ্ধোরান গোজেনত্তুন্ এজে।

২ থিষলনীকীয় 2:3

কেঅ যেন কনঅ বাবদে তমারে ভুল্ পধেদি ন-নেযায়; কিয়া সেই দিন্নো এবার আগেদি গোজেনর্ বিরুদ্ধে জদবদে বিদ্রোহ অবঅ আর সেই অবাধ্যবলা মরদ, যিবের্ ভস্ত অবার কধা আঘে, তে ফগদাং অবঅ।

১ তীমথিয় 6:9

মাত্তর্ যিগুনে থাগোইয়্যে অবাত্যে চায় তারা নানান্ পোরোক্ষ্যেত্ আর ফালত্ পরন্, আর এমন্‌ বাজে আর ক্ষতি গুরিবার আওজ্ তারার্ মনত্ উদে যিয়েনি মান্‌জ্যরে ভস্ত আর সর্বনাজ্ গরে।

ইব্রীয় 12:29

আমা গোজেনে ভস্ত গুরিয়্যে আগুনো ধোক্ক্যেন।

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

১ যোহন 4:17

এবাবোত্যে গুরি কোচ্‌পানাগানে আমা মনভিদিরে পেলেং পেলেং অয়, যেন বিচের দিনোত্ আমি সাহস পেই, কিয়া এই জগদত্ আমা জিংকানিগান তা জিংকানিগান ধোক্ক্যেন।

যিহূদা 1:7

সদোম, ঘমোরা আর তারার্ কায়কুরে বেক্‌ শঅরর্ মানুচ্চুনেয়ো ঠিগ তারা ধোক্ক্যেন পর্‌‌‌‌পাগোল্যে, এন্‌ কি, অমকদ পর্‌‌‌‌পাগোল্যে এলাক্। যিগুনে উমরর্ আগুনোত্ পুড়ি যেবার সাজা পেবাক্ ইগুনে সিগুনোর্ চিহ্নো ওই আঘন্।

ফগদাং পেইয়্যে 17:11

যে য়েমান্নো আগে এলঅ মাত্তর্ ইক্কুনি নেই তে সেই সাতজন ভিদিরে একজন অলেয়ো তে আস্‌তো লম্বর রাজা; তে উমর সং সাজা ভুগিবো।

ফগদাং পেইয়্যে 17:8

যে য়েমান্নোরে তুই দেখ্যচ্ তে আগে এলঅ মাত্তর্ ইক্কুনি নেই। যেরেদি তে সেই সুরুঙো গাঢ্‌তোত্তুন্ উদি এইনে উমর্ সং সাজা ভুগিবো। সেক্কে যিগুনে এই পিত্‌থিমীর, অত্তাৎ জগদ্‌তান সৃট্টির সময়োত্তুন্ ধুরি যিগুনোর্ নাঙানি জিংকানি-বোইয়োত্ লেগা নেই তারা সেই য়েমান্নোরে দেগিনে আমক্ ওই যেবাক্; কিয়া য়েমান্নো আগে এলঅ, ইক্কিনে নেই, অদচ আরঅ দেগা দিবো।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।

ফগদাং পেইয়্যে 21:1

সে পরেদি মুই এক্কান নুয়ো স্বর্গ আর এক্কান নুয়ো পিত্‌থিমী দেগিলুং। পত্তম স্বর্গগান আর পত্তম পিত্‌থিমীগান থুম্ ওই যেয়্যে আর সাগরান্‌অ আর দেগা ন-গেলঅ।