২ পিতর 3:15 - Chakma Bible

¹⁵ মনত্ রাগেয়ো, মান্‌জ্যরে পাপত্তুন্ উদ্ধোর্ পেবার সুযোগ দিবাত্যে আমা প্রভু ধৈজ্জ্য ধুরি আঘে। এই একই কধা আমার পরাণর্ ভেই পৌল-অ গোজেনর্ দিয়্যে জ্ঞানে তমা ইধু লেখ্যে।

২ পিতর 3:15 Iomraidhean Croise

১ রাজাবলী 3:12

সেক্কে তুই যিয়েনি চেইয়োচ্‌ সিয়োনোই মুই তরে দুয়োং। মুই তর্‌ মনানত্‌ এন্‌ জ্ঞান আর বিচের্‌বুদ্ধি দিলুং যিয়েনত্তে দেগা যেবদে, ইয়েনর্‌ আগেন্দি ত ধোক্ক্যেন্‌ আর কনজন ন-এলাক্‌ আর পরেন্দিয়ো ন-অবাক্‌।

১ রাজাবলী 3:28

রাজার দিয়্যে রায়য়ান শুনিনে ইস্রায়েলর বেক্কুনোর মনত্‌ রাজার্ উগুরে ভোক্তিপূর্ণ দর্‌ জাগি উদিলো, কিত্যে তারা দেগিলাক্, দোলবিচের্‌ গুরিবাত্তে তার মনত্‌ গোজেনর দিয়্যে জ্ঞান রোইয়্যে।

১ রাজাবলী 4:29

গোজেন শলোমনরে সাগর পার ধূল্যেকণা ধোক্ক্যেন বোউত্‌ জ্ঞান, বিচের্‌বুদ্ধি আর বুঝিবার খেমতা দান গুরিলো।

ইষ্রা 7:25

ও ইষ্রা, গোজেনর্ বেপারে তর্ যে জ্ঞানান্ আঘে সেই মজিম্ তুই ইউফ্রেটিস গাঙর্ পোজিম্ পারর্ বেক মানুচ্চুনোরে বিচেরত্যে এমন কামগুরিয়্যে আর বিচেরক্ নেযেবে যিগুনে তর্ গোজেনর্ দিয়্যে রীদি-সুদোম জানন্। যিগুনে সিয়েনি ন জানন্ তুমি তারারে সিয়েনি শিক্ষ্যে দিবা।

যাত্রা 31:3

মুই এই বৎসলেলরে গোজেনর্‌ আত্মালোই পরিপূরোণ গোজ্যং। মুই তারে জ্ঞান, বুদ্ধি, অভিজ্ঞতা আর নানান্‌ বাবত্যে কালিগরি কামর্‌ খেমতা দিইনে রাগেয়োং।

যাত্রা 31:6

ইয়েনি বাদে তারে এজাল্‌ দিবাত্যে মুই দান-গুট্টির অহীষামকর্‌ পূঅ অহলীয়াবকরেয়ো বেঈ লোইয়োং। যিদুক্কুন কাবিল্ কালিগরে এই কামানি গুরিবাক্ তারারেয়ো মুই এমন্‌ জ্ঞান দিইনে রাগেয়োং যেনে তরে দিয়্যে মর্‌ উগুম্‌ মজিম্ তারা বেক্‌ জিনিস্‌ছানি বানেই পারিবাক্। এই জিনিস্‌ছানি অলঅ‌:

যাত্রা 35:35

তে তারারে নানান্‌ বাবোত্যে আঢর্‌ কাম্‌, য়েল্, বিগুনি আর রাঙা রঙয়র্‌ সুদো আর মসীনা সুদোলোই সিলেইনে আড়ুক্‌ তুলিবার্‌ কাম্‌ আর তাদ কাম্‌ গুরিবার্‌ খেমতা দিলো। তারা নানান্‌ বাবোত্যে আঢ কাম্‌ গুরি পারিবাক্‌ আর নিজোর্‌ মনত্তুন্‌ নানান্‌ বাবোত্যে আড়ুক্‌অ বানেই পারিবাক্‌।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

যিশাইয় 30:18

তো লগেপ্রভু তমা উগুরে দোয়্যে গুরিবাত্তে বাজ্জেই আঘে; তমারে মেয়্যে গুরিবাত্তে তে যুক্কোল্ ওই আঘে। লগেপ্রভু ন্যায়বিচেরর্ গোজেন; যিগুনে তাত্তে বাজ্জেই আগন্ তারা বর্ পেইয়্যে।

