২ পিতর 3:16 - Chakma Bible

¹⁶ তার বেক্‌ চিধিগানিত্ তে ইয়েনি পৌইদ্যেনে এই একই কধা লিগি থায়। সিয়েনি ভিদিরে খালিক্ কদক্কানি বেপার আঘে যিয়েনি বুঝোনা আগাত্ত্যা। সেনত্যে যিগুনে শিচ্চ্য অবার শিক্ষ্যে ন-পান আর যিগুনো মনানি চুলুবুলু তারা অন্য বোইয়ো ধোক্ক্যেন ইয়েনির্ অত্তগানি ঘুরেই কোইনে নিজোর্ ভস্ত অনাগান ডাগি আনন্।

২ পিতর 3:16 Iomraidhean Croise

পত্থম 49:4

মাত্তর্‌ তুই যেন গঙার পানি ধোক্ক্যেন, সেনত্তে তর্‌ সে অজল্ জাগায়ান্ আর ন-থেবঅ। মঅ মোক্কো ইধু যেইনে তুই মঅ বিচ্ছোনানত্ ফি বাজেই দুয়োচ্।

১ রাজাবলী 10:1

শলোমনর্ সুনাঙ্‌ আর তা মাধ্যমে ফগদাং পেইয়্যে লগেপ্রভুর বাঈনীগানর্ কধা শুনিনে শিবা দেজর রানী আগাত্যে কধালোই পুজোর্‌ গুরিনে তারে জগা চেবাত্তে এলঅ।

গীতসংহিতা 56:5

তারা নিত্য মঅ কধানি উগুরে বজং মনে গরন্ আর মরে ক্ষতি গুরিবার চিন্তলোই থান্।

যাত্রা 23:2

দশজনে অন্যেয়্‌ গোজ্যন্‌ বিলিই‌ তুইয়ো সেধোক্ক্যেন গুরিবাত্তে ন-যেচ্‌। কনঅ‌ মকদ্দমাত্‌ সাক্ষী দিবাত্তে যেইনেই মানুচ্ বেশ্ আগন্দে ইন্দি মিজেইনে ন্যায় বিচেরত্‌ মানা ন-গুরিচ্‌।

যাত্রা 23:6

“কনঅ‌ নাদা মান্‌জ্যর্‌ মকদ্দমাত্‌ অন্যেয় বিচের্‌ ন-গুরিবা।”

যিরমিয় 23:36

মাত্তর্ তুমি যেন আর কনদিন্‌অ ন-কঅ, ‘লগেপ্রভুর কধাগান ইয়েন,’ কিত্তে পত্তি মানুচ্ নিজোর কধানরে গোজেনর কধা বানায়। এবাবোত্যেগুরি তুমি জেদা গোজেনর, তমা বেগত্তুন খেমতাবলা লগেপ্রভুর কধানি বেঙা গরঅ।”

হবক্‌‌‌‌কূক 1:4

সুদোমানি খেমতানেইয়্যে ওই পোজ্যে আর কনদিন্‌অ ন্যায়বিচের্ ন-অর্। গম্ মানুচ্চুনোত্তুন্ পাজিগুনোর্ খেমতা বেশ্ বিলি বিচের্ উগুদো অর্।

মথি লেখ্যে গম্ হবর্ 15:3

জোবত্ যীশু কলঅ, যে সুদোমান্ পালেই এজর্ সিয়েনত্তে তুমিই বা কিত্তে গোজেনর্ উগুমান্ অমান্য গরর্?

মথি লেখ্যে গম্ হবর্ 15:6

সালে মা-বাবরে তার আর সর্মান গুরিবার দরকার্ নেই। তমার্ এই বেক্ নিজো সুদোমানিত্তে তুমি গোজেন কধানি বাদ্ দুয়ো।

মথি লেখ্যে গম্ হবর্ 22:29

যীশু তারারে কলঅ, “তুমি ভুল্ গরর্, কিয়া তুমি পবিত্র বোইয়ো ন-জানঅ, গোজেন খেমতার্ পৌইদ্যেনেয়ো ন-জানঅ।