লূকে লেখ্যে গম্ হবর্ 21:15

কিয়া মুই তমারে এমন কধা আর এমন জ্ঞান যুগেই দিম্ যিয়েনর জোবত্ তমা শত্রুগুনে কিজু কোইয়ো ন-পারিবাক্ আর সিয়েন অস্বীগের্-অ গুরি ন-পারিবাক্।

প্রেরিত্‌ 15:25

ইয়েনত্যে আমি বেক্কুনে একমত ওইনে কয়েকজনরে বেঈ লোইনে আমার কোচ্‌‌পেইয়্যে সমাজ্যে বার্ণবা আর পৌল সমারে তমা ইধু তারারে পাধেলুং।

প্রেরিত্‌ 9:17

সেক্কে অননিয় যেইনে সেই ঘর ভিদিরে সুমিলো আর শৌল কিয়্যেগানত্ আঢ্ দিইনে কলঅ, “ভেই শৌল, ইধু এবার্ পধত্ যে তরে দেগা দিয়্যে তে প্রভু যীশু। তেয়ই মরে পাধেয়্যে যেন তুই তর্ দেগিবার খেমতাগান্ ফিরি পাজ্ আর পবিত্র আত্মায় পরিপুরোণ অচ্।”

রোমীয় 2:4

তুই দঅ গোজেনর্ দোয়্যে, সোজ্যগুন্ আর ধৈজ্জ্যগানিরে ঈচ্ গোজ্জ্যস্। তুই পুরি ফেল্ল্যচ্ গোজেনর্ এ দোয়্যের্ উদ্দেচ্চ্য অলঅ তরে পাপত্তুন্ মন ফিরেবার পদথ্ আনানা।

১ করিন্হীয় 12:8

কাররে কাররে সেই পবিত্র আত্মার্ মাধ্যমে জ্ঞানর্ কধা বা বুদ্ধির্ কধা কবাত্যে দিয়্যে অয়।

১ করিন্হীয় 2:13

আর সে দানানির্ কধা আমি কোই। সিয়েনি কবাত্যে আমি যেদক্কানি কধা বেবহার গুরিই সিয়েনি মান্‌জ্যর্ জ্ঞানত্তুন্ শিক্ষ্যে পেইনে ন-কোই, মাত্তর্ পবিত্র আত্মালোই শিক্ষ্যে পেইনে কোই। আত্মিক সত্য বুঝেবাত্তে আমি আত্মিক কধা বেবহার গুরিই।

১ করিন্হীয় 3:10

গোজেনত্তুন্ যে বিশেষ দোয়্যে মুই পেয়োং সিয়েন্দোই কাবিল্ রাজমিস্ত্রি ধোক্ক্যেন্ মুই গড়াগান্ গাড়েয়োং, আর সিয়েন উগুরে অন্যগুনে বিল্ডিং বানাদন্। মাত্তর্ কন্না কেধোক্ক্যেন গুরি বানাদন্ সে পৌইদ্যেনে তে উজিয়ার্ ওক্‌।

ইফিষীয় 3:3

তার্ গুমুরো উদ্দেচ্চ্যগান তে বিশেষ কধালোই মরে জানেয়্যে, আর এ বেপারান মুই তমা ইধু কম্ কধালোই লিগিলুং।

১ তীমথিয় 1:16

আর সেনত্যে গোজেনে মরে দোয়্যে গোজ্জ্যে, যেন আজল্ পাপী যে মুই, মর্ মাধ্যমে খ্রীষ্ট যীশু তার্ ধৈজ্জ্যগান্ দেগেই পারে। তা উগুরে বিশ্বেজর্ কারনে যিগুনে উমর্‌অ জিংকানি পেবাক্ তারা যেন মরে দেগিনে শিগিই পারন্ সেনত্যে তে মঅ উগুরে এবাবোত্যে গোজ্জ্যে।

যাকোব 1:5

তমা ভিদিরে যুনি কারঅ জ্ঞানর্ অভাব থায় সালে তে যেন গোজেন ইধু সিয়েন মাগে, আর গোজেনে তারে সিয়েন দিবো, কিয়া তে তোচ্চ্যে ন-পেইনে পত্তিজনরে জদবদে দান গরে।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

১ পিতর 3:20

ভালোক্ দিন আগে নোহর সেই জাহাজ্‌চান বানেবার সময়োত্ গোজেনে যেক্কে ধৈয্য ধুরিনে বাজ্জেই রোইয়্যে সেক্কে যিগুনে অবাধ্য ওইয়োন এ আত্মাগুন তারার্। সেই জাহাজত্ উদিনে বানা কয়েক্‌জন, অত্তাৎ বানা আস্‌টোজন সেই পানিগানত্তুন্ বাচ্চ্যন্।

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।