দ্বি’লম্বর বিররণ 16:19

তুমি অন্যেয়গুরিনে বিচের ন গুরিবা বা কারঅ পক্ষ ন নেযেবা। তুমি ঘুষ ন নেযেবা, কিত্যে ঘুষ জ্ঞানী মানুচ্চুনোর চোক্কুন কান্‌ গুরি দে আর নিদ্দুষী মানুচ্চুনোর কধাত্‌ প্যাঁচ লাগেই দে।

ফিলিপীয় 3:19

তারার্ ভাগ্যত্ আঘেদে ভস্ত অনা; পেট্টো অলঅ তারার্ গোজেন; যিয়েন লাজেবার্ বেপার সিয়েন্দোই তারা দেমাগ্ গরন্; আর বানা জাগতিগ পৌইদ্যেনে তারার্ মনানি পড়ি আঘে।

ইব্রীয় 5:11

এ পৌইদ্যেনে বোউত কধা আমার কবার্ আঘে মাত্তর্ সিয়েনি বুঝেইনে কনা আগাত্ত্যে, কিয়া আত্মিক সত্যগান তুমি সহজে বুঝি ন-পারঅ।

যাকোব 1:8

তে দ্বি-মনা মানুচ্‌ আর তার বেক্‌ কামানিত্ থির্ নেইয়্যে।

১ পিতর 1:1

গোজেনর্ যিদুক্কুন বেঈ লোইয়্যে মানুচ্ পন্ত, গালাতিয়া, কাপ্পাদকিয়া, এশিয়া আর বিথুনিয়া রেজ্যত্ ছিদি পড়িনে বিদেশী ইজেবে বজত্তি গত্তন্, তারা ইধু মুই যীশু খ্রীষ্টর দূত পিতরে এ চিধিগান লেগঙর্।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।

২ পিতর 2:1

মাত্তর্ ইস্রায়েলীয়গুনো ভিদিরে যেধোক্ক্যেন ফক্কর্ ভাববাদী এলাক্ সেধোক্ক্যেন তমা ভিদিরেয়ো ফক্কর্ মাষ্টর থেবাক্। তারা চুবেচুবে এন্‌ ভুল শিক্ষ্যে আনিবাক্ যিয়েনি মান্‌জ্যরে ভস্ত গুরি দিবো; এন্‌ কি, যিবে তারারে কিন্ন্যে সেই প্রভুরেয়ো তারা অস্বীগের্ গুরিবাক্। এবাবোত্যে গুরি তারা যাদিমাদি নিজো উগুরে ভস্ত অনাগান ডাগি আনিবাক্।

২ পিতর 2:14

তারার চোগ্‌কুন্ পরপাগোল্যেলোই ভরা আর তারা পাপ-কাম গরানা কনঅ দিনঅ ন-থামান। যিগুনে চুলুবুলু সিগুনোরে তারা লুভ্ দেগেইনে ভুল পধেদি নেযান্। তারার্ মনানি বানা লুভ গুরিবাত্যে শিক্ষ্যে। তারা উগুরে অভিশাব্ আঘে। তারা উজু পথ্‌তান ফেলেইনে ভুল পধেদি যেইয়োন।

২ পিতর 3:14

কোচ্‌পেইয়্যে ভেইয়ুন, তুমি ইক্কিনে ইয়েনি বেক্কানিত্যে বাজ্জেই আঘঅ বিলিনে মনেপরাণে চেষ্টা গরঅ যেনে তে এইনে তমারে থুদো নেইয়্যে ওইনে নিদ্দুজি অবস্থায় সুগে-শান্দিয়্যে বজত্তি গত্তে দেগেগি।

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

যিহূদা 1:4

ইয়েনর্ দরকার আঘে, কিয়া যে মানুচ্চুনোর্ সাজা পৌইদ্যেনে আগেদি বোইবোত্ লেগা ওইয়্যে তারা তমা ভিদিরে চুবেচুবে সোমেয়োন্দি। গোজেন উগুরে এ মানুচ্চুনোর ভোক্তি নেই; আমার গোজেনর্ দোয়্যেগানরে তারা ভান্ন্যেই এক্কান তালি দেনা মনে গরন আর যিবে আমার এক্কো গুরি গিরোজ্ আর প্রভু সেই যীশু খ্রীষ্টরে তারা অস্বীগের্ গরন্।